ལྦིཏི་ནམ་གྱི་གསར་འགོད་པ་ལ་བཙོན་འཇུག་ཐག་གཅོད་བྱས་པ།

༄༅༎ལྦིཏི་ནམ་གཞུང་གི་འབྲེལ་ཡོད་དཔོན་རིགས་ལས་བྱེད་ཁག་ནས་ལྐོག་ཟ་རུལ་སུངས་ཀྱི་ལས་དོན་ཤུགས་ཆེ་སྤེལ་བའི་གནད་དོན་སྐོར་གསར་འགོད་པས་གནས་ཚུལ་འགྲེམས་སྤེལ་བྱས་པར་དེ་རིང་གསར་འགོད་པ་ཞིག་ལ་ལོ་གཉིས་རིང་བཙོན་འཇུག་བྱེད་རྒྱུའི་གཞུང་འབྲེལ་ཐག་གཅོད་བྱས་ཡོད་པ་རེད་

དེ་ཡང་ལྦིཏི་ནམ་གཞོན་ནུ་ཞེས་པའི་གསར་ཤོག་གི་གསར་འགོད་པ་ཐན་ནིཡེན་ཡིས་ལྦིཏི་ནམ་གཞུང་གི་འགྲིམས་འགྲུལ་བློན་ཆེན་སོགས་གཞུང་འབྲེལ་གྱི་མཐོ་རིམ་དཔོན་རིགས་ཁག་ཅིག་ནས་ལྐོག་ཟ་རུལ་སུངས་བྱས་པའི་གནས་ཚུལ་ལོ་གསུམ་སྔོན་གསར་ཤོག་ཐོག་འགྲེམས་སྤེལ་བྱས་པའི་གནས་སྟངས་སོགས་ཀྱི་ཐོག་ནས་ད་རིང་གསར་འགོད་པ་དེ་ལ་ལོ་གཉིས་རིང་བཙོན་འཇུག་བྱེད་རྒྱུ་དང་དེ་བཞིན་གསར་འགོད་པར་གནས་ཚུལ་མཁོ་སྤྲོད་བྱེད་མཁན་གཞུང་གི་ཉེན་རྟོག་མི་སྣ་ཞིག་ལ་ལོ་གཅིག་རིང་བཙོན་འཇུག་བྱེད་རྒྱུ་ཧ་ནོའི་ཁྲིམས་ཁང་ཆེན་མོས་ཁྲིམས་ཐག་བཅད་ཡོད་པ་དང་དེ་བཞིན་གནས་ཚུལ་མཁོ་སྤྲོད་བྱེད་མཁན་ཉེན་རྟོག་པའི་དཔོན་རིགས་ཤིག་དང་ལྦིཏི་ནམ་གི་གཞོན་ནུའི་གསར་འགོད་པ་ལྦེན་ལྦིཏ་ཆིན་གཉིས་དེ་རིང་གློད་བཀྲོལ་བཏང་ཡོད་པ་རེད་ གོང་ཞུས་བཙོན་འཇུག་བྱས་པའི་གསར་འགོད་པ་དེ་དང་གནས་ཚུལ་མཁོ་སྤྲོད་བྱེད་མཁན་ཉེན་རྟོག་མི་སྣ་དེ་གཉིས་གིང་མང་གཙོའི་རང་དབང་གི་ཐོབ་ཐང་བེད་སྤྱོད་ལོག་པ་བྱས་དེ་གཞུང་གི་ལས་དོན་ཁག་ལ་ཐེ་ཇུས་བྱས་པའི་ནག་ཉེས་བཙུགས་སྟེ་བཙོན་འཇུག་བྱ་རྒྱུའི་ཐག་གཅོད་བྱས་པ་ཡིན་ལུགས་ཧ་ནོའེ་མི་མང་ཁྲིམས་ཁང་ནས་དེ་རིང་རེས་གཟའ་ལྷག་པའི་ཉིན་གསལ་སྟོན་གནང་བཞག