ཡུ་རོབ་མཉམ་འབྲེལ་ཚོཌ་གཙོས་རྒྱ་ནག་ཏུ་འཚམས་གཟིགས།

༄༅༎ཡུ་རོཔ་མཉམ་སྦྲེལ་ལྷན་ཚོགས་ཀྱི་ཚོགས་གཙོ་ཧར་མེན་ལྦེན་རོམ་པའེ་(Herman Van Rompuy)ཡིས་དེ་རིང་རྒྱ་ནག་ནང་གི་གཟིགས་སྐོར་མཇུག་སྒྲིལ་གནང་སྐབས་ དཔལ་འབྱོར་གོང་འཕེལ་དང་ཁྲིམས་ཀྱི་དབང་སྒྱུར་གཉིས་ལག་ཐང་འབྲེལ་ནས་འགྲོ་དགོས་ཀྱི་རེད་ཅེས་རྒྱ་ནག་ལ་ནན་བརྗོད་གནང་བཞག།

སྐུ་ཞབས་ཧར་མེན་ལྦེན་རོམ་པའེ་ཡིས་ལོ་འདིའི་ནང་ཨ་རབ་ཡུལ་གྲུ་ཁག་ཏུ་ཁྲིམས་ཀྱི་དབང་སྒྱུར་དེ་གལ་ཆེ་ཡིན་པའི་མང་ཚོགས་ཀྱི་མངོན་འདོད་མཚོན་པའི་ངོ་རྒོལ་བསྟུད་མར་བྱུང་བའི་རྗེས་རྒྱ་ནག་གཞུང་གིས་གཞུང་དང་ལྟ་སྤྱོད་ལོགས་ཀར་འཛིན་མཁན་གྱི་དོན་གཉེར་བ་ཚོའི་ཐོག་དམ་བསྒྲཌཤུགས་ཆེ་རུ་བཏང་ཡོད་སྐོར་འགྲེལ་བརྗོད་དང་འབྲེལ། དེང་དུས་ཀྱི་དཔལ་འབྱོར་ཡར་རྒྱས་འགྲོ་མཁན་རྒྱལ་ཁབ་ཇི་འདྲ་ཞིག་ཡིན་རུང་ཡུལ་དེའི་ནང་ལུགས་མཐུན་གྱི་སྒོ་ནས་ཁྲིམས་ཀྱི་དབང་སྒྱུར་ངེས་པར་དུ་བྱེད་དགོས་ཀྱི་རེད་ཅེས་རྒྱ་ནག་གི་གྲོང་ཁྱེར་ཧྲང་ཧེ་རུ་རྒྱ་ནག་དང་ཡུ་རོཔ་ཀྱི་རྒྱལ་སྤྱིའི་ཚོང་དོན་སློབ་གཉེར་ཁང་དུ་གསུང་བཤད་གནང་སྐབས་ཡུ་རོཔ་མཉམ་སྦྲེལ་ལྷན་ཚོགས་ཀྱི་ཚོགས་གཙོས་འགྲེལ་བརྗོད་གནང་བཞག།

རྒྱ་ནག་གཞུང་འཛིན་དམར་ཤོག་ཚོགས་པས་ཉེ་བའི་ཟླ་ཤས་ནང་གཞུང་དང་ལྟ་སྤྱོད་མི་མཐུན་པའི་རྒྱ་ནག་གི་ཁྲིམས་རྩོད་པ་དང༌། སྒྱུ་རྩལ་བ་མང་པོ་ཞིག་འཛིན་བཟུང་བཀག་ཉར་བྱས་དང་བྱེད་བཞིན་པར་ཡུ་རོཔ་དང་ཨ་མི་རི་ཀ་དང་དེ་མིན་རྒྱལ་ཁབ་གཞན་ཚོས་རྒྱ་ནག་གཞུང་ལ་སྐྱོན་བརྗོད་ཤུགས་ཆེ་གནང་བཞིན་ཡོད་པ་རེད།