རྒྱ་ནག་གཞུང་གིས་མེ་འཁོར་འཛུགས་སྐྲུན་རྒྱ་ཆེར་གཏོང་འཆར།

༄༅༎རྒྱ་ནག་གཞུང་གིས་མེ་འཁོར་འཛུགས་སྐྲུན་ཆེད་ཨ་སྒོར་ཐེར་འབུམ་སུམ་བརྒྱ་སྐོར་འགྲོ་གྲོན་བཏང་སྟེ་དཔལ་འབྱོར་འཕེལ་རྒྱས་སླར་གསོ་བྱ་འཆར་ཡོད་པ་རེད། རྒྱ་ནག་ནང་ད་ལྟའི་ཆར་མེ་འཁོར་འགྲུལ་བཞུད་ཀྱི་ལྕགས་ལམ་ལེ་དབར་བདུན་ཁྲི་བརྒྱད་སྟོང་ཙམ་ཡོད་པ་ནས་ཕྱི་ལོ་༢༠༡༠ནང་ཚུད་ལྕགས་ལམ་ལེ་དབར་ཆིག་འབུམ་བར་གཏིང་ཐུབ་པ་བྱ་རྒྱུའི་དམིགས་ཚད་འཇོག་གི་ཡོད་པ་རེད། ལྷག་པར་དུ་ཕྱི་ལོ་༡༩༩༧ལོར་ཨེ་ཤེ་ཡའི་ཡུལ་གྲུ་ཁག་ནང་དཔལ་འབྱོར་ཉམས་གུད་ཆེན་པོ་བྱུང་སྐབས་རྒྱ་ནག་གཞུང་གིས་གཞུང་ལམ་ཕོན་ཆེ་འཛུགས་སྐྲུན་བྱས་ཏེ་དཔལ་འབྱོར་སླར་གསོ་བྱས་པ་ལྟར་ད་རེས་རི་ལིའི་ལྕགས་ལམ་རྒྱ་ཆེ་གཏིང་རྒྱུའི་ལས་གཞིའི་ཐོག་ནས་དཔལ་འབྱོར་སླར་གསོ་བྱ་འཆར་ཡོད་པ་ལྟར་ལས་མི་ས་ཡ་ཉིས་བརྒྱ་སྐོར་ལྕགས་ལམ་འདིང་ཡུལ་གྲོང་དང་གྲོང་བརྡལ་ཁག་ཏུ་གཞིས་སྤོས་བྱེད་པའི་མངོན་དཔག་བྱེད་ཀྱི་ཡོད་པ་རེད།