བོད་ཀྱི་རྒྱལ་ས་ལྷ་སར་འབར་རྫས་བླུཌ་པའི་སྒམ་ཞིག་བརྙེད་པ།

༄༅༎རྒྱ་ནག་གི་དྲག་ཆས་ཉེན་རྟོག་དམག་མིའི་བརྒྱུད་ལམ་ཞིག་ནས་བོད་ཀྱི་རྒྱལ་ས་ལྷ་སའི་མེ་འཁོར་བབས་ཚུགས་སར་འབར་རྫས་བླུགས་པའི་སྒམ་ཞིག་བརྙེད་ཡོད་པའི་གནས་ཚུལ་བཀོད་འདུག

དེ་ཡང་རོའུ་ཀྲར་གསར་འགྱུར་བརྒྱུད་ལམ་ཁང་གིས་གོང་ཞུས་དྲག་ཆས་ཉེན་རྟོག་དམག་མིའི་བརྒྱུད་ཞིག་ནས་གནས་ཚུལ་སྤེལ་བ་ལུང་འདྲེན་བྱས་པའི་ནང་འདི་ལོ་དཔྱིད་ཀའི་འགོ་སྟོད་མཚམས་སུ་དྲག་ཆས་ཉེན་རྟོག་དམག་མིས་ལྷ་སའི་མེ་འཁོར་བབས་ཚུགས་སར་མྱུལ་ཞིབ་བྱེད་པའི་སྐབས་སུ་སྒམ་ཞིག་བླུགས་ཞག་ཡོད་པའི་ནང་བརྟག་དཔྱད་བྱས་སྐབས་དེའི་ནང་འབར་རྫས་བླུགས་ཡོད་པ་དང་དེ་ཁ་ཕྱེ་ནས་དུས་ཡུན་སྐར་མ་བཅུ་བཞི་ནང་ཚུད་ཚང་མ་གཏོར་བཤིག་བཏང་ཐུབ་ནས་དེ་ཁུལ་དུ་མི་ཤི་སྐྱོན་ཆགས་སོགས་གང་ཡང་བྱུང་མེད་ལུགས་གནས་ཚུལ་བཀོད་པ་ལས་སྒམ་དེ་ཆེ་ཆུང་གང་འདྲ་ཡོད་མེད་དང་དུས་ཚོད་ག་དུས་བརྙེད་ཡོད་མིན་གྱི་ཞིབ་ཕྲའི་གནས་ཚུལ་གང་ཡང་བཀོད་མེད་པ་རེད། གནས་ཚུལ་དེའི་ཐོག་རོའུ་ཀྲར་གསར་འགྱུར་བརྒྱུད་ལམ་ཁང་གིས་བོད་རང་སྐྱོང་ལྗོངས་ཀྱི་མགྲིན་ཚབ་པ་ཞིག་ལ་བཅར་འདྲི་བྱས་པའི་སྐབས་གོང་ཞུས་མགྲིན་ཚབ་པས་གནས་ཚུལ་དེ་བྱུང་བ་ངོས་ལེན་བྱས་མེད་པ་རེད༎