ལྦེདྣམ་གཞུང་གིས་ནང་པའི་དགེ་འདུན་པ་ཞིག་འཛིན་བཟུང།

༄༅༎རེས་གཟའ་པ་སངས་ཕྱི་དྲོ་ ཝདྣམ་གྱི་ནང་པའི་ཆིག་སྒྲིལ་ཆོས་ཚོགས་ཀྱི་དགེ་འདུན་པ་བགྲེས་པ་ ཐིཅེ་ ཁྭོང་ ཐནྭ་ཧོ་ཆི་མིནྭ་གྲོང་ཁྱེར་གྱི་ལྷ་ཁང་ནས་ཕྱིར་ཐོན་སྐབས། སྒྲིག་ཆས་མ་གྱོན་པའི་ཉེན་སྲུང་མི་སྣ་ཁག་ཅིག་གིས་འཛིན་བྱས་ཡོད་ལུགས། ཕ་རནྶེའི་རྒྱལ་ས་པེརེསི་ནང་རྟེན་གཞི་བྱས་པའི་རྒྱལ་སྤྱིའི་ནང་པའི་འབྲེལ་མཐུད་ཁང་གིས་གནས་ཚུལ་སྤེལ་ཡོད་པ། ཨེ་ཨེཕ་པི་གསར་ལས་ཁང་གིས་ལུང་འདྲེན་བྱས་འདུག ཧོ་ཆི་མིནྭ་ལྷ་ཁང་གི་དགེ་འདུན་པ་ཁག་ཅིག་གིས་བར་འདུམ་གནང་རྩིས་གནང་ཡོན་ནའང་དོན་འབྲས་སོན་མེད་པ་མ་ཟད། ད་ལྟའི་ཆར་དགེ་སློང་ ཐིཅེ་ ཁྭོང་ ཐནྭ་གང་དུ་བཀག་ཉར་བྱས་ཡོད་པ་ཤེས་རྟོགས་མེད་པ་རེད། དགེ་སློང་ ཐིཅེ་ ཁྭོང་ ཐནྭ་གྱིས་ཕྱི་ལོ་༢༠༠༧ལོར་གཞུང་གི་ལས་ཁུངས་མདུན་དུ་ཞིང་པ་ཚོར་རོགས་དངུལ་ཨ་རིའི་ཌོ་ལར་ཆིག་ཁྲི་དགུ་སྟོང་(༡༩༠༠༠)ཐམ་པ་ངལ་སེལ་གྱི་ཚུལ་དུ་བཀྲམ་སྐབས་འཛིན་བཟུང་བྱས་ཡོད་ཀྱང་མགྱོགས་པོ་གློད་བཀྲོལ་བྱས་ཡོད་འདུག།