འཛམ་གླིང་གི་བཀྲེས་སྐོམ་ངལ་སེལ་བྱ་གལ་གྱི་སྐུལ་མ།

༄༅༎འཛམ་གླིང་མཉམ་སྦྲེལ་རྒྱལ་ཚོགས་ཀྱི་སྤྱི་ཁྱབ་དྲུང་ཆེ་སྦན་ཀི་མུན་མཆོག་གིས་འཛམ་གླིང་གི་བཀྲེས་སྐོམ་ངལ་བ་སེལ་ཐབས་དང་མཁའ་རླུང་འབག་བཙོག་འགོག་ཐབས་བྱ་གལ་ཆེ་བའི་སྐུལ་མ་གནང་འདུག

འཛམ་གླིང་གི་མི་འབོར་འཕེལ་རྒྱས་འགྲོ་བཞིན་པ་ལྟར་བཟའ་བཅའི་ཐོན་སྐྱེད་གོང་འཕེལ་གཏོང་གལ་ཆེ་ཞིང་དེང་འཛམ་གླིང་ནང་མི་གྲངས་ཐེར་འབུམ་གཅིག་ཙམ་ལ་བཀྲེས་སྐོམ་ངལ་བ་འཕྲད་བཞིན་པའི་སྐོར་རྒྱལ་ཚོགས་དྲུང་ཆེས་གསུངས་གནང་འདུག ཕྱི་ལོ་ཉིས་སྟོང་ལྔ་བཅུ་ཤར་སྐབས་འཛམ་གླིང་གི་མི་འབོར་ཐེར་འབུམ་དགུ་དང་ཚེག་གཅིག་ཙམ་བྱེད་ཉེན་ཡོད་ཅིང་མི་འབོར་འཕར་ཚད་ལ་གཞིགས་པའི་བཟའ་བཅའི་ཐོན་སྐྱེད་བརྒྱ་ཆ་བདུན་བཅུ་ལྷག་འཕར་ཆ་འགྲོ་ངེས་རེད་ཅེས་དང་ང་ཚོས་ཉམ་ཐག་མི་མང་གི་བདེ་སྡུག་ལ་བལྟ་སྐྱོང་བྱེད་དགོས་ཀྱི་རེད་ཅེས་རྒྱལ་ཚོགས་དྲུང་ཆེས་གསུངས་གནང་འདུག ཡང་འཛམ་གླིང་བཟའ་བཅའ་དང་སོ་ནམ་སྒྲིག་འཛུགས་ཀྱིས་སོ་ནམ་ཞིང་ལས་རྒྱ་སྐྱེད་གཏོང་མ་ཐུབ་ན་ཕྱི་ལོ་ཉིས་སྟོང་ལྔ་བཅུ་ཤར་སྐབས་མི་གྲངས་ས་ཡ་༣༧༠ཙམ་ལ་མུ་གེའི་འཇིགས་པ་ཡོང་ཉེན་ཡོད་པའི་ཉེན་བརྡ་བཏང་ཡོད་པ་རེད། མདོ་དོན་ཡར་རྒྱས་འགྲོ་བཞིན་པའི་རྒྱལ་ཁབ་ཁག་གིས་གཞུང་གྲོན་གྱི་བརྒྱ་ཆ་བཅུ་ཙམ་སོ་ནམ་ཞིང་ལས་ཐོག་གཏོང་གལ་ཆེ་བའི་ལམ་སྟོན་གནང་འདུག་པ་མ་ཟད་འབྱུང་འགྱུར་གྱི་རྒྱལ་སྤྱིའི་ལྷན་ཚོགས་ཁག་ནང་སོ་ནམ་ཐོན་སྐྱེད་དང་ཁོར་ཡུག་སྲུང་སྐྱོབ་ཀྱི་གནད་དོན་གཙིགས་ཆེར་འཛིན་གལ་ཆེ་བའི་དགོངས་ཚུལ་མངོན་པར་གསལ་བ་གནང་འདུག།