བོད་དོན་རེ་འབོད།

༄༅།    །བོད་མི་མང་ཡུ་རོབ་སྤྱི་འཐུས་ཐུབ་བསྟན་དབང་ཆེན་ལགས་ཀྱིས་ཕྱི་ཚེས་༡ཉིན་སེ་པན་རྒྱལ་ཁབ་ཀྱི་ཁོངས་སུ་གཏོགས་པའི་ཚད་མཐོའི་རང་སྐྱོང་གི་བདག་དབང་ཡོད་པའི་Cataloniaམངའ་སྡེའི་གྲོས་ཚོགས་ཀྱི་ཚོགས་གཙོ་དབུས་པའི་འབྲེལ་ཡོད་གྲོས་ཚོགས་ཀྱི་འཐུས་མི་ཁག་ཅིག་དང་མཇལ་འཕྲད་ཞུས་ཏེ། བོད་ནང་གི་བོད་མིའི་གནས་སྟངས་དང་དཀའ་སྡུག་སྐོར་གསལ་བཤད་དང་འབྲེལ། Catalonia གྲོས་ཚོགས་ནང་གྲོས་ཚོགས་ཀྱི་འཐུས་མི་ལས་གྲུབ་པའི་བོད་དོན་རྒྱབ་སྐྱོར་ཚོགས་ཆུང་ཞིག་གསར་འཛུགས་གནང་སྐྱོང་ཡོང་བའི་རེ་སྐུལ་ཞུས་ཡོད་ལུགས་བོད་བོད་མིའི་སྒྲིག་འཛུགས་ཀྱི་དྲ་རྒྱའི་ཐོག་གནས་ཚུལ་བཀོད་འདུག
ཡུ་རོབ་སྤྱི་འཐུས་ཐུབ་བསྟན་དབང་ཆེན་ལགས་ཀྱིས་  Catalonia གྲོས་ཚོགས་ཀྱི་ཚོགས་གཙོས་གཙོས་པའི་ཕྱི་འབྲེལ་སྡེ་ཚན་གྱི་འཐུས་མི་རྣམ་པ་དང་། ཡུ་རོབ་གྲོས་ཚོགས་ཀྱི་འཐུས་མིའི་མཚན་གནས་ཡོད་པའི་འཐུས་མི་རྣམ་པ། གཞན་ཡང་འགྲོ་བ་མིའི་ཐོབ་ཐང་གི་འཐུས་མི་སོགས་དང་མཇལ་འཕྲད་སྐབས། རྒྱ་ནག་གཞུང་གིས་བོད་ལ་དབང་བསྒྱུར་བྱས་པ་ནས་བཟུང་ བོད་མི་རིགས་ཀྱི་ཆོས་དང་རིག་གཞུང་རྩ་མེད་བཟོ་རྒྱུའི་སྲིད་ཇུས་མདུན་བསྐྱོད་བཏང་བར་བརྟེན། བོད་མི་རྣམས་འུ་ཐུག་ཐབས་ཟད་ཀྱི་གནས་སྟངས་འོག་ད་བར་བོད་མི་ ༡༡༩ བོད་ཀྱི་བདེན་པའི་འཐབ་རྩོད་ཆེད་རང་ལུས་མེར་སྲེག་བཏང་ཡོད་པ་དང་། རྣམ་པ་འདྲ་མིན་གྱི་སྒོ་ནས་རྒྱུན་ཆད་མེད་པར་ཞི་རྒོལ་བྱུང་བཞིན་པ་དང་། ལས་འགུལ་དེ་ཚོའི་ཁྲོད་རྒྱ་ནག་གཞུང་གིས་གདུག་རྩུབ་ཀྱི་སྲིད་བྱུས་ཁོ་ན་བེད་སྤྱོད་གཏོང་གི་ཡོད་པར་འགྲེལ་བརྗོད་གནང་འདུག་ ལྷག་པར་དུ་བོད་རྒྱུའི་དཀའ་རྙོག་སེལ་ཕྱོགས་ཐད་ལ་བོད་མིའི་སྒྲིག་འཛུགས་ངོས་ནས་༸གོང་ས་མཆོག་གིས་འདོན་གནང་མཛད་པའི་དབུ་མའི་ལམ་གྱི་དགོངས་དོན་གཞིར་བཟུང་བོད་རྒྱ་ཞི་མོལ་གནང་རྒྱུའི་གྲ་སྒྲིག་ཨང་གསར་ཡོད་སྐོར་གསལ་འདོན་བཞག  ཡུ་རོབ་སྤྱི་འཐུས་ཐུབ་བསྟན་དབང་ཆེན་ལགས་ཀྱིས་ Catalonia གྲོས་ཚོགས་ནང་འབྱུང་འགྱུར་གྲོས་ཚོགས་ཀྱི་འཐུས་མི་ལས་གྲུབ་པའི་བོད་དོན་རྒྱབ་སྐྱོར་ཚོགས་ཆུང་ཞིག་གསར་འཛུགས་གནང་སྐྱོང་ཡོང་བའི་རེ་སྐུལ་ཞུས་པ་དེར་ Catalonia གྲོས་ཚོགས་ཀྱི་འབྲེལ་ཡོད་སྐུ་ཚབ་རྣམས་ནས་ཐབས་ཤེས་གང་ཡོང་གནང་རྒྱུ་ཡིན་སྐོར་བཀའ་ལན་གནང་ཡོད་པར་གསུངས་འདུག།