ཧོང་ཀོང་ནང་གི་མི་མང་གི་ལས་འགུལ་གཞི་རྒྱ་ཇེ་ཆེ་ཡིན་པས་ཨ་རིའི་མི་སེར་ཧོང་ཀོང་ནང་བསྐྱོད་རྒྱུར་གཟབ་དགོས་ཟེར།
2019.08.08
ཧོང་ཀོང་ནང་མི་དམངས་ཀྱི་ངོ་རྒོལ་ལས་འགུལ་སྐབས། ༢༠༡༩།༨།༥
AP
ཧོང་ཀོང་ནང་མི་མང་གི་ངོ་རྒོལ་གྱི་ལས་འགུལ་དེ་གཞི་རྒྱ་ཆེ་རུ་འགྲོ་བཞིན་པར་སོང་ཨ་མི་རི་ཀས་ཨ་རིའི་ཡུལ་མི་ཚོར་ཧོང་ཀོང་ནང་འགྲོ་བསྐྱོད་བྱ་རྒྱུར་གཟབ་གཟབ་བྱེད་དགོས་པའི་ཉེན་བརྡ་བཏང་འདུག
དེ་ཡང་ཉེ་ལམ་ནས་ཧོང་ཀོང་ནང་མི་མང་གི་ངོ་རྒོལ་གྱི་ལས་འགུལ་དེ་གཞི་རྒྱ་ཆེ་རུ་འགྲོ་བཞིན་པར་སོང་ཨ་མི་རི་ཀས་ཨ་རིའི་ཡུལ་མི་ཚོར་ཧོང་ཀོང་ནང་འགྲོ་བསྐྱོད་བྱ་རྒྱུར་གཟབ་གཟབ་བྱེད་དགོས་པའི་ཉེན་བརྡ་བཏང་ཡོད་པ་དང་། ཧོང་ཀོང་མི་དམངས་ཚོས་ཀྱང་ད་དུང་མུ་མཐུད་དུ་ངོ་རྒོལ་གྱི་ལས་འགུལ་སྤེལ་རྒྱུའི་འཆར་གཞི་ཡོད་ལུགས་རོའུ་ཀྲར་གསར་འགྱུར་ལས་ཁང་གིས་གནས་ཚུལ་སྤེལ་འདུག
འདས་པའི་ཟླ་བ་གཉིས་ཙམ་ནས་བཟུང་། ཧོང་ཀོང་མི་མང་སྟོང་ཕྲག་མང་པོ་སྲང་ལམ་ནང་ཐོན་ནས་དོགས་ཡོད་ཉེས་ཅན་པ་རྒྱ་ནག་ལ་རྩིས་སྤྲོད་བྱ་རྒྱུའི་ཁྲིམས་འཆར་ལ་ངོ་རྒོལ་བྱས་ཡོད་ཀྱང་། ད་ཆ་ངོ་རྒོལ་བའི་དགོས་འདུན་དེ་ཆེ་རུ་ཕྱིན་ནས་ཧོང་ཀོང་ལ་མང་གཙོ་ཚད་ལྡན་ཞིག་དགོས་པའི་དགོས་འདུན་བཏོན་ནས་ས་གནས་སྲིད་གཞུང་ལ་ངོ་རྒོལ་བྱེད་བཞིན་པ་རེད།
ཨ་རིའི་ཕྱི་སྲིད་ལས་ཁུངས་ཀྱི་དྲ་རྒྱའི་ནང་བཀོད་པར་གཞིགས་ན། ཧོང་ཀོང་གི་ངོ་རྒོལ་བས་ས་གནས་ཉེན་རྟོག་པས་ཆོག་མཆན་སྤྲད་པའི་ས་ཁུལ་ཙམ་མིན་པར་ཆོག་མཆན་མེད་པའི་ས་ཁུལ་ཁག་ནང་ལའང་ངོ་རྒོལ་གྱི་ལས་འགུལ་སྤེལ་ནས་ཉེན་རྟོག་པར་ཁ་གཏད་གདོང་ལེན་བྱེད་བཞིན་པ་དང་། རྔམ་སྟོན་ཁྲོམ་སྐོར་བྱ་མཁན་ཚོས་སྔོན་བརྡ་གང་ཡང་མ་བཏང་བ་དང་། མཚམས་རེར་སྔོན་བརྡ་ཕྲན་བུ་བཏང་ནས་ངོ་རྒོལ་གྱི་ལས་འགུལ་སྤེལ་བཞིན་པར་སོང་ཧོང་ཀོང་ནང་གནས་སྐབས་འགྲོ་བསྐྱོད་མ་བྱས་ན་ལེགས་པ་ཡོད་པའི་ཉེན་བརྡ་བཏང་འདུག
ཨ་རིའི་ཉེན་བརྡ་དེ་ནི་ཉེན་བརྡའི་ཚད་གཞི་མཐོ་ཤོས་ཨང་རིམ་བཞིའི་ནང་ནས་ཚད་གཞི་གཉིས་པའི་ཉེན་བརྡ་དེ་ཡིན་འདུག
ཨ་རི་ཙམ་མིན་པར་ཨོ་སི་ཀྲོ་ལི་ཡའི་གཞུང་ནས་ཀྱང་ཧོང་ཀོང་ནང་འགྲོ་བསྐྱོད་བྱས་ན་ཉེན་ཁ་ཡོད་པའི་ཉེན་བརྡ་བཏང་ཡོད་པ་རེད། ཧོང་ཀོང་ནང་གི་མི་མང་གི་ངོ་རྒོལ་གྱི་ལས་འགུལ་དེ་ནི་རྒྱ་ནག་གི་སྲིད་འཛིན་ཞི་ཅིན་པིང་ལ་གདོང་ལེན་ཆེ་ཤོས་བྱ་དགོས་པ་ཞིག་ཆགས་ཡོད་པ་རེད།
