རྒྱ་ནག་གཞུང་གིས་བོད་ནང་བརྟན་ལྷིངས་གནས་ཐབས་བྱེད་པ།

༄༅༎རྒྱ་ནག་གཞུང་གིས་བོད་ནང་བརྟན་ལྷིངས་སྲུང་སྐྱོབ་ཆེད་དུ་ཁ་བྲལ་གྱི་བྱ་སྤྱོད་དང་ལས་འགུལ་ལ་དྭོགས་ཟོན་ཆེན་པོ་བྱེད་དགོས་པའི་སྐུལ་མ་ནན་པོ་བཏང་ཡོད་པ་རེད་ གཟའ་སྤེན་པའི་ཉིན་བོད་རང་སྐྱོང་ལྗོངས་ཟེར་བའི་དམར་ཤོག་ཚོགས་པའི་འགོ་ཁྲིད་ཀྲང་ཆིང་ལིས་ བོད་བཅིངས་བཀྲོལ་བཏང་ནས་ལོ་དྲུག་བཅུ་འཁོར་པའི་དུས་དྲན་སྲུང་བརྩི་ཞུ་བའི་སྐབས་འདིར་ ཁ་བྲལ་བྱ་སྤྱོད་ཀྱི་ཉེན་ཁ་ཆེན་པོ་ཡོད་ལུགས་གཏམ་བཤད་གནང་ཐོག་ བོད་ནང་ཁ་བྲལ་གྱི་བྱ་སྤྱོད་རིགས་སྔོན་འགོག་དང་ བརྟན་ལྷིངས་ཀྱི་ཆེད་དུ་སྤྱི་ཚོགས་ཀྱི་དཀའ་རྙོག་རིགས་སེལ་ཕྱིར་ཧུར་བརྩོན་བྱེད་དགོས་ལུགས་ཀྲང་ཆིང་ལིས་གསུངས་ཡོད་པ་རེད་ རྒྱ་ནག་རྒྱལ་ཡོངས་མི་མང་ཚོགས་ཆེན་གྱི་ཚོགས་འདུར་བཅར་བཞིན་པའི་སྐབས་དེར་ ཁོང་གིས་ ང་ཚོའི་དམིགས་ཡུལ་གཙོ་བོ་བོད་ནང་འཛུགས་བསྐྲུན་དང་ཡར་རྒྱསགཏོང་རྒྱུ་དེ་ཡིན་ཡང་ཞི་བདེ་ལྷིངས་འཇགས་ཀྱི་ཁོར་ཡུག་བསྐྲུན་རྒྱུ་ཡང་ཧ་ཅང་གལ་ཆེན་པོ་ཆེན་པོ་རེད་ བོད་ནང་བརྟན་ལྷིངས་མེད་ན་འཛུགས་བསྐྲུན་གྱི་ལས་གཞི་ཡང་ལམ་ལྷོངས་ཡོང་གི་མ་རེད་ཅེས་བརྗོད་འདུག།