བོད་ཀྱི་ཆོས་བརྒྱུད་ཆེན་པོ་བཞི་དང་གཡུང་དྲུང་བོན་བཅས་པའི་ལྷན་ཚོགས་ཐེངས་༡༣པ་ཕྱིར་འགྱངས་གནང་བ།

༄༅། །དབུས་བོད་མིའི་སྒྲིག་འཛུགས་ཆོས་རིག་ལས་ཁུངས་གིས་སྤྱི་ཚེས་༢༤འཁོད་པའི་གསལ་བསྒྲགས་ཤིག་སྤེལ་གནང་འདུག དེའི་ནང་ཉེ་ཆར་སྔ་འགྱུར་རྙིང་མའི་དབུ་འཛིན་ཁྲི་རབས་བདུན་པ་༸སྐྱབས་རྗེ་ཀཿ ཐོག་དགེ་རྩེ་རིན་པོ་ཆེ་མཆོག་གློ་བུར་དུ་དགོངས་པ་གཞན་དོན་དུ་གཤེགས་པའི་ཡིད་སྐྱོའི་གནས་ཚུལ་བྱུང་བར་མྱ་ངན་གུས་བཏུད་མཚོན་ཕྱིར་དང་། སྔ་འགྱུར་རྙིང་མ་གཙོ་གྱུར་བླ་སྤྲུལ་མཁན་སློབ་ཆེ་ཁག་གཞན་མང་པོ་ཞིག་ཡང་གོང་གསལ་གནས་ཚུལ་ལ་བརྟེན་ནས་ལྷན་ཚོགས་ཐོག་ཕེབས་སྟབས་མི་བདེ་བ་འགྱུར་ངེས་ཀྱི་རྒྱུ་མཚན་ལ་གཙོ་བོར་བརྟེན་ནས། བཞུགས་སྒར་དྷ་རམ་ས་ལར་༢༠༡༨ལོའི་ཟླ་ ༡༡ ཚེས་ ༢༩ ནས་ཟླ་ ༡༢ ཚེས་ ༡ བར་ཉིན་གྲངས་གསུམ་རིང་བསྐྱང་གནང་རྒྱུའི་བོད་ཀྱི་ཆོས་བརྒྱུད་ཆེ་བ་བཞི་དང་གཡུང་དྲུང་བོན་དང་བཅས་པའི་བླ་ཆེན་རྣམ་པའི་ལྷན་ཚོགས་ཐེངས་ ༡༣ པ་དེ་བཞིན་རེ་ཞིག་དུས་ཚེས་ངེས་མེད་བར་ཕྱིར་འགྱངས་གནང་རྒྱུ་ཡིན་པའི་གསལ་བསྒྲགས་དབུས་བོད་མིའི་སྒྲིག་འཛུགས་ཆོས་རིག་ལས་ཁུངས་ནས་གནང་འདུག།
གསར་འགོད་པ་རྩོམ་སྒྲིག་འགན་འཛིན་རིག་ལྡན་སྒྲོལ་མ།