རྒྱ་ནག་གཞུང་ནས་གནས་འཕྲིན་དྲ་རྒྱར་དམ་བསྒྲགས།

༄༅༎རྒྱ་ནག་གཞུང་གིས་ད་ཕན་རྒྱལ་ཡོངས་ཀྱི་གནས་འཕྲིན་དྲ་གནས་ཐོག་བལྟ་སྲུང་བྱེད་མཁན་ཆེད་བཙུགས་བྱས་ཡོད་པ་ལྟར། འདས་པའི་སྤྱི་ལོ་ཉིས་སྟོང་དགུ་ལོའི་ནང་གནས་འཕྲིན་དྲ་གནས་ཐོག་གཟུགས་པོ་དམར་རྗེན་གྱི་རིགས་བསྟན་པའི་དྲ་རྒྱ་བཟོ་མཁན་ཁྲིམས་འགལ་བ་མི་གྲངས་༥༠༠༠ལྷག་འཇུ་བཟུང་བྱས་ཡོད་པ་རེད།

རྒྱ་ནག་གཞུང་གིས་རྣམ་ཀུན་ནས་གནས་འཕྲིན་དྲ་རྒྱ་བརྒྱུད་དྲག་སྤྱོད་དང་འབྲེལ་བ་ཡོད་པའི་གནས་ཚུལ་དང་དེ་བཞིན་གཟུགས་པོ་དམར་རྗེན་སོགས་དྲ྄་རྒྱའི་ནང་བེད་སྤྱོད་ལོག་པར་གཏོང་མཁན་སོགས་ཀྱི་ཐོག་དམ་བསྒྲགས་བཀག་འདོམས་ཤུགས་ཆེ་བྱས་དང་བྱེད་མུས་ཡིན་པ་རེད།

དེ་བཞིན་གཞུང་གིས་འདས་པའི་སྤྱི་ཟླ་བཅུ་གཉིས་གཅིག་པུའི་ནང་གནས་འཕྲིན་དྲྭ་རྒྱའི་ནང་གང་བྱུང་བེད་སྤྱོད་གཏོང་མཁན་རྩད་ཞིབ་བྱེད་ཐུབ་མཁན་དང་སྙན་སེང་ཞུ་ཐུབ་པར་བྱ་དགའ་གཟིགས་གསོས་རྒྱ་མིའི་སྒོར་མོ་ཡོན་༡༠༠༠༠ཁྲི་གཅིག་བར་གསོལ་རས་སྤྲད་ཡོད་པ་རེད།

མ་ཟད་རྣམ་ཀུན་ནས་རྒྱ་ནག་གཞུང་གིས་གནས་འཕྲིན་རྒྱའི་ཐོག་བཀག་འདོམས་ཤུགས་ཆེ་ཤོས་བྱེད་མཁན་གྱི་ཡུལ་གྲུ་ཞིག་ཡིན་པ་དང་ཤར་ཏུར་ཀི་སི་ཐའན་ནམ་ཤིན་ཅང་གི་ནང་བར་ལམ་ཞིག་གནས་འཕྲིན་དྲྭ་གནས་སོགས་བཀག་འདོམས་པའི་གནས་ཚུལ་བྱུང་ཡོད་པ་རེད།