རྒྱ་ནག་གིས་བོད་ཀྱི་ལོ་དེབ་ཅེས་དྲིལ་བསྒྲགས་འགོ་འཛུགས་བྱ་རྒྱུ།
2010.05.12
༄༅༎རྒྱ་ནག་གིས་ཀྲུང་གོའི་བོད་ལྗོངས་ཀྱི་རིག་གཞུང་ལོ་དེབ་ཕྱོགས་སྒྲིག་འགོ་འཛུགས་བྱ་རྒྱུའི་བཞུགས་མོལ་ཚོགས་འདུ་ཞིག་ཟླ་བ་འདིའི་ཚེས་༨ཉིན་རྒྱ་ནག་གི་མིན་ཛུ་གཙུག་ལག་སློབ་གྲྭ་ཆེན་མོར་ཚོགས་བཞག།
Tibetan Reviewའམ་བོད་གནས་སྐྱར་ཞིབ་ཞེས་པའི་དུས་དེབ་ནང་གནས་ཚུལ་སྤེལ་བར་གཞིགས་ན། རྒྱ་ནག་གིས་རྒྱལ་སྤྱིའི་མང་ཚོགས་ཀྱི་བསམ་ཚུལ་ཁ་སྒྱུར་བྱ་ཐབ་དང་བོད་དོན་སྐོར་ཁྱབ་པའི་དཀྲོག་གཏམ་དེ་ཚོར་ངོས་ལེན་མི་བྱེད་པའི་དོན་དུ་བོད་ཀྱི་རིག་གཞུང་སྐོར་གྱི་ལོ་དེབ་ཞིག་འདོན་སྤེལ་བྱ་རྒྱུ་ཡིན་སྐོར་ཕྱི་ཚེས་༡༠ཉིན་གྱི་རྒྱ་ནག་གཞུང་འབྲེལ་མི་དམངས་ཉིན་རེའི་གསར་ཤོག་ནང་གནས་ཚུལ་བཀོད་འདུག།
མིན་ཛུ་གཙུག་ལག་སློབ་གྲྭ་ཆེན་མོའི་བོད་རིག་པའི་ཞིབ་འཇུག་སློབ་གཉེར་ཁང་གི་ངེས་སྟོན་པ་ཚེ་རིང་མཐར་ལགས་ཀྱིས་ གོང་ཞུས་བཞུགས་མོལ་ཚོགས་འདུའི་ཐོག་འཐབ་ཕྱོགས་གཅིག་གྱུར་ཁང་དང༌། མིན་ཛུ་གཙུག་ལག་སློབ་གྲྭ་ཆེན་མོའི་འབྲེལ་ཡོད་ཚན་པ་ཁག་གིས་རྒྱབ་གཉེར་འོག་ ཀྲུང་གོའི་བོད་ལྗོངས་རིག་གཞུང་དུས་དེབ་ཚོགས་ཆུང་གིས་ལོ་གསུམ་རིང་བོད་ཀྱི་རིག་གཞུང་ཕྱོགས་སྒྲིག་བྱས་པའི་དུས་དེབ་འདོན་སྤེལ་བྱ་རྒྱུའི་གྲ་སྒྲིག་བྱས་ཟིན་པའི་སྐོར་འགྲེལ་བརྗོད་བྱས་པ་ རྒྱ་ནག་མི་དམངས་ཉིན་རེའི་གསར་ཤོག་གིས་ལུང་འདྲེན་བྱས་བཞག།
ལོ་དེབ་དང་པོའི་ནང༌། དུས་རབས་༢༡པའི་ལོ་ངོ་བཅུ་ཕྲག་དང་པོའི་ནང་གི་ལོ་རྒྱུས་ཕྱོགས་བསྡོམས་བྱ་རྒྱུ་ཡིན་པ་དང༌། ༢༠༡༠ནས་འགོ་འཛུགས་ཀྱིས་ལོ་ལྟར་བོད་ཀྱི་རིག་གཞུང་སྐོར་གྱི་དུས་དེབ་དེ་མུ་མཐུད་འགྲེམས་སྤེལ་བྱ་རྒྱུའི་འཆར་གཞི་ཡོད་པ་དང༌། ལོ་དེབ་དེ་དང་པོ་རྒྱ་ཡིག་ནང་འདོན་སྤེལ་བྱས་རྗེས་རིམ་པས་བོད་ཡིག་དང་ཨིན་སྐད་གཉིས་ནང་ཕབ་བསྒྱུར་བྱ་རྒྱུའི་འཆར་གཞི་ཡོད་པ་རེད།
