བོད་མི་དང་ནང་བའི་གྲྭ་བཙུན་ཚོས་བལ་ཡུལ་ནང་རོཊ་སྐྱོར།
2015.05.07
བོད་མི་དང་ནང་བའི་གྲྭ་བཙུན་ཚོས་བལ་ཡུལ་གྱི་གནོད་ཐེབས་ས་ཁུལ་ནང་རོཊ་སྐྱོར་གནང་བཞིན་པ། ༢༠༡༥།༥
ཐུབ་བསྟན་སངས་རྒྱས།/RFA
བོད་མི་དང་ནང་བའི་གྲྭ་བཙུན་ཚོས་བལ་ཡུལ་གྱི་གནོད་ཐེབས་ས་ཁུལ་ནང་རོཊ་སྐྱོར་ཤུགས་ཆེ་གནང་བར་ས་གནས་ཡུལ་མིས་ཡི་རང་གནང་བ།
དེ་ཡང་ཟླ་བ་སྔོན་མའི་ཚེས་༢༥ཉིན་བྱུང་བའི་ཚབས་ཆེའི་ས་ཡོམ་གྱི་གོད་ཆག་ཁྲོད་ད་བར་མི་གྲངས་༧༧༥༩ཙམ་གྱི་ཚེ་སྲོག་ཤོར་བ་དང༌། མི་མང་སྟོང་ཕྲག་མང་པོར་རྨས་སྐྱོན་ཕོག་ཡོད་པ། དེ་བཞིན་མང་ཚོགས་ཀྱི་སྡོད་ཁྱིམ་ཆེས་མང་པོ་རྩ་མེད་དུ་ཕྱིན་པ་སོགས་ཀྱི་ཡ་ང་བའི་གནས་སྟངས་ཆགས་ཡོད་པར། གདུང་སེམས་མཉམ་བསྐྱེད་ཀྱི་རོགས་སྐྱོབ་ཀྱི་ཆེད། དེང་སྐབས་ཡུལ་དེའི་ནང་ཕྱིའི་རོགས་རམ་འཕོན་ཆེ་འབྱོར་བཞིན་ཡོད་པ་དེ་ལྟར་ཡང༌། རོགས་རམ་དེ་དག་རྒྱལ་ས་ཀཐ་མན་གྲུའི་གཙོས་པའི་གྲོང་ཁྱེར་ཆེ་ཁག་ཏུ་གནས་སྡོད་བྱེད་མཁན་ཚོར་ཕན་ཐོགས་ཡོང་གི་ཡོད་པ་ལས། གནོད་འཚེ་ཕོག་པའི་ཐག་རིང་གྲོང་གསེབ་ཁག་ཏུ་དུས་ད་ལྟའང་བལ་ཡུལ་གཞུང་གིས་ངལ་སེལ་གྱི་རོགས་རམ་གང་ཡང་འབྱོར་ཐུབ་མེད་པར་སོང༌། བལ་ཡུལ་ནང་ཡོད་པའི་བོད་མི་སྤྱི་དང༌། ལྷག་པར་དུ་སེ་ཆེན་དགོན་པ་དང༌། ཀོ་པན་དགོན་པ། འབྲི་གུང་རིན་ཆེན་གླིང་དགོན་པ། ཁྲ་མགུ་དགོན་པ། ཐར་ལམ་དགོན་པ། ཀརྨ་བཀའ་བརྒྱུད་དགོན་པ། ཤེལ་དཀར་དགོན་པ་སོགས་བོད་པའི་དགོན་སྡེ་ཁག་དང་། ནང་བའི་དགོན་སྡེ་ཁག་གི་དགེ་འདུན་པ་དང་བཙུན་མ་རྣམ་པས་རྒྱལ་ས་ཀཐ་མན་གྲུ་དང༌། དེ་བཞིན་འགྲུལ་བཞུད་མི་བདེ་བའི་ཐག་རིང་གྲོང་གསེབ་ཁག་ཏུ་བསྐྱོད་དེ་དཀའ་ངལ་ནང་ལྷུང་བའི་མང་ཚོགས་རྣམས་ལ་སྡོད་གུར་དང༌། མལ་ཆས། ཆུ་དང༌། དེ་བཞིན་ཉིན་རེའི་དགོས་མཁོའི་བཟའ་བཅའ་སོགས་ཀྱི་རོགས་རམ་མཁོ་སྤྲོད་གནང་བཞིན་པ་མ་ཟད། དགོན་སྡེ་ཁག་གི་མདུན་ཐང་དུ་གུར་ཕུབ་ཏེ་སྡོད་ཁྱིམ་མེད་པའི་མི་མང་གནས་སྡོད་བྱེད་དུ་བཅུག་པ་སོགས་ཀྱི་མྱུར་སྐྱོབ་རོགས་སྐྱོར་ལས་དོན་ལ་བལ་ཡུལ་གྱི་ས་གནས་ཡུལ་མི་མང་པོས་ཡིད་སྨོན་དང་། བསྔགས་བརྗོད། མིག་དཔེ་འོས་པའི་སྤྱི་ཚོགས་ཞབས་ཞུའི་ལས་དོན་སྒྲུབ་བཞིན་པར་ཡི་རང་གནང་བཞིན་ཡོད་འདུག
