༸གོང་ས་མཆོག་གི་ཡང་སྲིད་ཐད་རྒྱ་ནག་གིས་གཏམ་བཤད།

༄༅༎༸གོང་ས་མཆོག་མཆོག་གིས་ཡང་སྲིད་ཐད་གསུངས་པ་དེར་རྒྱ་ནག་འཐབ་ཕྱོགས་གཅིག་གྱུར་ལྷན་ཁང་གིས་ལན་འདེབས་བྱས་འདུག
ཉེ་ལམ་༧གོང་ས་༧མཆོག་གིས་རྒྱ་གར་རྒྱལ་ས་ལྡི་ལིའི་ནང་གསུང་བཤད་གནང་བའི་སྐབས། སྤྱི་ཚོགས་ཚང་མར་རང་གི་འགོ་འཁྲིད་འདེམས་རྒྱུའི་འབྱོན་སྟངས་ཡོད་པ་ལྟར། བོད་པ་ཚོས་ཀྱང་སྔར་གྱི་ལམ་སྲོལ་འགྱུར་བ་བཏང་ནས། མང་གཙོ་ལམ་ནས་རང་གི་འགོ་ཁྲིད་འདེམས་ཀྱི་ཡོད་པ་དང་། མགོན་པོ་གང་ཉིད་ཀྱིས་ཀྱང་ཆབ་སྲིད་ཀྱི་ཐུགས་འགན་བཞེས་ཀྱི་མེད་པ་མ་ཟད། སླད་ཕྱིིན་སྐུ་ཕྲེང་བཅོ་ལྔ་པ་དེས་ཀྱང་ཆོས་ཕྱོགས་མ་གཏོགས་ཆབ་སྲིད་ཀྱི་ཐུགས་འགན་ཞེས་ཀྱི་མ་རེད་གསུངས་པ་དེར།  རྒྱ་ནག་གཞུང་གི་འཐབ་ཕྱོགས་གཅིག་འགྱུར་ལས་ཁང་གི་ལས་བྱེད་Xu Zhitao ཡིས། ཕྱི་ལོ་ ༡༩༥༩ འི་ལོར་བོད་ནང་དམངས་གཙོ་བཅོས་འགྱུར་འགོ་འཛུགས་བྱས་པའི་རྗེས། ཏྭ་ལའི་བླ་མའི་ཆབ་སྲིད་ཀྱི་དབང་ཆ་མེད་པ་གྱུར་ཟིན་པས། ཏྭ་ལའི་བླ་མས་མི་ལོ་བརྒྱ་ཕྲག་མང་པོའི་ལམ་སྲོལ་ལ་འགྱུར་བ་བཏང་བ་ཡིན་ཟེར་བ་དེ་ནི་ཁུངས་ལུང་མེད་པའི་སྐད་ཆ་ཞིག་རེད་ཅེས་དང༌། གལ་སྲིད་ཏྭ་ལའི་བླ་མའི་མ་འོངས་པའི་རྒྱུན་འཛིན་པ་བུ་འམ་བུ་མོ་ག་འདྲ་ཞིག་ཡིན་རུང༌། དེའི་ངོས་འཛིན་བྱེད་སྟངས་རྒྱ་ནག་གི་ཁྲིམས་དང་ལམ་སྲོལ། བོད་མི་མང་གི་མངོན་འདོད་དང་མཐུན་པ་ཞིག་བྱུང་བ་ཡིན་ན། དེ་ལ་རྒྱ་ནག་གཞུང་གིས་ངེས་པར་དུ་རྒྱབ་སྐྱོར་བྱེད་ཀྱི་རེད་ཅེས་བཤད་འདུག།