ལི་བི་ཡའི་དུས་ཟིང་ནས་གཡོལ་མཁན་སྐྱབས་བཅོལ་གནས་སྟངས།

༄༅།།འཛམ་གླིང་མཉམ་འབྲེལ་རྒྱལ་ཚོགས་ཀྱིས་བྱང་ཨཕ་རི་ཀའི་ཡུལ་གྲུ་ལི་བི་ཡའི་ནང་དུས་ཟིང་གི་གནས་ཚུལ་ཤུགས་ཆེ་བྱུང་བཞིན་པ་ལས་གཡོལ་ཐབས་ཆེད་ལི་བི་ཡ་དང་ཀྲུ་ནི་ཤི་ཡའི་ས་མཚམས་སུ་བྲོས་བྱོལ་དུ་ཡོང་མཁན་གྱི་སྐྱབས་བཅོལ་བའི་གྲངས་འབོར་ཁྲི་བདུན་ལྷག་བརྒལ་ཟིན་པ་དེ་ད་ཆ་ཛ་དྲག་གི་གནད་དོན་དུ་འགྱུར་བཞིན་ཡོད་པའི་ཉེན་བརྡ་བཏང་འདུག།

དེ་ཡང་འཛམ་གླིང་མཉམ་འབྲེལ་རྒྱལ་ཚོགས་ཀྱི་སྐྱབས་བཅོལ་ལས་དོན་ལྷན་ཁང་གི་མགྲིན་ཚབ་མ་མེ་ལི་ས་ཕེ་ལེ་མིང་གིས་ལི་བི་ཡ་དང་ཀྲུ་ནི་ཤི་ཡའི་ས་མཚམས་སུ་གཟའ་ཟླ་བ་གཅིག་པུར་སྐྱབས་བཅོལ་བ་མི་ཆིག་ཁྲི་བཞི་སྟོང་ཙམ་འབྱོར་བ་དང་ གཟའ་མིག་དམར་ཉིན་ཡང་གྲངས་འབོར་དེ་དང་འདྲ་བ་ཞིག་འབྱོར་རྒྱུའི་ཚོད་དཔག་བྱེད་བཞིན་ཡོད་པ་གསུངས་སྟེ་ ད་ཆ་གནས་སྟངས་འདི་ཧ་ཅང་ཛ་དྲག་ཆེ་བ་ཞིག་ཏུ་འགྱུར་བཞིན་ཡོད་པ་གསུངས་འདུག།