རྒྱ་ནག་ནང་མང་ཚོགས་སར་ཐ་མག་འཐེན་མི་ཆོག་པའི་སྲིད་ཇུས།

༄༅༎རྒྱ་ནག་གཞུང་གིས་དེ་རིང་རེས་གཟའ་ཉི་མ་ནས་ཟ་ཁང་དང༌། ཆང་ཁང་སོགས་མི་དམངས་འདུ་འཛོམས་བྱེད་ཡུལ་ས་ཁག་ཅིག་ནང་གང་བྱུང་དུ་ཐ་མག་འཐེན་མི་ཆོག་པའི་སྲིད་ཇུས་ལག་བསྟར་བྱེད་འགོ་བཙུགས་ཡོད་པ་རེད།

རྒྱ་ནག་ནི་འཛམ་གླིང་ནང་ནས་ཐ་མག་འཐེན་མཁན་གྱི་མི་འབོར་མང་ཤོས་གྲས་ཡིན་པ་དང༌། ཐ་མག་འཐེན་མཁན་གྱི་གྲངས་འབོར་བྱས་ན་ས་ཡ་༣༠༠ ལྷག་ཟིན་གྱི་ཡོད་པ་ནི། རྒྱ་ནག་ནང་མི་དང་མིའི་འབྲེལ་བ་བཙུགས་པའི་སྐབས་ཐ་མག་གཏོང་རེས་བྱེད་པ་ནི་སྤྱིར་བཏང་གི་གོམས་སྲོལ་ཞིག་ཏུ་གྱུར་ཡོད་པ་མ་ཟད། འགྲུལ་སྐྱེལ་མོ་ཊ་དང༌། ཟ་ཁང༌། ལས་ཁུངས་སོགས་ནང་གང་བྱུང་དུ་ཐ་མག་འཐེན་སྲོལ་ཡོད་པ་ནི་རྒྱུན་ལྡན་ཞིག་ཀྱང་ཡིན་ཞིང༌། མཐའ་ན་སྨན་ཁང་ནང་དུའང་འཐེན་སྲོལ་གྱི་གོམས་བཤིས་ངན་པ་དེས་རང་སྒེར་དང་མི་དམངས་ཀྱི་བེད་ཐང་ལ་གནོད་འཚེ་བཟོ་བ་ནི། གཙོ་བོ་ཐ་མག་གིས་མི་དམངས་ཀྱི་བདེ་ཐང་ལ་གནོད་འཚེ་ཇི་ཙམ་བཟོ་གི་ཡོད་པའི་གནས་ཚུལ་རྣམས་གོ་རྟོག་སྤེལ་རྒྱུར་འཐུད་ཤོར་ཕྱིན་པར་ངོས་འཛིན་བྱེད་ཀྱི་ཡོད་པ་རེད།