དེ་བཞིན་བལ་ཡུལ་དུ་ས་ཡོམ་བརྒྱབ་པའི་ཁྲོད་ད་བར་བལ་ཡུལ་ནང་གནས་སྡོད་བྱེད་མཁན་བོད་མི་མི་གྲངས་༡༣ ཙམ་རྐྱེན་འདས་སུ་སོང་ཡོད་འདུག
གསར་འགོད་པ་ངག་དབང་ཆོས་འཕེལ།
བལྟ་བཤེར་མང་ཤོས་བྱས་པའི་གནས་ཚུལ།
RFA
- ༸གོང་ས་༸སྐྱབས་མགོན་ཆེན་པོ་མཆོག་གིས་དཀའ་ཁག་ཆེ་བའི་དུས་སྐབས་འདིར་༸རྒྱལ་དབང་རིན་པོ་ཆེ་ཡོད་བསམ་ནས་བློ་བདེ་པོ་བྱོས་ཞེས་མཇལ་བཅར་བ་ཚོར་བཀའ་སྩལ་མཛད་འདུག
- ༸རྒྱལ་བའི་ཡང་སྲིད་དང་། རྒྱ་ནག་དམར་ཤོག་གཞུང་གི་ངན་བྱུས།
- ཨེ་ཤེ་ཡ་རང་དབང་རླུང་འཕྲིན་ཁང་གི་བོད་སྐད་སྡེ་ཚན་དང་། ཡུ་གུར། འབར་མའི་སྐད་ཡིག་སྡེ་ཚན་གྱི་ལས་དོན་མཚམས་འཇོག་བྱེད་རྒྱུའི་གསལ་བསྒྲགས།
- ཡུ་རོབ་གྲོས་ཚོགས་ཀྱིས་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་སྐུའི་ཡང་སྲིད་ངོས་འཛིན་གནང་སྒོར་རྒྱ་ནག་གཞུང་གིས་ཐེ་གཏོགས་བྱེད་པར་སྐྱོན་བརྗོད་ཀྱི་གྲོས་ཆོད་ཚད་མཐོའི་མང་མོས་ཐོག་གཏན་འབེབས་གནང་འདུག
- རྒྱ་གར་གྱིས་པ་ཀིསྟན་ནང་གི་དྲག་སྤྱོད་པའི་ས་ཚིགས་ལ་རྒོལ་རྡུང་བཏང་བར་རྒྱ་ནག་གིས་བློ་འགྱོད་ཡོད་སྐོར་བརྗོད་འདུག
བལྟ་བཤེར་མང་ཤོས་བྱས་པའི་གནས་ཚུལ།
གསར་འགྱུར།
- ༸གོང་ས་༸སྐྱབས་མགོན་ཆེན་པོ་མཆོག་གིས་ཡེ་ཤུའི་བླ་ཆེན་པོབ་ལེའུ་བཅུ་བཞི་པ་མཆོག་ལ་འཚམས་འདྲི་མཛད་འདུག
- རྒྱ་ནག་གཞུང་གིས་ལོ་དགུའི་རིང་ཆུ་དང་གློག་གི་མཐུན་རྐྱེན་བཅད་པར་ཞུ་གཏུགས་བྱེད་མཁན་སྐལ་བཟང་ལགས་བཙོན་འཇུག་བྱས་འདུག
- ཧོང་ཀོང་དུ་སངས་རྒྱས་ཀྱི་རིང་བསྲེལ་རིན་བསྡུར་ལམ་ནས་ཚོང་སྒྱུར་བྱ་འཆར་ལ་རྒྱ་གར་གཞུང་གིས་དགག་བྱ་བྱས་རྐྱེན་རིན་བསྡུར་ཚོང་སྒྱུར་ཕྱི་བཤོལ་བྱས་འདུག
- ༸གོང་ས་༸སྐྱབས་མགོན་ཆེན་པོ་མཆོག་གིས་བསྟན་འགྲོ་སྤྱིའི་དོན་དུ་མཛད་འཕྲིན་མུ་མཐུད་བསྐྱང་རྒྱུའི་བཀའ་བཞེས་ཕེབས་སོང་།
- ༸གོང་ས་༸སྐྱབས་མགོན་ཆེན་པོ་མཆོག་གིས་ཇོ་ནང་རྒྱལ་ཚབ་རིན་པོ་ཆེ་དང་། ཤར་སྤྲུལ་རིན་པོ་ཆེ། དགེ་བཤེས་ལྷུན་གྲུབ་བཟོད་པ་རིན་པོ་ཆེའི་ཡང་སྲིད་གཙོས་པའི་ཕྱི་ནང་གི་དད་ལྡན་པར་མཇལ་ཁ་སྩལ་བ།