བཙན་བྱོལ་བོད་གཞུང་གི་ཉིས་སྟོང་བཅུ་ལོའི་འགྲོ་གྲོན་དངུལ་རྩིས།

༄༅༎བོད་མི་མང་སྤྱི་མཐུས་ལྷན་ཚོགས་ཀྱི་རྒྱུན་ལས་ཚོགས་ཆུང་ནས་༢༠༠༩དང་༢༠༡༠ལོའི་བཙན་བྱོལ་བོད་གཞུང་གི་མ་ལག་ལས་ཁུངས་ཁག་གི་འགྲོ་གྲོན་ཆེད་བསྐྱར་ཞིབ་ཀྱི་དངུལ་བརྩིས་ལ་བཀའ་ཁྲོལ་གནང་ཡོད་པའི་གནས་ཚུལ་ཐོན་འདུག བཙན་བྱོལ་བོད་གཞུང་གི་དྲ་གནས་ཐོག་གནས་ཚུལ་བཀོད་པར་གཞིགས་ན་བཙན་བྱོལ་བོད་གཞུང་གི་བསྐྱར་བཅོས་གནང་པའི་༢༠༠༩ནས༡༠བར་བཙན་བྱོལ་བོད་གཞུང་གི་མ་ལག་ལས་ཁུངས་ཁག་གི་འགྲོ་གྲོན་དངུལ་བརྩིས་ལ་བསྐྱར་ཞིབ་གནང་ཕྱིར་ཉེ་སྔོན་ཕྱི་ཟླ་༡༡པའི་ཚེས་༢༣ནས༣༠བར་བོད་མི་སྤྱི་འཐུས་ལྷན་ཚོགས་ཀྱི་རྒྱུན་ལས་ཚོགས་ཆུང་གིས་བསྐྱར་ཞིབ་ལྷན་ཚོགས་གནང་ཡོད་པ་དང་ ཚེས་༣༠ཉིན་ བོད་མི་སྤྱི་འཐུས་ལས་ཁུངས་ནས་ བཙན་བྱོལ་བོད་གཞུང་གི་འགྲོ་གྲོན་དངུལ་བརྩིས་གཏན་འབེབས་ཀྱིས་བཀའ་ཁྲོལ་གསལ་བསྒྲགས་གནང་ཡོད་པ་རེད་ གསལ་བསྒྲགས་དེ་གཞིར་བཟུང་ལྟར་ན་ ༢༠༠༩ནས་༡༠བར་བཙན་བྱོལ་བོད་གཞུང་གི་འགྲོ་གྲོན་དངུལ་བརྩིས་དེ་རྒྱ་གར་གྱི་དངུལ་བསྡོམས་ཐེར་འདུམ་གཅིག་དང་ས་ཡ་༣༦ལྔ་ཁྲི་ཉིས་སྟོང་གཏན་འབེབས་གནང་བཞག གོལ་གསལ་གྱི་དངུལ་བརྩིས་སྐྱར་ཞིབ་ཀྱི་སྡོམ་འབོར་དེའི་ནང་འདི་ལོ་འགོ་སྟོད་སྤྱི་ཟླ་གསུམ་པའི་ནང་བོད་མི་སྤྱི་འཐུས་ལྷན་ཚོགས་ཀྱི་བཀའ་ཁྲོལ་གནང་པའི་དངུལ་འབོར་དུང་ཕྱུར་༨དང་ས་ཡ་༢༨ལྷག་ཙམ་གྱི་དངུལ་བརྩིས་ཡང་ཚུད་ཀྱི་ཡོད་པ་རེད་བཙན་བྱོལ་བོད་གཞུང་གི་མ་ལག་ལས་ཁུངས་ཁག་བདུན་ནས་༢༠༠༩ནས་༡༠བར་ལས་ཁང་སོ་སོའི་འགྲོ་འགྲོན་གྱི་བསྐྱར་བཅོས་དངུལ་བརྩིས་དེ་ ཉེ་སྔོན་ཕྱི་ཟླ་༡༠ནང་བཙན་བྱོལ་བོད་བཀའ་ཤག་དང་དངུལ་བརྩིས་ལས་ཁུངས་གཉིས་བརྒྱུད་བོད་མི་སྤྱི་འཐུས་ལྷན་ཚོགས་སུ་སྤྱན་འབུལ་ཞུས་རྗེས་ད་རེས་གཏན་འབེབས་བྱུང་བ་ཞིག་ཡིན་པ་རེད་