བལ་ཡུལ་རྩ་ཁྲིམས་ཟིན་བྲིས་མཇུག་སྒྲིལ་གྱི་བྲེལ་ཟིང༌།

༄༅༎བལ་ཡུལ་ནང་རྒྱལ་ཡོངས་འོས་བསྡུ་བྱས་ནས་ལོ་གཉིས་ཙམ་འགྲོ་གི་ཡོད་པའི་སྐབས་འདིར། བལ་ཡུལ་གྱི་ཁྲིམས་བཟོ་མི་སྣ་ཚོས་རྒྱལ་ཁབ་ཀྱི་མ་འོངས་འཛིན་སྐྱོང་ལམ་ལུགས་སྲ་བརྟན་ཡོང་ཐབས་སུ་ཡུལ་གྱི་རྩ་ཁྲིམས་གསར་བཟོ་ཟིན་བྲིས་མཇུག་སྒྲིལ་ཐུབ་རྒྱུའི་བྲེལ་ཟིང་ཆེན་པོ་གནང་བཞིན་ཡོད་པ་རེད།

བལ་ཡུལ་གྱི་འཕྲལ་སེལ་རྩ་ཁྲིམས་ཀྱི་དུས་ཡུན་རྫོགས་རྒྱུར་ཟླ་བ་གསུམ་ལས་ལྷག་མེད་ནའང༌། མ་འོངས་གཞུང་གསར་འཛུགས་དང་མངའ་སྡེ་མང་པོ་མཉམ་དུ་འདུས་པའི་རྒྱལ་ཁབ་གསར་འཛུགས་གནང་ཕྱོགས་སོགས་གཞི་རྩའི་གནད་དོན་མང་པོ་ཞིག་ཐོག་ཕྱོགས་ཕན་ཚུན་དབར་བསམ་ཚུལ་མ་མཐུན་པ་ད་ལྟའང་ཡོད་བཞིན་པ་རེད།

བལ་ཡུལ་དེ་བཞིན་དེ་སྔོན་རྒྱལ་པོས་དབང་སྒྱུར་བྱས་པའི་རྒྱལ་ལྡན་རྒྱལ་ཁབ་ཞིག་ནས་དམངས་གཙོའི་ལམ་ལུགས་ལྡན་པའི་རྒྱལ་ཁབ་ཞིག་ལ་བསྒྱུར་ཐུབ་པའི་ཡུལ་གྱི་རྩ་ཁྲིམས་གསར་པ་ཞིག་ཟིན་བྲིས་སྐྱོན་དགོས་ཡག་དེ་བལ་ཡུལ་གྱི་ད་ལྟའི་གནད་དོན་འགག་རྩ་ཆེ་ཤོས་དེ་ཆགས་ཀྱི་ཡོད་པ་རེད།

གནད་དོན་དབྱེ་ཞིབ་པ་ཚོས་གསུངས་ན།ད་ཕན་ལོ་ངོ་བཅུ་ཕྲག་ཅིག་ཙམ་གྱི་རིང་མི་གྲངས་༡༦༠༠༠ཙམ་རྐྱེན་འདས་སུ་ཕྱིན་པའི་མའོ་ཤོག་ཁག་གི་འཇབས་དམག་གི་སླངས་བའི་ནང་འཁྲུག་དེ་དག་མཚམས་འཇོག་བྱུང་རྗེས་སླད་ཕྱིན་ཡུལ་དེ་བཞིན་ཞི་བདེ་འཕུགས་ཕེར་ལྡན་པ་ཞིག་ཆགས་དགོས་ཀྱི་ཡོད་སྟབས། རྩ་ཁྲིམས་ཟིན་བྲིས་གནང་ཡག་དེ་ཞི་བདེའི་འབྱུང་རིམ་གྱི་ཆ་ཤས་གལ་ཆེ་ཞིག་ལ་ངོས་འཛིན་གནང་གི་ཡོད་པ་རེད།