ཉེ་ཧོང་གིས་བོད་དོན་ཐོག་གནོན་ཤུགས་སྤྲོད་པར་རྒྱ་ནག་ནས་མི་འདོད་པའི་རྣམ་འགྱུར་བསྟན་པ།
2008.04.17
༄༅༎ཉེ་ཧོང་གིས་བོད་ཀྱི་གནད་དོན་ཐོག་རྒྱ་ནག་ལ་གནོན་ཤུགས་སྤྲོད་བཞིན་པར་རྒྱ་ནག་ནས་མི་འདོད་པའི་རྣམ་འགྱུར་བསྟན་ཡོད་འདུག
འདས་པའི་ཉི་མ་འགའ་ཤས་གོང་ཉི་ཧོང་གི་ཁོར་ཡུག་བློན་ཆེན་རྒྱ་ནག་ཏུ་འཚམས་འདྲི་གཟིགས་བསྐོར་ཕེབས་པའི་སྐབས་རྒྱ་ནག་གི་དཔོན་རིགས་ཚོར་བོད་ཀྱི་གནད་དོན་སེལ་ཐབས་སུ་༧གོང་ས་མཆོག་དང་གྲོས་མོལ་གནང་དགོས་རྒྱུའི་སྐོར་ཉི་ཧོང་གི་སྲིད་བློན་གྱི་དགོངས་ཚུལ་བརྡ་ལན་སྤྲད་ཡོད་པ་དང་། ད་རེས་སླར་ཡང་རྒྱ་ནག་གི་ཕྱི་སྲིད་བློན་ཆེན་ཉི་ཧོང་དུ་འཚམས་འདྲིར་ཕེབས་པའི་སྐབས་ཉི་ཧོང་གི་ཕྱི་སྲིད་བློན་ཆེན་མཆོག་ནས་འདིའི་སྐོར་ནན་བརྗོད་གནང་ཡོད་པ་རེད། འོན་ཀྱང་རྒྱ་ནག་གི་ཕྱི་སྲིད་བློན་ཆེན་གིས་ཡང་བོད་ཀྱི་དཀའ་རྙོག་དེ་རྒྱ་ནག་ནང་གི་གནད་དོན་ཞིག་རེད་ཅེས་གསུངས་ནས་ཡང་སེ་གནོན་ཤུགས་སྤྲད་པར་མི་འདོད་པའི་རྣམ་པ་བསྟན་ཡོད་པ་རེད། རྒྱ་ནག་གི་སྲིད་འཛིན་ཧུ་ཅིན་ཐའོ་རིང་མིན་ཕྱི་ཟླ་ལྔ་པའི་ཚེས་ཤར་ལ་ཉི་ཧོང་དུ་འཚམས་འདྲི་གཟིགས་བསྐོར་གནང་གི་ཡོད་པ་ནི་ལོ་མང་པོའི་རྗེས་རྒྱ་ནག་གི་སྲིད་འཛིན་ཉི་ཧོང་དུ་ཕེབས་པ་ཐོག་མ་དེ་ཆགས་ཀྱི་ཡོད་པ་རེད་ལ་ཡུལ་གཉིས་བར་དེ་སྔའི་སྲིད་བློན་ཁག་ཅིག་དང་མི་འདྲ་བས་འབྲེལ་ལམ་ཟབ་ཏུ་གཏང་ཐབས་སུ་འབད་བརྩོན་གནང་བཞིན་ཡོད་པ་རེད། རྒྱ་ནག་གི་བོད་ནང་གི་བོད་མི་ཚོའི་ཐོག་དྲག་གནོན་ཤུཊ་ཆེ་བྱས་པའི་རྗེས་ཉི་ཧོང་གི་གཞུང་འབྲེལ་ཙམ་མ་ཡིན་པར་མཁས་དབང་མང་པོས་རྒྱ་ནག་གཞུང་ལ་༧གོང་ས་མཆོག་དང་ཞི་འགྲིགས་ཀྱི་གྲོས་མོལ་ཞུ་དགོས་རྒྱུ་ནི་རྒྱ་ནག་རང་ཉིད་ཀྱི་ཆེ་མཐོང་ལ་ཁེ་ཕན་ཡོང་གི་རེད་ཅེས་འབོད་སྐུལ་ཞུས་ཡོད་པ་རེད༎
བལྟ་བཤེར་མང་ཤོས་བྱས་པའི་གནས་ཚུལ།
