རྒྱ་ནག་གི་དཔལ་འབྱོར་འཕེལ་ཚད་དལ་བའི་རྐྱེན་པས་གཞོན་སྐྱེས་མང་པོར་མུ་མཐུད་དུ་ལས་མེད་ཀྱི་དཀའ་ངལ་འཕྲད་བཞིན་འདུག
རྒྱ་ནག་གི་ཨན་ཧེ་ཞིང་ཆེན་(Hefei)གྲོང་ཁྱེར་ནང་གཞོན་སྐྱེས་ཚོས་ལས་ཀ་འཚོལ་བཞིན་པ། ༠༢།༢༠༡༤
REUTERS
འདི་ལོར་རྒྱ་ནག་གི་གཞོན་སྐྱེས་ས་ཡ་ ༣ དང་འབུམ་བཞི་ཙམ་ཞིག་གིས་གཞུང་གི་ལས་རིགས་ཀྱི་ཡིག་རྒྱུགས་ནང་མཉམ་ཞུགས་ཀྱིས་ལས་ཀ་འཚོལ་ཐབས་བྱས་ཡོད་ཀྱང་། གཞོན་སྐྱེས་ཚོར་ལས་ཀའི་བདེ་འཇགས་དང་རོགས་སྐྱོར། ཁང་པ་སོགས་ཁེ་ཕན་གྱི་མདུན་ལམ་སྐྲུན་རྒྱུ་ཡིན་པའི་བསླུ་བྲིད་ཐེབས་པ་དང་། གཞན་རྒྱ་ནག་གི་དཔལ་འབྱོར་གནས་སྟངས་ཉམས་རྒུད་ཁྲོད་འཕེལ་ཚད་དལ་བའི་རྐྱེན་པས་སྒེར་གྱི་ལས་རིགས་གཉེར་མཁན་དང་དེ་བཞིན་གཞོན་སྐྱེས་མང་དག་ཅིག་ལས་མེད་ཀྱི་གནས་སུ་ལྷུང་ཡོད་པ་སོགས་རོའི་ཊརསི་གསར་སྤེལ་ཁང་གིས་གནས་ཚུལ་ནང་བཀོད་འདུག
རྒྱ་ནག་གི་གཞུང་ཞབས་ཡིག་རྒྱུགས་དེ་འདི་ལོའི་ཕྱི་ཟླ་ ༡༢ ནང་བཏང་ཡོད་པ་དང་། སྔ་ལོ་དང་བསྡུར་ན་གཞོན་སྐྱེས་སྙན་ཞུ་འབུལ་མཁན་གྱི་གྲངས་འབོར་ཁྲི་ ༤ ཙམ་འཕར་ཡོད་པས། ལོ་སྔོན་མ་དག་དང་བསྡུར་ན་ལྡབ་གསུམ་གྱིས་འཕར་ཡོད་པ་དང་། ད་ལྟའི་ཆར་ས་གནས་སྲིད་གཞུང་གིས་མ་དངུལ་མེད་པའི་དཀའ་ངལ་གྱི་རྐྱེན་པས་གླ་ཆ་སྤྲོད་རྒྱུར་དཀའ་ངལ་འཕྲད་བཞིན་ཡོད་ཀྱང་། རྒྱ་ནག་དམར་ཤོག་ཚོགས་པའི་ཆབ་སྲིད་བརྟན་བརླིང་གི་དགོས་མཁོའི་ཆེད་དུ། ཨུ་ཚུགས་མཐར་སྐྱེལ་བྱེད་བཞིན་པའི་གནས་སྟངས་འོག་སྒེར་གཉེར་ཁེ་ལས་གཉེར་མཁན་ཚོར་མདུན་ལམ་མེད་པའི་གནས་སུ་ལྷུང་ཡོད་པ་རེད།
རྒྱ་ནག་གཞུང་གི་གཞུང་ཞབས་ཡིག་རྒྱུགས་དེའི་ཁྲོད། གཞོན་སྐྱེས་མང་དག་ཅིག་གིས་གྲ་སྒྲིག་དང་འགྲན་རྩོད་ཆེན་པོས་ཞུགས་ཡོད་ན་ཡང་། ཡིག་རྒྱུགས་རྗེས་སུ་ལས་ཞུགས་ཀྱི་གོ་སྐབས་ཉུང་བ་དང་། ལྷག་པར་ལས་ཀ་མང་དག་ཅིག་བརྟན་པོ་མེད་པ་སོགས་ཀྱི་དཀའ་ངལ་བྱུང་གི་ཡོད་པ་དང་། རྒྱ་ནག་པེ་ཅིང་གྲོང་ཁྱེར་ནང་ཡོད་པའི་སློབ་མ་ (Klaire) ལགས་ཀྱིས། ཕྱི་ཟླ་ ༡༢ པའི་ཟླ་འགོ་ནས་བཟུང་། རྒྱ་ནག་གི་གཞུང་ཞབས་ཡིག་རྒྱུགས་ཆེན་མོ་དེའི་ཁྲོད་དུ། ཉིན་རེར་ཆུ་ཚོད་ ༩ རིང་དྲྭ་ཐོག་ནས་སློབ་ཁྲིད་བྱེད་པར་རྒྱ་སྒོར་༩༨༠ (ཨ་སྒོར་ ༡༣༤) བཏང་སྟེ་ཡིག་རྒྱུགས་ཁྲོད་ཞུགས་དགོས་བྱུང་ཡོད་པ་སོགས་འགྲེལ་བརྗོད་གནང་འདུག