ཧོང་ཀོང་དང་མའེ་ཁོ་(Macau)་ལས་དོན་ལྷན་ཁང་གིས། ངོ་རྒོལ་གྱི་ལས་འགུལ་དེ་ནི་ཕྱི་ལོ་༡༩༩༧་ལོར་ཧོང་ཀོང་རྒྱ་ནག་གིས་རྩིས་ལེན་བྱས་པའི་རྗེས་སུ་དུས་ཚོད་གཉན་འཕྲང་ཆེ་ཤོས་དེ་ཆགས་ཡོད་ལུགས་འགྲེལ་བརྗོད་བྱས་འདུག ད་དུང་བདུན་ཕྲག་འདིའི་གཟའ་མཇུག་ཏུ་ ཧོང་ཀོང་གི་རྫོང་མང་པོའི་ནང་ངོ་རྒོལ་གྱི་ལས་འགུལ་སྤེལ་འཆར་ཡོད་པ་དང་། དེ་བཞིན་རེས་གཟའ་པ་སངས་ནས་བཟུང་ཉིན་གསུམ་རིང་ཧོང་ཀོང་གི་རྒྱལ་སྤྱིའི་གནམ་ཐང་དུ། མི་མང་ཁྱོན་ཆེ་མཉམ་འཛོམས་ཀྱིས་ངོ་རྒོལ་གྱི་ལས་འགུལ་ཤུགས་ཆེ་སྤེལ་འཆར་ཡོད་པ་རེད་འདུག
བལྟ་བཤེར་མང་ཤོས་བྱས་པའི་གནས་ཚུལ།
RFA
- རྒྱ་གར་གྱིས་པ་ཀིསྟན་ནང་གི་དྲག་སྤྱོད་པའི་ས་ཚིགས་ལ་རྒོལ་རྡུང་བཏང་བར་རྒྱ་ནག་གིས་བློ་འགྱོད་ཡོད་སྐོར་བརྗོད་འདུག
- ༸གོང་ས་༸སྐྱབས་མགོན་ཆེན་པོ་མཆོག་གིས་དཀའ་ཁག་ཆེ་བའི་དུས་སྐབས་འདིར་༸རྒྱལ་དབང་རིན་པོ་ཆེ་ཡོད་བསམ་ནས་བློ་བདེ་པོ་བྱོས་ཞེས་མཇལ་བཅར་བ་ཚོར་བཀའ་སྩལ་མཛད་འདུག
- ༸རྒྱལ་བའི་ཡང་སྲིད་དང་། རྒྱ་ནག་དམར་ཤོག་གཞུང་གི་ངན་བྱུས།
- ཨེ་ཤེ་ཡ་རང་དབང་རླུང་འཕྲིན་ཁང་གི་བོད་སྐད་སྡེ་ཚན་དང་། ཡུ་གུར། འབར་མའི་སྐད་ཡིག་སྡེ་ཚན་གྱི་ལས་དོན་མཚམས་འཇོག་བྱེད་རྒྱུའི་གསལ་བསྒྲགས།
- ཡུ་རོབ་གྲོས་ཚོགས་ཀྱིས་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་སྐུའི་ཡང་སྲིད་ངོས་འཛིན་གནང་སྒོར་རྒྱ་ནག་གཞུང་གིས་ཐེ་གཏོགས་བྱེད་པར་སྐྱོན་བརྗོད་ཀྱི་གྲོས་ཆོད་ཚད་མཐོའི་མང་མོས་ཐོག་གཏན་འབེབས་གནང་འདུག
བལྟ་བཤེར་མང་ཤོས་བྱས་པའི་གནས་ཚུལ།
གསར་འགྱུར།
- ༸གོང་ས་༸སྐྱབས་མགོན་ཆེན་པོ་མཆོག་གིས་ཡེ་ཤུའི་བླ་ཆེན་པོབ་ལེའུ་བཅུ་བཞི་པ་མཆོག་ལ་འཚམས་འདྲི་མཛད་འདུག
- ༸གོང་ས་༸སྐྱབས་མགོན་ཆེན་པོ་མཆོག་གིས་བསྟན་འགྲོ་སྤྱིའི་དོན་དུ་མཛད་འཕྲིན་མུ་མཐུད་བསྐྱང་རྒྱུའི་བཀའ་བཞེས་ཕེབས་སོང་།
- རྒྱ་ནག་གཞུང་གིས་ལོ་དགུའི་རིང་ཆུ་དང་གློག་གི་མཐུན་རྐྱེན་བཅད་པར་ཞུ་གཏུགས་བྱེད་མཁན་སྐལ་བཟང་ལགས་བཙོན་འཇུག་བྱས་འདུག
- བཞུགས་སྒར་རྡ་རམ་ས་ལར་བོད་ཀྱི་ཞོ་སྟོན་རྒྱས་པ་ཐེངས་ ༢༨ པ་དབུ་འཛུགས།
- ཧོང་ཀོང་དུ་སངས་རྒྱས་ཀྱི་རིང་བསྲེལ་རིན་བསྡུར་ལམ་ནས་ཚོང་སྒྱུར་བྱ་འཆར་ལ་རྒྱ་གར་གཞུང་གིས་དགག་བྱ་བྱས་རྐྱེན་རིན་བསྡུར་ཚོང་སྒྱུར་ཕྱི་བཤོལ་བྱས་འདུག