བལྟ་བཤེར་མང་ཤོས་བྱས་པའི་གནས་ཚུལ།
RFA
- ༸གོང་ས་༸སྐྱབས་མགོན་ཆེན་པོ་མཆོག་གིས་དཀའ་ཁག་ཆེ་བའི་དུས་སྐབས་འདིར་༸རྒྱལ་དབང་རིན་པོ་ཆེ་ཡོད་བསམ་ནས་བློ་བདེ་པོ་བྱོས་ཞེས་མཇལ་བཅར་བ་ཚོར་བཀའ་སྩལ་མཛད་འདུག
- ༸རྒྱལ་བའི་ཡང་སྲིད་དང་། རྒྱ་ནག་དམར་ཤོག་གཞུང་གི་ངན་བྱུས།
- ཨེ་ཤེ་ཡ་རང་དབང་རླུང་འཕྲིན་ཁང་གི་བོད་སྐད་སྡེ་ཚན་དང་། ཡུ་གུར། འབར་མའི་སྐད་ཡིག་སྡེ་ཚན་གྱི་ལས་དོན་མཚམས་འཇོག་བྱེད་རྒྱུའི་གསལ་བསྒྲགས།
- ཡུ་རོབ་གྲོས་ཚོགས་ཀྱིས་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་སྐུའི་ཡང་སྲིད་ངོས་འཛིན་གནང་སྒོར་རྒྱ་ནག་གཞུང་གིས་ཐེ་གཏོགས་བྱེད་པར་སྐྱོན་བརྗོད་ཀྱི་གྲོས་ཆོད་ཚད་མཐོའི་མང་མོས་ཐོག་གཏན་འབེབས་གནང་འདུག
- རྒྱ་གར་གྱིས་པ་ཀིསྟན་ནང་གི་དྲག་སྤྱོད་པའི་ས་ཚིགས་ལ་རྒོལ་རྡུང་བཏང་བར་རྒྱ་ནག་གིས་བློ་འགྱོད་ཡོད་སྐོར་བརྗོད་འདུག
བལྟ་བཤེར་མང་ཤོས་བྱས་པའི་གནས་ཚུལ།
གསར་འགྱུར།
- ༸གོང་ས་༸སྐྱབས་མགོན་ཆེན་པོ་མཆོག་གིས་ཡེ་ཤུའི་བླ་ཆེན་པོབ་ལེའུ་བཅུ་བཞི་པ་མཆོག་ལ་འཚམས་འདྲི་མཛད་འདུག
- རྒྱ་ནག་གཞུང་གིས་ལོ་དགུའི་རིང་ཆུ་དང་གློག་གི་མཐུན་རྐྱེན་བཅད་པར་ཞུ་གཏུགས་བྱེད་མཁན་སྐལ་བཟང་ལགས་བཙོན་འཇུག་བྱས་འདུག
- ཧོང་ཀོང་དུ་སངས་རྒྱས་ཀྱི་རིང་བསྲེལ་རིན་བསྡུར་ལམ་ནས་ཚོང་སྒྱུར་བྱ་འཆར་ལ་རྒྱ་གར་གཞུང་གིས་དགག་བྱ་བྱས་རྐྱེན་རིན་བསྡུར་ཚོང་སྒྱུར་ཕྱི་བཤོལ་བྱས་འདུག
- ༸གོང་ས་༸སྐྱབས་མགོན་ཆེན་པོ་མཆོག་གིས་བསྟན་འགྲོ་སྤྱིའི་དོན་དུ་མཛད་འཕྲིན་མུ་མཐུད་བསྐྱང་རྒྱུའི་བཀའ་བཞེས་ཕེབས་སོང་།
- ༸གོང་ས་༸སྐྱབས་མགོན་ཆེན་པོ་མཆོག་གིས་ཇོ་ནང་རྒྱལ་ཚབ་རིན་པོ་ཆེ་དང་། ཤར་སྤྲུལ་རིན་པོ་ཆེ། དགེ་བཤེས་ལྷུན་གྲུབ་བཟོད་པ་རིན་པོ་ཆེའི་ཡང་སྲིད་གཙོས་པའི་ཕྱི་ནང་གི་དད་ལྡན་པར་མཇལ་ཁ་སྩལ་བ།