དྲག་གནོན་བྱེད་མཁན་དང་འབྲེལ་བ་བྱ་རྒྱུ་མེད་པའི་ལས་འགུལ།

༄༅༎བོད་ཀྱི་ཁམས་དཀར་མཛེས་ཁུལ་དུ་ཡོད་པའི་དགོན་སྡེ་ཁག་གིས། རྒྱ་ནག་གཞུང་ལ་ངོ་རྒོལ་བྱེད་མཁན་བོད་མི་ཚོའི་ཐོག་དམ་དྲག་དང་དྲག་གནོན་བྱེད་མཁན་བོད་མི་ལས་བྱེད་པ་དང༌། དེ་དག་གི་ནང་མི་ཚོ་དང་མཉམ་དུ་ཆོས་ཕྱོགས་ཀྱི་འབྲེལ་བ་བྱ་རྒྱུ་མེད་པའི་ལས་འགུལ་ཞིག་སྤེལ་བཞིན་ཡོད་འདུག  
དེ་ཡང་འདས་པའི་ལོ་ཤས་ནས་བཟུང་དཀར་མཛེས་ཁུལ་གྱི་བོད་མི་ཚོས་རྒྱ་ནག་གཞུང་ལ་ངོ་རྒོལ་བྱེད་པའི་ལས་འགུལ་ཐེངས་མང་སྤེལ་བའི་རྗེས། རྒྱ་ནག་གཞུང་གིས་ཁུལ་དེར་ཉེན་རྟོག་པ་དང་ དྲག་ཆས་དཔུང་དམག་ཕོན་ཆེ་འགྲེམ་འཇོག་བྱས་ཡོད་པ་མ་ཟད། བོད་མི་སྐབས་འཚོལ་བ་མང་དག་ཅིག་གསོ་སྐྱོང་བྱས་ཏེ། ངོ་རྒོལ་བ་ཚོའི་ཐོག་བལྟ་སྲུང་དང༌། དྲག་གནོན་བྱེད་དུ་བཅུག་གི་ཡོད་པར་བརྟེན། ད་ཆ་དཀར་མཛེས་ནང་ཡོད་པའི་བོད་པའི་དགོན་སྡེ་ཁག་གིས། རྒྱ་ནག་གཞུང་གིས་གསོ་སྐྱོང་འོག བོད་མི་ངོ་རྒོལ་བ་ཚོའི་ཐོག་དྲག་གནོན་བྱེད་མཁན་དེ་དག་དང་མཉམ་དུ་ཆོས་ཕྱོགས་ཀྱི་འབྲེལ་བ་བྱ་རྒྱུ་མེད་པའི་ལས་འགུལ་ཞིག་སྤེལ་བཞིན་ཡོད་པ་རེད།  འདི་གའི་ཨོས་ཀྲོརོ་ལི་ཡའི་གསར་འགོད་པ་དཀར་མཛེས་ནོར་བུ་དགྲ་འདུལ་ལགས་སུ་བོད་ནས་གནས་ཚུལ་མཁོ་སྤྲོད་གནང་མཁན་ཞིག་གིས་འདི་ལྟར་འགྲེལ་བརྗོད་གནང་འདུག།

གསར་འགྱུར་ལ་གསན་རོགས།