སྦེང་ལོར་དུ་མདུན་ལམ་སློབ་སྟོན་པའི་ཚན་པ་ཞིག་སྒོ་ཕྱེ་གནང་ཡོད།

༄༅།   །དེ་ཡང་ཚེས་༢         ཉིན་བོད་ཁྱིམ་ཐང་ཆེན་དུ་མང་ཚོགས་འདུ་འཛོམས་ཀྱིས་མང་གཙོའི་དུས་ཆེན་ཐེངས་༥༢     པ་སྲུང་བརྩི་ཞུས་ཡོད་པ་རེད།         མཛད་སྒོའི་སྐུ་མགྲོན་གཙོ་བོ་བཀའ་ཟུར་རྗེ་བཙུན་པདྨ་མཆོག་གིས་མང་གཙོའི་ལམ་སྲོལ་ནང་ཐོབ་ཐང་རྐྱང་པ་མ་ཡིན་པར་ལས་འགན་ཡང་ཤེས་རྟོགས་དགོས་རྒྱུ་གལ་ཆེ་ཡིན་སྐོར་དང༌།     ལྷག་པར་ཉེ་ལམ་ྋགོང་ས་ྋསྐྱབས་མགོན་ཆེན་པོ་མཆོག་གིས་ལ་དྭགས་བོད་མི་རྣམས་ལ་བསྩལ་བའི་བཀའ་སློབ་བརྙན་འཕྲིན་བརྒྱུད་མང་ཚོགས་ལ་གཟིགས་འབུལ་ཞུ་རྒྱུ་གལ་ཆེ་ཡིན་སྐོར། དེ་བཞིན་བཙན་བྱོལ་བོད་མི་རྣམས་ལོ་ངོ་ལྔ་བཅུ་ལྷག་རིང་ྋགོང་ས་ྋསྐྱབས་མགོན་ཆེན་པོ་མཆོག་དང་བཙན་བྱོལ་བོད་མིའི་སྒྲིག་འཛུགས་ཀྱིས་གཟིགས་སྐྱོང་དང་བཀྲིན་བསམ་ཡུལ་ལས་འདས་པ་གནང་ཡོད་པས་ད་ཆ་ྋགོང་ས་ྋསྐྱབས་མགོན་ཆེན་པོ་མཆོག་དང་།         བོད་གཞུང་ལ་ཞབས་འདེགས་ཞུ་རྒྱུའི་དུས་སུ་སླེབས་ཡོད་པ་སོགས་གསུང་བཤད་གཟབ་རྒྱས་གནང༌ཡོད་པ་རེད། དེ་རྗེས་ནང་སྲིད་ལས་ཁུངས་དང་ Techno Serveཚོགས་པ་ཟུང་ནས་སྦེང་ལོར་ལྷོ་སྤྱི་ལས་ཁུངས་ནང་མདུན་ལམ་སློབ་སྟོན་པའི་ཚན་པ་Tibetan Career Centreཞིག་སྒོ་ཕྱེ་ཡོད་པའི་སྐོར་གསལ་བསྒྲགས་གནང་ཡོད་རེད།།