དཀར་མཛེས་སུ་མི་གསུམ་འདས་གྲོངས།

༄༅༎རྒྱ་ནག་ཟི་ཁྲོན་ཞིང་ཆེན་གྱི་ཁོངས་གཏོགས་གཡག་རྔ་ཟེར་བའི་བོད་དང་ཟི་ཁྲོན་ཞིང་ཆེན་གྱི་ས་མཚམས་ཁུལ་དུ་ཕྱི་ཚེས་༢༠འི་ཕྱི་དྲོར་་ས་ཡོམ་འགུལ་ཚད་རིམ་པ་བདུན་ཅན་ཞིག་བརྒྱབ་ནས་ད་ལྟའི་ཆར་མི་གྲངས་༡༥༧རྐྱེན་འདས་དང་། མི་གྲངས་དྲུག་སྟོང་ཙམ་ལ་རྨས་སྐྱོན་ཕོག་འདུག
རྒྱའི་སྐད་དུ་ཡཱ་ཨན་ནམ་བོད་སྐད་དུ་གཡག་རྔ་ཟེར་བའི་ས་ཁུལ་དུ་བརྒྱབ་པའི་ས་འགུལ་དེའི་ཁྱབ་ཁོངས་སུ་གྲོང་ཁྱེར་༡༢དང་རྫོང་༢༨་ཚུད་པའི་ཡུལ་མི་འབུམ་བཞི་ལ་གནོད་འཚེ་བྱུང་ཡོད་པ་རེད། གོང་ཞུས་ས་ཁུལ་དེ་དག་གི་ནང་དུ་ཁམས་དཀར་མཛེས་དང་རྔ་བ་ཡང་ཚུད་འདུག ད་བར་དུ་ཤེས་རྟོགས་བྱུང་བ་ལྟར་ན་ཁམས་དཀར་མཛེས་ཁུལ་དུ་མི་གསུམ་དང་དར་རྩེ་མདོ་རུ་མི་གཉིས་རྐྱེན་འདས་སུ་ཕྱིན་འདུག ད་རེས་ས་འགུལ་ཚད་རིམ་བདུན་ཅན་བརྒྱབ་སའི་གཡག་རྔ་ཁུལ་དེ་བཞིན་ཟི་ཁྲོན་ཞིང་ཆེན་དང་བོད་ཀྱི་ས་འབྲེལ་ཁུལ་ཡིན་པའི་ཁར། བོད་ཀྱི་ཇ་ཡི་ཐོན་ཁུངས་ས་ཁུལ་གཙོ་བོ་དེ་ཡིན་པ་རེད། ད་རེས་གཡག་རྔ་ས་འགུལ་གནོད་འཚེ་བྱུང་རྗེས་རྫོགས་ཆེན་ཤི་སེང་ཆོས་གྲ་ཆེན་མོའི་དགེ་འདུན་འདུས་པ་ཡོངས་ཀྱིས་བསྔོ་བ་སྨོན་ལམ་གནང་ཡོད་པའ་གནས་ཚུལ་འདུག།