བོད་མདོ་སྟོད་སྨད་ནང་སྔར་བས་དམ་བསྒྲགས་ཆེ་བ།

༄༅༎རྒྱ་ནག་གཞུང་གིས་བོད་ནང་གི་བོད་མིའི་ཐོག་སྔར་བས་དམ་བསྒྲགས་དང་དྲག་གནོན་གྱི་སྲིད་ཇུས་ལག་བསྟར་བྱེད་བཞིན་ཡོད་པ་མ་ཟད། ལྷག་དོན་བོད་མདོ་སྟོད་སྨད་གཉིས་ནང་དུ་དམ་བསྒྲགས་ཆེན་པོ་གནས་བཞིན་ཡོད་པའི་སྐོར་ལ་བོད་ཀྱི་ས་ཁུལ་ཁག་ནས་བོད་མི་གསུམ་གྱིས་གནས་ཚུལ་ངོ་སྤྲོད་གནང་ཡོད་པ་རེད།
རླུང་འཕྲིན་ཁང་གི་གསར་འགོད་པར་སྐལ་བཟང་བསྟན་འཛིན་ལགས་ཀྱིས་དེ་རིང་བོད་ཀྱི་ཆབ་མདོ་དང། ཨ་མདོ་རྔ་བ། མཚོ་སྔོན་ནས་བོད་མི་གསུམ་གྱིས་གནས་ཚུལ་ངོ་སྤྲོད་གནང་བའི་ནང༌། རྒྱ་ནག་གཞུང་གིས། བོད་ཀྱི་ཆབ་མདོ་ཁུལ་གྱི་བོད་མི་རྣམས་རྫོང་དང་ས་ཁུལ་ཕན་ཚུན་ནང་འགྲོ་འོང་ལ་དམ་བསྒྲགས་བྱེད་པ་མ་ཟད། དམིགས་བསལ་བླ་མ་དང༌། དགེ་འདུན་པ་དང་བཙུན་མའི་ཐོག་ལ་དམ་བསྒྲགས་བྱས་ཏེ། དོན་མེད་འཛིན་བཟུང་བྱེད་པ། ད་ཆ་ཆབ་མདོ་ས་ཁུལ་གྱི་བོད་མིའི་ཐོག་ཞིབ་བཤེར་ནན་པོ་བྱེད་པ་དང༌། རྒྱ་ལམ་ཐོག་འགྲོ་བསྐྱོད་བྱེད་པའི་སྐབས་ལུས་ཡོངས་རྫོགས་སྔོག་བཤེར་བྱེད་སོགས་ཕར་འགྲོ་ཚུར་འོང་བྱེད་པར་དཀའ་ངལ་ཆེན་པོ་བཟོ་ཡི་ཡོད་པ་རེད། དེ་བཞིན་རྒྱ་ནག་གཞུང་གིས་མཚོ་སྔོན་ཁུལ་དུ་བོད་རིགས་སློབ་མ་ཚོའི་སློབ་གཞི་རྒྱ་ཡིག་ཏུ་འགྱུར་བའི་སྲིད་ཇུས་ལག་བསྟར་བྱེད་པའི་དཀའ་ངལ་ཐོག་བོད་རིགས་སློབ་མ་རྣམས་མཐོ་རིམ་སློབ་གྲྭ་བསྐྱོད་པའི་སྐབས་བོད་རིགས་ཡིན་ཕྱིན་དངུལ་སྤྲོད་དགོས་པའི་དཀའ་ངལ་ཕར་མ་བཟོས་ཡོད་འདུག།