ཟི་ཁྲོན་ས་ཡོམ་འོག་རྐྱེན་འདས་ཕྱིན་པའི་གྲངས་ཀ་གསལ་མེད།

༄༅༎རྒྱ་ནག་གི་ཟི་ཁྲོན་ཞིང་ཆེན་ནང་ལོ་ངོ་གཉིས་ཀྱི་གོང་ས་ཡོམ་གྱི་གོད་ཆགས་ཚབ་ཆེ་ཕོག་ནས་མི་གྲངས་ཁྲི་སྟོང་མང་པོ་རྐྱེན་འདས་སུ་ཕྱིན་ཀྱང་ ས་ཡོམ་གྱི་གོད་ཆག་དེའི་ནང་རྐྱེན་འདས་སུ་ཕྱིན་པའི་མིའི་གྲངས་འབོར་ཁ་གསལ་ཞིབ་ཕྲ་ཞིག་ད་བར་བྱུང་མེད་ཅིང་། ཟི་ཁྲོན་ཞིང་ཆེན་ནང་ས་ཡོམ་གྱོ་གོད་ཆག་ཕོག་ནས་ལོ་ངོ་གཉིས་ཕྱིན་པའི་དུས་དྲན་དང་བསྟུན་ནས་ ས་གནས་མི་མང་ཚོས་་འདས་པའི་ལོ་ངོ་གཉིས་རིང་ ས་ཡོམ་གྱི་གོད་ཆག་ཕོག་ཡུལ་དུ་རྐྱེན་འདས་སུ་ཕྱིན་པའི་མིའི་གྲངས་འབོར་ཞིབ་བཤེར་རྩིས་ལེན་བྱས་ནས་གྲངས་འབོར་ཞིབ་ཕྲ་ཞིག་དེ་རིང་གཟའ་ལྷག་པའི་ཉིན་ཕྱིར་བཏོན་ཡོད་པ་རེད།

རྒྱ་ནག་གཞུང་གིས་ཟི་ཁྲོན་ཞིང་ཆེན་གྱི་ས་ཡོམ་གྱི་གནོད་འཚེའི་འོག་རྐྱེན་འདས་སུ་ཕྱིན་པའི་མིའི་གྲངས་འབོར་ཁྲི་གཅིག་དང་བརྒྱད་སྟོང་ཡིན་པ་ཕྱིར་བསྒྲགས་བྱས་ཡོད་པ་དང་ ས་ཡོམ་གྱི་གནོད་འཚེ་ཕོག་ཡུལ་གྱི་མི་མང་ཚོས་འདས་པའི་ལོ་ངོ་གཉིས་རིང་ ས་ཡོམ་གྱི་གོད་ཆག་ཕོག་ཡུལ་མི་མང་ཚོའི་ཁྲོད་ནང་མི་སྤུན་མཆེད་རྐྱེན་འདས་སུ་ཕྱིན་པའི་མིའི་གྲངས་འབོར་ཞིབ་རྩིས་བྱས་ནས་ཕྱིར་བསྒྲགས་བྱས་པ་ལྟར་ན་ ལོ་ངོ་གཉིས་གོང་གི་ས་ཡོམ་གྱི་གོད་ཆག་དེའི་འོག་མི་གྲངས་ཁྲི་བདུན་མ་ཟིན་ཙམ་རྐྱེན་འདས་སུ་ཕྱིན་ཡོད་པ་དང་ དེའི་ནང་སློབ་གྲ་ཁག་གི་སློབ་ཁང་འདིབས་སྐྱོན་བྱུང་ནས་སློབ་ཕྲུག་སྟོང་ཕྲག་ལྔ་ལྷག་ཙམ་གྱི་ཚེ་སྲོག་ཤོར་ཡོད་པ་རེད༎