རྡ་སར་བོད་ཀྱི་མཛངས་མའི་འགྲན་བསྡུར།

༄༅༎བཞུགས་སྒར་དུ་བོད་ཀྱི་མཛངས་མ་འོས་འདེམས་ཀྱི་བྱེད་སྒོ་དེ་༢༠༠༢ ལོར་ཐོག་མར་འགོ་བཙུགས་པ་ནས་འདི་ལོ་མི་ལོ་བཅུ་འཁོར་ཞིང་་འདི་ལོའི་འགྲན་བསྡུར་ནང་བེུད་དྲུག་མཉམ་ཞུགས་བྱེད་མཁན་བྱུང་བའི་ནང་ནས། རྒྱ་གར་ནས་བོུ་གསུམ་དང༌། ཨ་མི་རི་ཀ།  ཨོ་སི་ཀྲོ་ལི་ཡ། སུད་ཛ་ལན་ཊེ་ནས་རེ་རེ་བཅས་ཡིན་པ་རེད།

དེ་རིང་མཛངས་མ་འགྲན་བསྡུར་གོ་སྒྲིག་གནང་མཁན་བློ་བཟང་དབང་རྒྱལ་ལགས་ཀྱིས་གསར་འགོད་གསལ་བསྒྲགས་ཤིག་སྤེལ་ཏེ། འདི་ལོ་ནི་བོད་ཀྱི་རྔ་པ་ཁུལ་དུ་རྒྱ་ནག་གཞུང་གིས་དམ་བསྒྲཌ་འོག་གནས་བཞིན་པའི་ཛ་དྲག་གི་གནས་སྟངས་ཡོད་མུས་ལ། མཛངས་མ་འགྲན་བསྡུར་སྐབས་གྱོན་ཆས་འདྲ་མིན་དང༌། རྩེད་རིགས་འདྲ་མིན། ཤོག་སྦག་སྤར་བ་སོགས་བྱེད་སྒོ་སྤེལ་རྒྱུ་ཡག་པོ་མེད་པའི་བསམ་ཚུལ་བཅངས་མཁན་ཡོད་སྲིད་ཀྱང༌། འདི་ལོ་བོད་ཀྱི་མཛངས་མའི་འགྲན་བསྡུར་མུ་མཐུད་གོ་སྒྲིག་བྱེད་དགོས་དོན་ནི། བོད་ནང་གི་དཀའ་སྡུག་བརྗེད་པ་མིན་ལ། འདི་ལོ་ནི་དམིགས་བསལ་བོད་ཀྱི་མཛངས་མའི་འགྲན་བསྡུར་དེ་འགོ་བཙུགས་ནས་མི་ལོ་བཅུ་འཁོར་བ་ཞིག་ཡིན་སྟབས། མུ་མཐུད་ནས་གོ་སྒྲིག་བྱས་ཏེ། བོད་ཀྱི་མཛངས་མའི་འགྲན་བསྡུར་འདི་ལ་འཛམ་གླིང་གང་ས་ནས་གསར་འགོད་པ་ཡོང་གི་ཡོད་པའི་གོ་སྐབས་བཟུང་སྟེ། བོད་ཀྱི་རྩ་དོན་གོ་རྟོགས་སྤེལ་རྒྱུར་འབད་བརྩོན་བྱ་རྒྱུའི་དམིགས་ཡུལ་ཡོད་ཅེས་དང༌། བེུད་དྲུག་པོ་དེར་དེ་རིང་ནས་ཉིན་བདུན་རིང་བཙན་བྱོལ་གི་ལས་ཁུངས་ཁག་དང༌། སློབ་གྲ་ཁག་ལ་ལྟ་སྐོར་དུ་ཁྲིད་རྒྱུ་དང༌། ལུས་སྦྱོང༌། ལུས་རྩེད། ཞབས་བྲོ་འཁྲབ་སྟངས་སོགས་ཟབ་སྦྱོང་སྤྲོད་རྒྱུ་ཡིན་པ་དང༌། ཕྱི་ཟླ་དྲུག་པའི་ཚེས་༣ ཉིན་ཆུ་རྐྱལ་འགྲན་བསྡུར་དང༌། ཚེས་༤ ཉིན་གཏམ་བཤད་དང་ཁྱད་ཆོས་བཏོན་རྒྱུ། ཕྱི་ཚེས་༥ ཉིན་མཐའ་མ་དེར་ཆས་གོས་འདྲ་མིན་འགྲན་བསྡུར་དང་བོད་མིའི་ཐོུང་མ་ཡིན་པའི་གྱོན་ཆས་འགྲན་བསྡུར། འདྲི་བ་འདྲི་ལན་བྱས་པ་བརྒྱུད་༢༠༡༡ ལོའི་མཛངས་མ་འདེམས་རྒྱུ་ཡིན་པ་གསུང་ཡོད་པ་རེད། མཐར་མཛངས་མའི་རྒྱལ་ཁ་ཐོབ་མཁན་དེར་ཧིན་སྒོར་འབུམ་གཅིག་དང༌། ཨང་གཉིས་པར་ཧིན་སྒོར་ཁྲི་ལྔ། ཨང་གསུམ་པ་ཧིན་སྒོར་ཉིས་ཁྲི་ལྔ་སྟོང་སྤྲོད་རྒྱུ་ཡིན་ཞིང༌། ༢༠༠༢ ནས་མཛངས་མའི་འགྲན་བསྡུར་འགོ་བཙུགས་པ་ནས་ད་བར་མི་ལོ་བཅུའི་ནང་འཛངས་མའི་འགྲན་བསྡུར་ནང་ཞུགས་མཁན་བོུ་༣༢ བྱུང་བ་དང་དེའི་ནང་ནས་མཛངས་མ་ལྔ་ཡིས་རྒྱལ་སྤྱིའི་མཛངས་མའི་འགྲན་བསྡུར་ཁག་བདུན་ནང་མཉམ་ཞུགས་བྱེད་ཐུབ་པ་བྱུང་ཡོད་པ་རེད།