འཛམ་གླིང་ནང་གོ་མཚོན་ནང་འདྲེན་མང་ཤོས་ཀྱི་གླིང་ཕྲན་།

ཨེ་ཤེ་ཡ་ནི་འཛམ་གླིང་ནང་ནས་གོ་མཚོན་ནང་འདྲེན་མང་ཤོས་བྱ་མཁན་གྱི་གླིང་ཕྲན་དེ་ཡིན་ལུགས་སྙན་ཐོ་ཞིག་འདོན་སྤེལ་གནང་བཞག

2012.03.19

༄༅༎ཨེ་ཤེ་ཡ་ནི་འཛམ་གླིང་ནང་ནས་གོ་མཚོན་ནང་འདྲེན་མང་ཤོས་བྱ་མཁན་གྱི་གླིང་ཕྲན་དེ་ཡིན་ལུགས་སི་ཀྲོཀ་ཧོམ་རྒྱལ་སྤྱིའི་ཞི་བདེ་ཞིབ་འཇུག་བསྟི་གནས་ཁང་གིས་དེ་རིང་སྙན་ཐོ་ཞིག་འདོན་སྤེལ་གནང་བཞག། སྙན་ཐོ་དེའི་ནང་ ཕྱི་ལོ་༢༠༠༢ནས་༠༦་ལོའི་རྩིས་ནས་ ༢༠༠༧་ནས་༡༡་ལོར་རྒྱལ་སྤྱིའི་ནང་གོ་མཚོན་ཆེ་གྲས་ཉོ་ཚོང་དང་ ནང་འདྲེན་བྱ་རྒྱུ་བརྒྱ་ཆ་༢༤ཙམ་ཡར་འཕར་ཡོད་པ་དང་ འདས་པའི་ལོ་ལྔ་ནང་ ཨེ་ཤེ་ཡ་དང་ ཞི་བདེ་རྒྱ་མཚོའི་མངའ་ཁུལ་རྒྱལ་ཁབ་ཚོས་གོ་མཚོན་ནང་འདྲེན་བརྒྱ་ཆ་༤༤ཙམ་བྱས་ཡོད་འདུག་།  དེའི་རྩིས་ནས་འདས་པའི་ལོ་ལྔའི་ནང་ ཡུ་རོབ་ཡུལ་གྲུ་ཁག་གིས་གོ་མཚོན་ནང་འདྲེན་བརྒྱ་ཆ་༡༩དང་ དཀྱིལ་ཤར་ཡུལ་གྲུས་བརྒྱ་ཆ་༡༧་ ལྷོ་བྱང་ཨ་མི་རི་ཀས་བརྒྱ་ཆ་༡༡་དང་ ཨབ་རི་ཀའི་ཡུལ་གྲུས་གོ་མཚོན་ནང་འདྲེན་བརྒྱ་ཆ་༩ཙམ་ལས་བྱས་མེད་པ་རེད་བཞག།
རྒྱ་གར་ནི་ཕྱི་ལོ་༢༠༠༧ནས་༡༡་བར་ གོ་མཚོན་མང་ཤོས་ནང་འདྲེན་བྱ་མཁན་གྱི་རྒྱལ་ཁབ་ཨང་དང་པོ་དེ་ཡིན་པ་དང་  ཁྱིམ་མཚེས་པ་ཀི་སི་ཏན་ནི་གོ་མཚོན་མང་ཤོས་ནང་འདྲེན་བྱ་མཁན་གྱི་རྒྱལ་ཁབ་ཨང་གསུམ་པ་དེ་ཡིན་འདུག་། རྒྱ་གར་གྱིས་དྲག་པོའི་གོ་མཚོན་མང་ཤོས་ར་ཤི་ཡ་དང་ དབྱིན་ཡུལ་གྱི་ལག་ནས་ཉོ་གི་ཡོད་པ་དང་ པ་ཀི་སི་ཏན་གྱིས་རྒྱ་ནག་ནས་ཉོ་གི་ཡོད་འདུག་།
ཡང་གོ་མཚོན་ཕྱི་ཚོང་མང་ཤོས་བྱ་མཁན་ནི་ ཨ་མི་རི་ཀ་དང་ ར་ཤི་ཡ་ འཇར་མ་ཎི་ ཕ་རན་སི་ དབྱིན་ཇི་ཡིན་པ་རེད།  འདས་པའི་ལོ་ལྔའི་ནང་རྒྱ་ནག་གིས་ཕྱི་ནས་གོ་མཚོན་དེ་ཙམ་ཉོས་མེད་ཀྱང་ ཕྱི་ཚོང་མང་ཤོས་བྱ་མཁན་རྒྱལ་ཁབ་ཨང་དྲུག་པ་དེ་རྒྱ་ནག་ཆགས་ཡོད་ལུགས་སི་ཀྲོཀ་ཧོམ་རྒྱལ་སྤྱིའི་ཞི་བདེ་ཞིབ་འཇུག་བསྟི་གནས་ཁང་གིས་འདོན་སྤེལ་གནང་བའི་སྙན་ཐོའི་ནང་འཁོད་བཞག།

བལྟ་བཤེར་མང་ཤོས་བྱས་པའི་གནས་ཚུལ།
RFA
རྒྱ་གར་གྱིས་པ་ཀིསྟན་ནང་གི་དྲག་སྤྱོད་པའི་ས་ཚིགས་ལ་རྒོལ་རྡུང་བཏང་བར་རྒྱ་ནག་གིས་བློ་འགྱོད་ཡོད་སྐོར་བརྗོད་འདུག
བལྟ་བཤེར་མང་ཤོས་བྱས་པའི་གནས་ཚུལ།
གསར་འགྱུར།
༸གོང་ས་༸སྐྱབས་མགོན་ཆེན་པོ་མཆོག་གིས་ཡེ་ཤུའི་བླ་ཆེན་པོབ་ལེའུ་བཅུ་བཞི་པ་མཆོག་ལ་འཚམས་འདྲི་མཛད་འདུག
མཆན་འཇོག་རོགས།

གཤམ་དུ་ཡོད་པའི་འགེང་ཤོག་འགེང་ནས་སོ་སོའི་མཆན་བཀོད་རོགས་གནང་། མཆན་དེ་མ་ཐག་ཏུ་གཟིགས་མི་ཐུབ་པ་དང་འབྲེལ་ཡོད་འགན་འཛིན་གྱིས་ང་ཚོའི་སྒྲིག་འཛུགས་ཀྱི་ནང་དོན་སྤྱོད་ཕྱོགས་དང་བསྟུན་ནས་བསྒྱུར་བཅོས་དང་ཕྱོགས་སྒྲིག་བྱེད་དེ་དྲ་གནས་ཐོག་ཁྱབ་སྤེལ་བྱ་སྲིད། མཆན་གྱི་ནང་དོན་ཐད་ཨེ་ཤེ་ཡ་རང་དབང་རླུང་འཕྲིན་ཁང་ལ་འགན་གང་ཡང་མེད་པ་དང་། མཆན་གཞག་གནང་སྐབས་གཞན་གྱི་ཚོར་སྣང་ལ་བརྩི་མཐོང་དང་དངོས་འབྲེལ་ལ་ཐུགས་སྣང་གནང་རོགས་ཞུ༎