སྲོག་ཁྲིམས་ཕོག་པའི་བོད་མིའི་གནས་སྟངས།

༄༅༎ཕྱི་ཟླ་ལྔ་པའི་ཚེས་ཉེར་གཉིས་རེས་གཟའ་པ་སངས་ཉེ་ཆར་རྒྱ་ནག་གཞུང་གིས་བོད་མི་བཞི་ལ་ན་ནིང་བོད་ནང་གི་ངོ་རྒོལ་ལས་འགུལ་ནང་མཉམ་ཞུགས་བྱས་པའི་ནག་ཉེས་ཉེས་བཙུགས་བྱས་པ་ནས་བོད་མི་གསུམ་ལ་སྲོག་ཐོག་གི་ཉེས་ཆད་དང་བོད་མི་གཅིག་ལ་ཚེ་བཙོན་གྱི་ཉེས་ཆད་ཐག་གཅོད་བྱས་པ་ནས་བཟུང་ད་བར་ནང་མི་ཚོས་ཁོང་རྣམས་ག་པར་ཡོད་མེད་རྩ་བ་ནས་རྩད་གཅོད་དང་ཤིས་རྟོགས་ཐུབ་ཀྱི་མེད་པའི་གནས་སྟངས་ལ་ཧ་ཅང་གི་བློ་འཚབ་ཆེན་པོར་གྱུར་ཡོད་པ་རེད།དེ་རིང་བཙོན་བྱོལ་བོད་གཞུང་གི་དྲ་གནས་ཐོག་གནས་ཚུལ་སྤེལ་བའི་ནང་ལྷ་ས་འབྲིང་རིམ་མི་དམངས་ཁྲིམས་ཁང་ཟེར་བས་ཕྱི་ཟླ་བཞི་པའི་ཚེས་བརྒྱད་ཉིན་དགུང་ལོ་ཉེར་བདུན་ཡིན་པའི་བློ་བཟང་རྒྱལ་མཚན་ལགས་དང་།དགུང་ལོ་ཉེར་གཉིས་ཡིན་པའི་རྐང་འཛུགསལགས།དེ་བཞིན་དགུང་ལོ་ཉེར་ལྔ་ཡིན་པའི་ལོ་ཡག་ལགས་བཅས་ལ་སྲོག་ཐོག་གི་ཉེས་ཆད་ཐག་གཅོད་བྱས་པའི་གསལ་བསྒྲགས་བྱས་པ་དང་།རྒྱ་ནག་གི་ཁྲིམས་ལུགས་ནང་འཁོང་པར་གཞིགས་ན་འབྲིང་རིམ་ཁྲིམས་ཁང་གིས་སྲོག་ཐོག་གི་ཉེས་ཆད་བྱ་རྒྱུའི་གྱོད་དོན་དེ་ཐག་གཅོད་མ་བྱས་གོང་གོ་གཟའ་འཁོར་དྲུང་ནང་ཚུད་ལ་ངེས་པར་དུ་ཆེས་མཐོའི་ཁྲིམས་ཁང་དུ་གོ་བསྡུར་སྙན་སེང་ཞུ་དགོས་ཀྱི་ཡོད་ཀྱང་བོད་མི་ལྔ་པོ་དེ་རྣམས་ད་ཆ་གར་ཡོད་རྩ་བ་ནས་ཤེས་རྟོགས་མེད་པར་ད་བར་ཟླ་བ་གཅིག་དང་ཕྱེད་ཀ་ཙམ་འགྲོ་ཡི་ཡོད་པ་རེད།།