རྒྱ་རིགས་ཚོགས་པས་དོན་གྲུབ་དབང་ཆེན་ལ་གཟེངས་རྟགས།

༄༅༎སྤྱི་ལོ་༢༠༡༢་ལོའི་ཟླ་༩་ཚེས་༢་བཙན་བྱོལ་བོད་མིའི་ཡང་དག་པའི་མང་གཙོའི་ལམ་བཟང་དབུ་བརྙེས་ཏེ་མི་ལོ་༥༢་ཧྲིལ་པོ་འཁོར་བའི་དུས་དྲན་སྲུང་བརྩིའི་ཉིན་མོ་དང་སྟབས་བསྟུན་བཞུགས་སྒར་ཉེ་འགྲམ་དུ་རྟེན་གཞི་བྱས་པའི་བོད་མིའི་སྒྲིག་འཛུགས་ཀྱི་ཕྱི་དྲིལ་འགྲེམས་སྟོན་ཚན་པའི་ཚོཌ་ཁང་ནང་སྔ་དྲོ་ཆུ་ཚོད་བཅུ་དང་སྐར་མ་སུམ་ཅུ་ཙམ་ལ་ཨོ་སི་ཌོ་ལི་ཡར་རྟེན་གཞིན་བྱས་པའི་རྒྱ་རིགས་རུས་ཆི་རིག་གཞུང་ཐེབས་རྩ་ཁང་གིས། ཕྱི་ལོ་༢༠༠༨་ལོར་བོད་ནང་གི་དངོས་ཡོད་གནས་ཚུལ་སྐོར་ལ་གློག་བརྙན་བཟོ་བསྐྲུན་པ་དོན་གྲུབ་དབང་ཆེན་ལགས་ཀྱིས་བཟོ་བསྐྲུན་གནང་བའི་དངོས་བྱུང་གློག་བརྙན་མིང་ལ་འཇིགས་བྲལ་ཞེས་པར་ཐེབས་རྩ་ཁང་དེའི་ཐེངས་ལྔ་པའི་རྒྱ་ནག་ཡར་ཐོན་སྐུལ་འདེད་དམིགས་བསལ་གཟེངས་རྟགས་ཞེས་པ་དེ་གནང་རྒྱུའི་མཛད་སྒོ་སྟབས་བདེ་ཞིག་ཚོཌ་ཏེ། ཐེབས་རྩ་ཁང་གི་རྒྱ་རིཌ་བེུད་ཆི་ཅ་ཀྲིན་གྱིས་ཐེབས་རྩ་ཁང་གི་ལོ་རྒྱུས་ངོ་སྤྲོད་དང་འབྲེལ་དོན་གྲུབ་དབང་ཆེན་ལ་གཟེངས་རྟགས་དེ་ཕུལ་དགོས་པའི་རྒྱུ་མཚན་ངོ་སྤྲོད་གནང་རྗེས་དོན་གྲུབ་དབང་ཆེན་ལགས་ཀྱི་བུ་མོ་ཆུང་ཤོས་རང་ལོ་༡༡་ཡིན་པ་ལྷ་མོ་སྒྲོལ་མས་རང་གི་ཕ་དོན་གྲུབ་དབང་ཆེན་གྱི་ཚབ་ཞུས་ཏེ་གཟེངས་རྟགས་དེ་རྩིས་ལེན་ཞུས་ཡོད་པ་རེད།   རུས་ཆི་ཐེབས་རྩ་ཚོགས་པའི་ཚོགས་གཙོ་ཆི་ཅ་ཀྲིན་ལགས་ཀྱིས་བརྗོད་པ་ལྟར་ན།   ཁོང་གི་ཕ་རྒན་ཆི་ཙི་ཀྲི་ཡིས་རྒྱ་ནག་དམར་པོའི་སྲིད་གཞུང་ལ་ངོ་རྒོལ་བྱས་སྟབས་ལོ་༣༠་རིང་རྒྱའི་བཙོན་འོག་ཏུ་ཚུད་ཡོད་པ་མ་ཟད།  ཁོང་མོ་རང་ཡང་ལོ་བཅུའི་རིང་རྒྱའི་བཙོན་འོག་བསྡད་ཡོད་འདུག   གཟེངས་རྟགས་འདི་རྒྱ་ནག་ནང་གི་གཞི་རིམ་མི་མང་ཚོའི་དཀའ་སྡུག་གི་འབོད་སྒྲ་སྒྲོག་མཁན་གྱི་རྩོམ་པ་པོ་དང་དངོས་བྱུང་གློག་བརྙན་བཟོ་བསྐྲུན་བྱེད་མཁན་་ཕུལ་དུ་བྱུང་བ་ཚོར་འབུལ་གྱི་ཡོད་འདུག།