གསར་འགོད་པ། བདེ་ཆེན་དབང་མོ།
རྩོམ་སྒྲིག་པ། དོན་གྲུབ་རྣམ་རྒྱལ།
དྲྭ་ཐོག་རྩོམ་སྒྲིག་པ། བཀྲ་ཤིས་དབང་ཕྱུག
དྲྭ་ཐོག་སྤེལ་མཁན། ཀླུ་འབུམ།
བལྟ་བཤེར་མང་ཤོས་བྱས་པའི་གནས་ཚུལ།
RFA
- ཨེ་ཤེ་ཡ་རང་དབང་རླུང་འཕྲིན་ཁང་གི་སྐད་ཡིག་སྡེ་ཚན་ཕལ་ཆེ་བ་སྒོ་བརྒྱབ་རྒྱུའི་གསལ་བསྒྲགས།
- རྒྱ་གར་གྱིས་པ་ཀིསྟན་ནང་གི་དྲག་སྤྱོད་པའི་ས་ཚིགས་ལ་རྒོལ་རྡུང་བཏང་བར་རྒྱ་ནག་གིས་བློ་འགྱོད་ཡོད་སྐོར་བརྗོད་འདུག
- ༸གོང་ས་༸སྐྱབས་མགོན་ཆེན་པོ་མཆོག་གིས་ཇོ་ནང་རྒྱལ་ཚབ་རིན་པོ་ཆེ་དང་། ཤར་སྤྲུལ་རིན་པོ་ཆེ། དགེ་བཤེས་ལྷུན་གྲུབ་བཟོད་པ་རིན་པོ་ཆེའི་ཡང་སྲིད་གཙོས་པའི་ཕྱི་ནང་གི་དད་ལྡན་པར་མཇལ་ཁ་སྩལ་བ།
- བོད་མིའི་སྒྲིག་འཛུགས་ཀྱི་སྲིད་སྐྱོང་མཆོག་གིས་ཨ་རིར་གཞུང་འབྲེལ་ཕྱོགས་ཕེབས་དང་འབྲེལ་ཨ་རིའི་བོད་དོན་དམིགས་བསལ་འབྲེལ་མཐུད་པ་བསྐོ་གཞག་དགོས་པའི་འབོད་སྐུལ་ཞུས་འདུག
- བཀའ་ཟུར་བཀྲ་ཤིས་དབང་འདུས་ལགས་འདས་གྲོངས་སུ་གྱུར་འདུག
བལྟ་བཤེར་མང་ཤོས་བྱས་པའི་གནས་ཚུལ།
གསར་འགྱུར།
- ཨ་རྒྱ་གཉིས་ཀྱི་ཚོང་དམག་ཁྲོད་བཟོ་གྲྭ་མང་པོ་སྒོ་བརྒྱབ་པའི་རྐྱེན་གྱིས་རྒྱ་ནག་གི་ས་ཁུལ་གང་སར་ལས་མིས་ངོ་རྒོལ་བྱེད་བཞིན་འདུག
- ཌེ་ལྦེཌ་པར་ཌུ་ལགས་ཨ་རིའི་རྒྱ་ནག་གི་གཞུང་ཚབ་ཆེན་མོར་བསྐོ་གཞག་གནང་གཏན་འཁེལ་འདུག
- ༸གོང་ས་༸སྐྱབས་མགོན་ཆེན་པོ་མཆོག་གི་གོ་སྟོན་དང་བསྟུན་སྐུ་ཚེའི་ལོ་རྒྱུས་སྐོར་གྱི་གློག་བརྙན་སྐུ་མདུན་ཞེས་པ་ཨ་རིའི་ཊེ་བྷེ་ཀ་གློག་བརྙན་དུས་སྟོན་ཐོག་གཟིགས་འབུལ་ཞུ་རྒྱུ་རེད་འདུག
- ༸གོང་ས་༸སྐྱབས་མགོན་ཆེན་པོ་མཆོག་གིས་ཚང་མ་མཐུན་སྒྲིལ་ཐོག་མཉམ་གནས་ཐུབ་རྒྱུ་དེ་མགོན་པོ་མཆོག་གི་ཐུགས་རེ་གཙོ་བོ་ཡིན་ཞེས་རྒྱ་རིགས་ཚན་རིག་པ་ཚོར་བཀའ་སྩལ་མཛད་འདུག
- ཨ་རིའི་ཕྱི་སྲིད་ལས་ཁུངས་ཀྱི་འཛིན་སྐྱོང་སྒྲོམ་གཞི་བསྐྱར་སྒྲིག་ཁྲོད། སྲིད་སྐྱོང་སྤེན་པ་ཚེ་རིང་ལགས་ཀྱིས་བོད་དོན་དམིགས་བསལ་འབྲེལ་མཐུད་པ་ཕྱི་སྲིད་དྲུང་ཆེའི་ཐད་ཀར་འོག་ལས་གནས་བསྐོ་བཞག་ཡོང་བའི་འབོད་སྐུལ་གནང་འདུག