བོད་ཀྱི་བུད་མེད་སྤོ་ལོའི་རུ་ཁག་མཐའ་སྡོམ་འགྲན་བསྡུར་ལ་སླེབས་བ།

བོད་རྒྱལ་ཡོངས་བེུད་ཀྱི་རྐང་རྩེད་པོ་ལོའི་རུ་ཁག ༢༠༡༦

རྒྱ་གར་གྱི་Goa་མངའ་སྡེའི་ནང་བུད་མེད་ཀྱི་རྐང་རྩེད་པོ་ལོའི་འགྲན་བསྡུར་ནང་བོད་རྒྱལ་ཡོངས་བེུད་ཀྱི་རྐང་རྩེད་སྤོ་ལོའི་རུ་ཁག་མཉམ་ཞུགས་གནང་ནས་མཐའ་མའི་འགྲན་བསྡུར་ནང་སླེབས་ཡོད་འདུག།
དེ་ཡང་རྒྱ་གར་གྱི་The Times of India་གསར་ཤོག་གིས་གནས་ཚུལ་སྤེལ་གསལ་ལྟར་ན། རྒྱ་གར་Goa་མངའ་སྡེའི་རྐང་རྩེད་སྤོ་ལོའི་མཐུན་ཚོགས་ཀྱིས་མགྲོན་འབོད་བྱས་པ་ལྟར། བོད་རྒྱལ་ཡོངས་བེུད་ཀྱི་རྐང་རྩེད་རུ་ཁག་Goa་མངའ་སྡེའི་Mapusa་གྲོང་ཁྱེར་ནང་བེུད་ཀྱི་རྐང་རྩེད་འགྲན་བསྡུར་ནང་མཉམ་ཞུགས་གནང་ཡོད་པ་དང་། ཁ་ས་ཚེས་༥་ཉིན་འགྲན་རྩོད་ཐེངས་གཉིས་པའི་སྐབས་Duler་རྩེད་ཐང་ཞེས་པའི་ནང་། བོད་རྒྱལ་ཡོངས་བེུད་ཀྱི་རྐང་རྩེད་པོ་ལོའི་རུ་ཁག་དང་VIVA North་ཞེས་པའི་ས་གནས་ཀྱི་བེུད་རྐང་རྩེད་པོ་ལོའི་རུ་ཁག་དབར་འགྲན་བསྡུར་བྱས་འདུགྲ
འགྲན་བསྡུར་གྱི་གྲུབ་འབྲས་ནང་། བོད་པའི་བེུད་ཀྱི་རྐང་རྩེད་པོ་ལོའི་རུ་ཁག་ནས་པོ་ལོ་༤་བླུགས་པ་དང་། VIVA North་རུ་ཁག་གིས་གཅིག་ཀྱང་བླུགས་མ་ཐུབ་པར་ཕམ་ཉེས་བཏང་འདུག།
འགྲན་རྩོད་འདིའི་ཐོག་བོད་པའི་བེུད་རྐང་རྩེད་པོ་ལོའི་རུ་ཁག་གི་འཇམ་དབྱངས་འཚོས་པོ་ལོ་གཉིས་དང་། ངག་དབང་ཨོ་ཚོ་དང་། དོན་གྲུབ་ལྷ་མོ་གཉིས་ཀྱིས་པོ་ལོ་རེ་རེ་བཅས་བླུགས་ནས་བོད་རྒྱལ་ཡོངས་བེུད་ཀྱི་རྐང་རྩེད་པོ་ལོའི་རུ་ཁག་ད་ཆ་མཐའ་སྡོམ་རྩེད་ཕུད་འགྲན་བསྡུར་ནང་སླེབས་འདུག༎

གསར་འགོད་པ་དོན་གྲུབ་རྣམ་རྒྱལ།