ཁེ་ན་ཌར་བོད་མི་གནས་སྤོ།

༄༅།    །ཁེ་ན་ཌར་བོད་མི་ཆིག་སྟོང་གནས་སྤོ་བྱ་རྒྱུའི་ལས་གཞིའི་འོག    རྒྱན་ཤོག་འཕངས་ནས་རྒྱན་ཐོབ་པའི་བོད་མི་གྲངས་ ༨༩༠ ཡོད་པའི་ཁོངས་ནས་མི་གྲངས་ ༢༠༤ ཆེད་མགྲོན་ཤོག་གི་འགེངས་ཤོག་དེ་བཞིན་ཕྱི་ལོ་ ༢༠༡༣ ཟླ་ ༣ ཚེས་ ༡༩ ཉིན་འབྱོར་ཡོད་པ་རེད་འདུག    དེ་ཡང་དབུས་བོད་མིའི་སྒྲིག་འཛུགས་ཀྱི་དྲ་གནས་ཐོག་སྤེལ་བའི་གསལ་བསྒྲགས་གཞིར་བཟུང་བྱས་ན།    མགྲོན་ཤོག་གི་འགེངས་ཤོག་འབྱོར་བའི་མི་གྲངས་ ༢༠༤ ནས་རྒྱ་གར་བྱང་ཤར་ཏི་ཛུ་དར་རྒྱས་གླིང་ནས་མི་གྲངས་ ༦༤ དང་ཀྲུ་ཀྲིང་ནས་མི་གྲངས་ ༣༧  མིའོ་གཞིས་ཆགས་ནས་མི་གྲངས་ ༧༩ ཡོད་པས་མ་ཟད། བསྟན་འཛིན་སྒང་ནས་མི་གྲངས་ ༢༤ བཅས་བསྡོམས་མི་གྲངས་ ༢༠༤ ལ་འབྱོར་འདུག མགྲོན་ཤོག་འབྱོར་བའི་མི་གྲངས་ ༢༠༤ ཡོད་པ་རྣམས་ལ་ འདི་ལོའི་ཕྱི་ཟླ་ ༥ ནང་དྲི་རྩད་དང་ཁོང་རྣམས་ཀྱི་གཟུགས་གཞི་བདེ་འཕེར་ཡིན་མིན་སྨན་པའི་བརྟག་དཔྱད་བྱ་རྒྱུ་གཏན་འཁེལ་བྱུང་འདུག  ཁེ་ན་ཌའི་གཞུང་ཚབ་ལས་ཁུངས་ཀྱིས་ཨ་རུ་ན་ཅལ་མངའ་སྡེ་ནས་རྒྱན་ཤོག་ཐོབ་པ་རྣམས་ལ་སྟབས་བདེའི་ཆེད་ཨ་སམ་མངའ་སྡེའི་གྲོང་ཁྱེར་Tinsukia དང་སྡིབ་རུ་གྷར་ Dibugrah ནང་འདྲི་རྩད་དང་གཟུགས་གཞི་བརྟག་དཔྱད་གནང་རྒྱུ་མ་ཟད། ཐེངས་འདིར་ཁེ་ན་ཌའི་གཞུང་ཚབ་ལས་ཁང་གིས་ཕྱི་མི་གཞིས་སྤོ་བྱ་རྒྱུའི་དོད་Immigration Fees འབུལ་མི་དགོས་པའི་བོད་མི་རྣམས་ལ་ཆག་ཡང་གནང་སྟབས། ཁེ་ན་ཌའི་སྒོར་མོ་བཞི་འབུམ་ལྔ་ཕྲིའམ་རྒྱ་གར་ཧིན་སྒོར་ས་ཡ་༢༤ ཙམ་བོད་མི་རྣམས་ནས་གནང་མི་དགོས་པའི་ཁེ་ཕན་བྱུང་ཡོད་པ་རེད།།