རྒྱ་ནག་ཏུ་འོ་ཙམ་ནང་རྫས་འགྱུར་འདྲེས་དོན་ཞིབ་འཇུག།

༄༅༎རྒྱ་ནག་གིས་འོ་མའི་ནང་རྫས་འགྱུར་བྱུང་བའི་གནས་ཚུལ་དེ་ཞིབ་འཇུག་བྱེད་རྒྱུར་རྒྱལ་ཡོངས་ཐོག་འོ་མ་འགྲེམས་སྤེལ་བྱེད་ཡུལ་ཁག་ལ་ཞིབ་འཇུག་གནང་འགོ་ཚུགས་ཡོད་པ་རེད་

འོ་མའི་ནང་རྫས་འགྱུར་གྱི་དོན་རྐྱེན་དེར་མི་གྲངས་༡༩ཞིག་དོ་དམ་དང་ མི་གྲངས་༧༨ལ་འདྲི་རྩད་བྱེད་བཞིན་ཡོད་སྐོར་རྒྱ་ནག་གི་དཔོན་རིགས་ཚོས་གསུང་འདུག

རྒྱ་ནག་གི་བཅའ་དངོས་རྟོགས་ཞིབ་ལས་ཁང་གིས་འོ་མ་བཟོ་ཚོང་ལས་ཁང་ཁག་ཞིབ་འཇུག་གནང་ཆེད་ལས་བྱེད་ཁག་ཅིག་ཧེ་པི་དང་ཀོང་ཏུང་ ཧེ་ལོང་ཇེང་དང་ནང་སོག་ནང་ཆེད་རྫོངས་གནང་སྐོར་གསུང་འདུག ཧེ་པི་ཞིང་ཆེན་གྱི་བཅའ་དངོས་རྟོགས་ཞིབ་ལས་ཁང་ཞིག་ནང་བསྐོར་སྲུང་བས་ཐལ་བ་དཀར་པོ་ཡོད་པའི་དོ་པོ་༦༠ཞིག་ལག་སོན་ཐུབ་པ་བྱུང་ཡོད་པ་དང་ ཞིབ་འཇུག་བརྟག་དཔྱད་བྱས་པའི་རྗེས་དོ་པོ་དེ་ནང་མེའེ་ལ་མིན་ཞེས་པའི་རྫས་འགྱུར་དེ་ཤུགས་ཆེ་བླུག་ཡོད་པ་མངོན་གསལ་ཆགས་ཡོད་པ་རེད་ རྒྱ་ནག་ནང་སྨན་དང་བཟའ་བཅའ་དེ་བཞིན་བཅའ་དངོས་མང་དག་ཅིག་རྫུན་མ་བཟོས་བཞིན་ཡོད་པ་དང་དེ་དག་གིས་མི་མང་པོ་ཞིག་ལ་རྨས་སྐྱོན་དང་ཚེ་སྲོག་ཤོར་བའི་གནས་ཚུལ་མང་དག་བྱུང་བཞིན་ཡོད་པ་རེད་