သတင်းနှင့် ဆောင်းပါးများ သိုမှီးရေးစနစ်
2017-09-17
ထိုင်းနိုင်ငံမှာရောက်ရှိနေတဲ့ မြန်မာရွှေ့ပြောင်း အလုပ်သမားတွေကို အပြည်ပြည်ဆိုင်ရာ အလုပ်သမားအဖွဲ့ ILOရဲ့ စံနှုန်းအတိုင်း တစ်နေ့အနည်းဆုံးလုပ်အားခ ဘတ် ၇၀၀ ပေးဖို့ ထိုင်းနိုင်ငံအခြေစိုက် မြန်မာရွှေ့ပြောင်း အလုပ်သမားအခွင့်အရေးကွန်ရက် MWRN အဖွဲ့ နဲ့ ထိုင်းအလုပ်သမားသမဂ္ဂအဖွဲ့ချုပ်က ထိုင်းနိုင်ငံအစိုးရထံ တောင်းဆိုလိုက်ပါတယ်။
2017-09-17
မြန်မာနိုင်ငံ ရခိုင်ပြည်နယ်အရေးနဲ့ ပတ်သက်ပြီး ညီညွတ်ကြဖို့ တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်က တိုက်တွန်းလိုက်ကြောင်း AFP သတင်းက ဖေါ်ပြပါတယ်။
2017-09-17
ရခိုင်ပြည်နယ် မောင်တောဒေသမှာ ASRA အစွန်းရောက် အကြမ်းဖက်သမားတွေ လူအင်အား လက်နက်အင်အားစုစည်းမှုတွေ လုပ်ဆောင်နေတယ်ဆိုတဲ့ သတင်းတွေထွက်ပေါ်နေတဲ့အတွက် ရရှိထားတဲ့ သတင်းတွေကိုအတည်ပြုနိုင်ဖို့ ကြိုးစားနေတယ်လို့ ရခိုင်ပြည်နယ်ရဲတပ်ဖွဲ့မှူး ရဲမှူးကြီး အောင်မြတ်မိုး က ပြောပါတယ်။
2017-09-17
စစ်ကိုင်းတိုင်းဒေသကြီး နန်စီပွန်ဒေသအုပ်ချုပ်ရေးမှူးအပါအဝင် ၁၁ ဦးကို မူးယစ်ဆေးဝါးရောင်းဝယ် ဖောက်ကားနေ တယ်ဆိုပြီး မသင်္ကာမှုနဲ့ ဒီနေ့မနက် အစောပိုင်းမှာ အထူးရဲတပ်ဖွဲ့က ဝင်ရောက် စစ်ဆေးရာမှာ ကျောက်စိမ်း အရိုင်းတုံးတွေ လက်ဝယ်တွေ့ရှိတာကြောင့် ဖမ်းဆီးလိုက်ပါတယ်။
2017-09-17
မကွေးတိုင်းဒေသကြီး၊ တောင်တွင်းကြီးမြို့မှာ အစ္စလာမ် ဘာသာဝင်တွေရဲ့ နေအိမ်နဲ့ ဈေးဆိုင်တချို့ ကို ခဲနဲ့ပစ်ပေါက်ပြီး ဆူပူမှုဖြစ်အောင် လုပ်ဆောင်ခဲ့တဲ့ဖြစ်စဉ် ရဲ့ နောက်ကွယ်မှာ ပါဝင်ပတ်သက်သူ တွေနဲ့ တရားခံအစစ်အမှန် ဖမ်းဆီး ရမိရေး ဆောင်ရွက်ဖို့ တိုင်းဒေသကြီး လုံခြုံရေးနဲ့ နယ်စပ်ရေးရာ ဝန်ကြီးကို ညွှန်ကြားထားတယ်လို့ တိုင်းဝန်ကြီး ချုပ် ဒေါက်တာအောင်မိုးညို က ပြောပါတယ်။
2017-09-17
ရခိုင်ပြည်နယ် မောင်တောဒေသမှာ နေရပ်စွန့်ခွာပြောင်းရွှေ့လာသူတွေကို ပြန်လည်နေရာ ချထားရေးအပါအဝင် အရေးကြီးကိစ္စ သုံးခုကို ပြည်နယ်အစိုးရက ဆောင်ရွက်နေတယ်လို့ ရခိုင်ပြည်နယ်ဝန်ကြီးချုပ် ဦးညီပုက ပြောပါတယ်။
2017-09-17
လက်ပံတောင်းတောင် ကြေးနီစီမံကိန်းကြောင့် သိမ်းယူခံလိုက်ရတဲ့ မြေယာတွေက သီးနှံလျော်ကြေးရရှိဖို့ ဆောင်ရွက်ပေးမယ့်အကြောင်း ဆားလင်းကြီးမြို့နယ် တိုင်းဒေသကြီး လွှတ်တော်ကိုယ်စားလှယ် ဒေါက်တာ သိန်းနိုင်က ဒေသခံတောင်သူတွေကို ကတိပေးခဲ့တယ်လို့ သိရပါတယ်။
2017-09-17
