ལོ་གཅིག་དང་ཟླ་གསུམ་གྱི་ཁྲིམས་བཅད།

༄༅།    །དེ་ཡང་ང་ཚོ་རླུང་འཕྲིན་ཁང་ལ་བོད་ནས་གནས་ཚུལ་བཏང་འབྱོར་བྱུང་བ་ལྟར་ན།     ༢༠༡༣ལོའི་ཟླ་༢ པའི་ཚེས་༢ ཉིན་གྱི་སྔ་དྲོ་འཛིན་བཟུང་བྱས་པའི་རྨ་ལྷོ་རེབ་གོང་གཡེར་གཤོང་དགོན་པའི་རང་ ལོ་༤༢སོན་པ་གྲྭ་ཡར་འཕེལ་ལགས་ལ་ཟླ་འདིའི་ཚེས ༡ ཉིན་ཀྱི་ཕྱི་དྲོ་ཉེས་མེད་ཉེས་འཛུགས་འོག་དུས་བཀག་བཙོན་འཇུག་དུས་ཡུན་ལོ་༡ དང་ཟླ་༣ རིང་ལ་ཁྲིམས་ཐག་བཅད་ཡོད་པ་དང་།  ད་ལྟ་ཁོང་བྲག་དམར་འོག་གི་ས་གནས་བཙོན་ཁང་དུ་ཡོད་ནའང་རེ་གཟའ་ཟླ་བའི་ཉིན་ཁོང་ས་གནས་གཞན་དུ་འཁྲིད་རྒྱུ་ཡིན་སྐོར་བརྗོད་འདུག    ཁོང་འཛིན་བཟུང་བྱས་རྗེས་དགོན་པ་དང་ནང་མི་ཉེ་འབྲེལ་ཀྱིས་ས་གནས་འབྲེལ་ཡོད་སྲིད་གཞུང་ལ་གློད་བཀྲོལ་ཡོང་རྒྱུའི་རེ་བ་ཐེངས་མང་ཞུས་ཡོད་ནའང་། འབྲེལ་ཡོད་མི་སྣས་གྱོད་དོན་འདིའི་ཐད་ཞིང་ཆེན་ནས་ཐག་གཅོད་བྱ་རྒྱུ་ཡིན་པ་ལས།    ཁུལ་དང་། རྫོང་ལ་དབང་ཆ་མེད་སྐོར་བརྗོད་དེ་ཕན་འབྲས་གང་ཡང་ཐོན་མི་འདུག
ཁོང་ལ་ཁྲིམས་ཐག་གཅོད་དགོས་དོན་ནི།    ལོ་སྔོན་མའི་ནང་རྒྱ་ནག་གི་ཚོགས་ཆེན་བཅོ་བརྒྱད་ ཀྱི་སྐབས་དང་བསྟུན།    ༢༠༡༢ལོའི་ཕྱི་ཟླ་༡༡པའི་ཚེས་༤ཉིན་རང་ལུས་མེར་རུ་བསྲེགས་ནས་རྒྱ་ནག་གི་དྲག་གནོན་དབང་བསྒྱུར་སྲིད་ཇུས་ལ་ཞི་བའི་ངོ་རྒོལ་གནང་མཁན་ཨ་མདོ་རེབ་གོང་ཆུ་མ་ཀློག་གཤོང་སྡེ་བའི་རང་ལོ་༢༥ཡིན་པ་དཔའ་བོ་རྡོ་རྗེ་ལྷུན་འགྲུབ་ཀྱི་གདུང་ཐལ་རོང་བོ་དགོན་པའི་རྒྱབ་ངོས་ནས་ཀློག་གཤོང་སྡེ་པའི་རང་ཁྱིམ་དུ་གདན་འདྲེན་ཞུས་པས་ཉེས་མེད་འཛུགས་འོག་ཁྲིམས་ཐག་བཅད་པ་རེད། །