གཞོན་ནུ་ལྷན་ཚོགས་ནས་དེ་སྔ་གཞོན་ནུའི་ཚོགས་ཁོངས་ནས་ཐོན་པའི་ས་གནས་ཁག་བདུན་གྱི་དཀའ་ངལ་འགྲིག་འཇགས་བྱུང་ཡོད་འདུག

ཕྱི་ལོ་༢༠༡༣ ལོར་བོད་ཀྱི་གཞོན་ནུ་ལྷན་ཚོགས་ཀྱི་ཚོགས་ཆེན་སྐབས། ཆབ་སྲིད་ཀྱི་ལྟ་བ་ལངས་ཕྱོགས་མ་མཐུན་པའི་རྐྱེན་གྱིས། ས་གནས་གཞོན་ནུ་ཁག་བརྒྱད་སྟེ། སྤེལ་ཀོབ་ས་གནས་གཞོན་ནུ་དང་་། ཧོན་སུར། ཀོ་ལི་གྷལ། མོན་གྷོ། སྤེང་ལོར། སྤོན་ཌོ། ཌལ་ཧོར། དེ་བཞིན་ལ་དྭགས་ས་གནས་གཞོན་ནུ་བཅས་བོད་ཀྱི་གཞོན་ནུ་ལྷན་ཚོགས་ཀྱི་ཁྱབ་ཁོངས་ནས་ཕྱིར་ཐོན་བྱས་ཏེ་ལོ་ངོ་དགུའི་རྗེས་སུ་ཀོ་ལི་གྷལ་ས་གནས་གཞོན་ནུ་ཕུད་པའི་གཞན་ས་གནས་གཞོན་ནུ་ཁག་༧ གྱི་དཀའ་ངལ་འགྲིག་འཇགས་བྱུང་སྟེ་དབུས་བོད་ཀྱི་གཞོན་ནུ་ལྷན་ཚོགས་ཀྱི་ཁྱབ་ཁོངས་སུ་ཕྱིར་འཛུལ་ཞུགས་བྱས་ཡོད་པ་དབུས་བོད་ཀྱི་གཞོན་ནུ་ལྷན་ཚོགས་ཀྱི་ཚོགས་གཙོ་མགོན་པོ་དོན་གྲུབ་ལགས་ཀྱིས་འདི་ཚེས་༡༧ ཉིན་གསལ་འགོད་གསལ་བསྒྲགས་ཤིག་གི་ཐོག་གསུངས་གནང་ཡོད་པའི་སྐོར་གསར་འགོད་པ་བློ་བཟང་དགེ་ལེགས་ལགས་ཀྱི་གནས་ཚུལ་གསན་རོགས་གནང་།