အနည်းဆုံးလုပ်ခလစာ အမြန်ဆုံးတိုးမြှင့်သတ်မှတ်ပေးဖို့၊ အလုပ်သမားတရားရုံးတွေ ပေါ်ပေါက်ဖို့၊ အလုပ်ရှင် အလုပ်သမားအငြင်းပွားမှု ဥပဒေမှာ ထောင်ဒဏ် ထည့်သွင်းပေးဖို့အပါအဝင် အချက် ၆ ချက်ကို အလုပ်သမား ၁ ထောင်ကျော်က မန္တလေးမြို့မှာ ဒီကနေ့ ဆန္ဒပြတောင်းဆိုကြပါတယ်။
2017-09-16
ပြီးခဲ့တဲ့စက်တင်ဘာလ ၁၄ ရက်နေ့က စတင်ပြီး စစ်ကိုင်းတိုင်းဒေသကြီး ခန္တီးမြို့နယ် နန်စီ ပွန်ဒေသကို ဆန်၊ ဆီ အစရှိတဲ့ စားနပ်ရိက္ခာတွေနဲ့ စက် သုံးဆီတွေအများအပြားသယ်ယူပို့ဆောင်နေ မှုကို တားမြစ် စစ်ဆေးမှုတွေပြုလုပ်နေရာမှာ ဒေသခံ လုပ်ငန်းရှင်တွေရဲ့ တောင်းဆိုမှုကြောင့် လူတစ်ဦးကို ဆန် ၁၀ အိတ်အထိ သယ်ယူခွင့် ပြန်လည်ခွင့်ပြုပေးလိုက်တယ်လို့ သိရပါတယ်။
2017-09-16
စက်တင်ဘာလ ၁၆ ရက်နေ့ည မေးပါရစေဦး အစီအစဉ်မှာ" မောင်တောဒေသအရေးအပေါ် သတင်းသမားတွေရဲ့ အမြင်" ဆိုတဲ့ ခေါင်းစဉ်အောက်မှာ မနှင်းရတနာဇော် (သတင်းထောက်) နဲ့ ကိုသီဟသွေး (သတင်းထောက်) တို့က ပင်တိုင် ဆွေးနွေးခဲ့တာ ဖြစ်ပါတယ်။
2017-09-16
ရခိုင်ပြည်နယ်က ထွက်ပြေးသွားခဲ့ကြပြီး ဘင်္ဂလားဒေ့ရှ်နိုင်ငံတွင်းက ဒုက္ခသည်စခန်းတွေ ထဲ ရောက်ရှိနေကြသူတွေကို သတ်မှတ်ထားတဲ့ ဧရိယာထဲကနေ ပြင်ပကို သွားလာထွက်ခွာခွင့် အစိုးရက ပိတ်ပင်လိုက်ပါတယ်။
2017-09-16
ရခိုင်ပြည်နယ် မြေပုံမြို့၊ ရွာသစ်ကေရပ်ကွက်မှာ မွတ်ဆလင်တွေကို ရိက္ခာရောင်းတယ်လို့ စွပ်စွဲခံရပြီး ရိုက်နှက်ခံခဲ့ရ တဲ့ ဒေါ်စိုးချေက ပြုမူခဲ့တဲ့သူတွေကို ပုဒ်မ ၃ ခုနဲ့ မြေပုံမြို့မ ရဲစခန်းမှာ အမှုဖွင့်ထားတယ်လို့ အဲဒီရဲစခန်းရဲ့ စခန်းမှူးဖြစ်တဲ့ ဒုရဲမှူး အောင်တင်မိုးက ပြောပါတယ်။
2017-09-16
ပြည်တွင်းလုပ်ငန်းရှင်တွေနဲ့ မြန်မာနိုင်ငံသူ နိုင်ငံသားတွေရဲ့ ရိုးသားဖြောင့်မတ်မှုဟာ မြန်မာနိုင်ငံရဲ့ တန်ဖိုးကြီးတဲ့ အရင်းအနှီးသယံဇာတဖြစ်တယ်လို့ စီမံကိန်းနဲ့ ဘဏ္ဍာရေးဝန်ကြီးဌာန ပြည်ထောင်စု ဝန်ကြီး ဦးကျော်ဝင်းက ဒီနေ့ ပြောပါတယ်။
2017-09-16
ရခိုင်ပြည်နယ် မောင်တောဒေသမှာ အကြမ်းဖက်တိုက်ခိုက်ခံရမှုတွေနဲ့ပတ်သက်ပြီး အစိုးရအဖွဲ့ သတင်းထုတ်ပြန်တာတွေ နောက်ကျပြီး ကူညီဆောင်ရွက်ပေးတာတွေမှာ အားနည်းမှုတွေ ရှိနေတယ်လို့ ဒေသခံတွေက သုံးသပ်ကြကြောင်း အဲဒီဒေသတွေမှာ အကူအညီတွေပေးခဲ့ တဲ့ ပြည်သူ့အိုးေ၀ ဖောင်ဒေးရှင်းက ကိုအောင်အောင်ကျော်က ပြောပါတယ်။
2017-09-16
ဘင်္ဂလားဒေ့ရှ်နိုင်ငံမှာ သတင်းသွားယူတဲ့ မြန်မာသတင်းထောက် နှစ်ဦး အဖမ်းခံထားရတာနဲ့ ပတ်သက်ပြီး သံတမန်နည်းလမ်းအရ ဖြေရှင်းဆောင်ရွက်သွားမယ်လို့ ပြန်ကြားရေးဝန်ကြီးဌာန အမြဲတမ်းအတွင်းဝန် ဦးမျိုးမြင့်မောင်က ပြောပါတယ်။