RFA
- ༸གོང་ས་༸སྐྱབས་མགོན་ཆེན་པོ་མཆོག་གིས་དཀའ་ཁག་ཆེ་བའི་དུས་སྐབས་འདིར་༸རྒྱལ་དབང་རིན་པོ་ཆེ་ཡོད་བསམ་ནས་བློ་བདེ་པོ་བྱོས་ཞེས་མཇལ་བཅར་བ་ཚོར་བཀའ་སྩལ་མཛད་འདུག
- ༸རྒྱལ་བའི་ཡང་སྲིད་དང་། རྒྱ་ནག་དམར་ཤོག་གཞུང་གི་ངན་བྱུས།
- ཨེ་ཤེ་ཡ་རང་དབང་རླུང་འཕྲིན་ཁང་གི་བོད་སྐད་སྡེ་ཚན་དང་། ཡུ་གུར། འབར་མའི་སྐད་ཡིག་སྡེ་ཚན་གྱི་ལས་དོན་མཚམས་འཇོག་བྱེད་རྒྱུའི་གསལ་བསྒྲགས།
- ཡུ་རོབ་གྲོས་ཚོགས་ཀྱིས་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་སྐུའི་ཡང་སྲིད་ངོས་འཛིན་གནང་སྒོར་རྒྱ་ནག་གཞུང་གིས་ཐེ་གཏོགས་བྱེད་པར་སྐྱོན་བརྗོད་ཀྱི་གྲོས་ཆོད་ཚད་མཐོའི་མང་མོས་ཐོག་གཏན་འབེབས་གནང་འདུག
- རྒྱ་གར་གྱིས་པ་ཀིསྟན་ནང་གི་དྲག་སྤྱོད་པའི་ས་ཚིགས་ལ་རྒོལ་རྡུང་བཏང་བར་རྒྱ་ནག་གིས་བློ་འགྱོད་ཡོད་སྐོར་བརྗོད་འདུག
བལྟ་བཤེར་མང་ཤོས་བྱས་པའི་གནས་ཚུལ།
གསར་འགྱུར།
- ༸གོང་ས་༸སྐྱབས་མགོན་ཆེན་པོ་མཆོག་གིས་ཡེ་ཤུའི་བླ་ཆེན་པོབ་ལེའུ་བཅུ་བཞི་པ་མཆོག་ལ་འཚམས་འདྲི་མཛད་འདུག
- རྒྱ་ནག་གཞུང་གིས་ལོ་དགུའི་རིང་ཆུ་དང་གློག་གི་མཐུན་རྐྱེན་བཅད་པར་ཞུ་གཏུགས་བྱེད་མཁན་སྐལ་བཟང་ལགས་བཙོན་འཇུག་བྱས་འདུག
- ཧོང་ཀོང་དུ་སངས་རྒྱས་ཀྱི་རིང་བསྲེལ་རིན་བསྡུར་ལམ་ནས་ཚོང་སྒྱུར་བྱ་འཆར་ལ་རྒྱ་གར་གཞུང་གིས་དགག་བྱ་བྱས་རྐྱེན་རིན་བསྡུར་ཚོང་སྒྱུར་ཕྱི་བཤོལ་བྱས་འདུག
- ༸གོང་ས་༸སྐྱབས་མགོན་ཆེན་པོ་མཆོག་གིས་བསྟན་འགྲོ་སྤྱིའི་དོན་དུ་མཛད་འཕྲིན་མུ་མཐུད་བསྐྱང་རྒྱུའི་བཀའ་བཞེས་ཕེབས་སོང་།
- ༸གོང་ས་༸སྐྱབས་མགོན་ཆེན་པོ་མཆོག་གིས་ཇོ་ནང་རྒྱལ་ཚབ་རིན་པོ་ཆེ་དང་། ཤར་སྤྲུལ་རིན་པོ་ཆེ། དགེ་བཤེས་ལྷུན་གྲུབ་བཟོད་པ་རིན་པོ་ཆེའི་ཡང་སྲིད་གཙོས་པའི་ཕྱི་ནང་གི་དད་ལྡན་པར་མཇལ་ཁ་སྩལ་བ།