ཨ་རིའི་སྐུ་ཚབ་པ་ཀི་སི་ཐན་ནས་རྒྱ་གར་དུ་ཕེབས་པའི་གནས་ཚུལ།

༄༅༎ཨ་མི་རི་ཀའི་དམིགས་བསལ་སྐུ་ཚབ་རི་ཅར་དྲི་ཧོལ་སྦུ་རུཀ་ཨཕ་ག་ནི་སི་ཐན་དང་པ་ཀི་སི་ཐན་ལ་གཟིགས་སྐོར་གནང་རྗེས་རེས་གཟའ་ཉི་མའི་ཉིན་རྒྱ་གར་ནང་ཕེབས་ཡོད་པའི་གནས་ཚུལ་ཐོན་འདུག

རྒྱལ་ས་ལྡི་ལི་གསར་པས་ནས་ཨེ་ཨེཕ་པི་གསར་ལས་ཁང་གིས་གནས་ཚུལ་སྤེལ་བར་གཞིགས་ན་ཨ་རིའི་གཞུང་གསར་པས་ཨཕ་ག་ནི་སི་ཐན་དང་པ་ཀི་སི་ཐན་གཉིས་ཀྱི་དཀའ་རྙོག་སེལ་ཆེད་དམིགས་ཀར་བསྐོ་བཞག་གནང་བའི་དམིགས་བསལ་སྐུ་ཚབ་རི་ཅར་དྲི་ཧོལ་སྦུ་རུཀ་པ་ཀི་སི་ཐན་དང་ཨཕ་ག་ནི་སི་ཐན་གཉིས་ནང་འཚམས་འདྲིའི་གཟིགས་སྐོར་དུ་བསྐྱོད་དེ་ཡུལ་དེ་གཉིས་ཀྱི་དབུ་ཁྲིད་རྣམ་པ་ཚོ་དང་མཇལ་འཕྲད་ཀྱིས་ཡུལ་གཉིས་དང་ཨ་རིའི་གཞུང་གསར་པའི་དབར་འབྲེལ་ལམ་སྤྱི་དང་ལྷག་དོན་དུ་འཇིགས་སྐུལ་དྲག་སྤྱོད་པར་གདོང་ལེན་གནང་ཕྱོགས་དང་དམངས་གཙོའི་གཞུང་ལ་མཐུན་གྱུར་དང་རྒྱབ་བསྐྱོར་མཇུག་སྐྱོང་གནང་ཕྱོགས་སོགས་ཀྱི་བཀའ་བསྡུར་གནང་ཡོད་རེད། དམིགས་བསལ་སྐུ་ཚབ་ཀྱི་སྐུ་དབང་གི་ཁྱབ་ཚད་པ་ཀི་སི་ཐན་དང་ཨཕ་ག་ནི་སི་ཐན་གཉིས་ཁོ་ན་ལས་རྒྱ་ནག་དང་ཐད་ཀར་འབྲེལ་བ་མེད་ཀྱང་རྒྱ་གར་དང་པ་ཀི་སི་ཐན་དང་དེ་བཞིན་ཨཕ་ག་ནི་སི་ཐན་གཉིས་དང་འབྲེལ་བ་ཆེན་པོ་ཡོད་པར་བརྟེན་རྒྱ་གར་གྱིས་ཁུལ་དེའི་ནང་དཀའ་རྙོག་སེལ་ཕྱོགས་ཐད་དགོངས་ཚུལ་ཇི་ཡོད་མཁྱེན་རྟོགས་སླད་དམིགས་བསལ་སྐུ་ཚབ་ཧོལ་སྦུ་རུཀ་རྒྱ་གར་ནང་ཞོར་ལ་ཕེབས་རྒྱུ་གལ་ཆེ་ངོས་འཛིན་གནང་གི་ཡོད་འདུག།