རྒྱ་ནག་གི་ཆབ་སྲིད་ཀྱི་སིམ་འཛུལ་ལ་སྔོན་འགོག

༄༅༎Australia ནང་རྒྱ་ནག་གི་ཆབ་སྲིད་ཀྱི་སིམ་འཛུལ་ཡང་ཡང་བྱེད་བཞིན་པར་བརྟེན་སྔོན་འགོག་ཆེད་ Australiaཡས་ཁྱོན་ཡོངས་ནས་རང་གི་གསང་མྱུལ་བའི་ཁྲིམས་གཞིར་བཟོ་བཅོས་རྒྱག་རྒྱུ་ཡིན་འདུག དེ་ཡང་རྒྱ་ནག་གིས་ Australiaཡའི་ཆབ་སྲིད་ནང་སིམ་འཛུལ་བར་མི་ཆད་པར་བྱས་པར་བརྟེན་ད་ཆ་ Australiaཡས་གནད་དོན་འདིའི་ཐད་ཐུགས་འཚབ་ཆེན་པོ་གནང་བཞིན་ཡིན་པ་དང་། Australiaཡའི་གཞུང་གིས་ཁྱོན་ཡོངས་ནས་ཡུལ་དེའི་འབྲེལ་ཡོད་གསང་མྱུལ་གྱི་ཁྲིམས་ལུགས་ལ་བཟོ་བཅོས་གནང་རྒྱུའི་འཆར་གཞི་གཏིང་གནང་བཞིན་པ་རེད་བཞག ཡང་ཕྱི་ཚེས་༢༢ཉིན་Australiaཡའི་ཁྲིམས་ལུགས་དང་སྲིད་དོན་ལྷན་ཁང་གི་བློན་ཆེ་Goerge Brandis མཆོག་ནས་ ད་ལོའི་ཕྱི་ཟླ་༡༡ནང་Australiaཡའི་གཞུང་ཕྱོགས་ནས་གྲོས་ཚོགས་ལ་མི་སྣ་སུ་འདྲ་ཞིག་གིས་གལ་ཏེ་ཕྱིའི་རྒྱལ་ཁབ་ཀྱི་སྲིད་ཇུས་ཆེད་དུ་ལས་ཀ་བྱས་ཚེ་ ངེས་པར་དུ་མཐོ་འགོད་དེབ་བསྐྱེལ་བྱེད་དགོས་པའི་གྲོས་འགོ་བཏོན་རྒྱུ་དང་ ཁྲིམས་དོན་དེ་ནི་ ཨ་རི་ལྟ་བུའི་རྒྱལ་ཁབ་ནང་ལག་བསྟར་གནང་སྟེ་ལོ་ཁ་ཤས་ཕྱིན་ཟིན་པའི་ཁྲིམས་ལུགས་ཤིག་ཆགས་ཡོད་ལུགས་གསུངས་བཞག།
གསར་འགོད་པ་ཚེ་དབང་དངོས་གྲུབ།