ཨ་རིའི་གྲོས་ཚོགས་འཐུས་མིས་བོད་ཀྱི་གནས་སྟངས་ལ་ཐུཌ་འཚབ།

༄༅༎ཨ་རིའི་གྲོས་ཚོགས་གོང་མའི་འཐུས་མི་ལྕམ་ཌ་ཡེན་ཕའེན་སི་ཀྲའེན་ཡིས་ཉེ་དུས་ཕྱི་ཚེས་༡༧ཉིན་གྲོས་ཚོགས་སུ་གསུང་བཤད་གནང་སྐབས་བོད་ནང་གི་གནས་སྟངས་ཐད་ཐུགས་འཚབ་གསལ་སྟོན་དང་འབྲེལ། སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་སྲིད་དབང་རྩིས་སྤྲོད་གནང་རྒྱུའི་ཐག་གཅོད་དང༌། བོད་ནང་དངོས་ཡོད་གནས་སྟངས་ལ་རྟོག་ཞིབ་གནང་མཁན་ཚོགས་པ་ཞིག་གཏང་དགོས་པ་དང་། ༸གོང་ས་མཆོག་གི་འབོད་སྐུལ་གཉིས་ལ་རྒྱབ་སྐྱོར་ཞུས་གནང་འདུག

ལྕམ་ཌ་ཡེན་ཕའེན་སི་ཀྲའེན་མཆོག་གིས་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་ཕྱི་ཚེས་༡༤ཉིན་གྲོས་ཚོགས་ལ་གནང་བའི་གསུང་འཕྲིན་ནང་༸གོང་ས་མཆོག་གི་སྐུ་དབང་མང་ཚོགས་ཀྱི་འོས་འདེམས་བྱས་པའི་བཀའ་བློན་ཁྲི་པར་རྩིས་སྤྲོད་གནང་རྒྱུའི་བཀའ་ཕེབས་པ་དེར་རྒྱབ་སྐྱོར་ཡོད་ལ། བཙན་བྱོལ་ནང་གི་བོད་མི་ཚོ་ཆབ་སྲིད་ཀྱི་བསྒྱུར་བ་གསར་པའི་ལམ་ཐོག་བསྐྱོད་རྒྱུར་ངོས་ནས་རོགས་རམ་གང་ཐུབ་བྱ་རྒྱུར་གྲ་སྒྲིག་ཡོད་ཅེས་གསུངས་འདུག།