རྒྱ་མི་ཕལ་ཆེས་རྩེད་འགྲན་ལམ་ལྷོང་ཡོང་བའི་སྡོན་དཔག་བྱས་པ།

༄༅༎རྒྱ་ནག་མི་མང་ཕལ་མོ་ཆེས་པེ་ཅིང་ཨོ་ལིམ་པིག་རྩེད་འགྲན་ལ་བརྟེན་ནས་རྒྱལ་སྤྱིའི་ནང་རྒྱ་ནག་གི་ཆེ་མཐོང་ལ་ཕན་ཐོགས་ཡོང་རྒྱུ་དང་ རྩེད་འགྲན་དེ་ལམ་ལྷོང་ཡོང་བའི་སྡོན་དཔག་བྱེད་ཀྱི་ཡོད་འདུག

དེ་ཡང་པིའུ་ཞེས་པའི་ཨ་མི་རི་ཀའི་ཞིབ་འཇུག་ལྟེ་གནས་ཁང་གིས་ལོ་འདིའི་འགོ་སྟོད་དུ་རྒྱ་ནག་མི་མང་གི་བསམ་ཚུལ་བསྡུ་ལེན་བྱས་པར་མི་མང་བརྒྱ་ཆ་ ༩༣ ཡིས་ཉེ་དུས་རྒྱ་ནག་གཞུང་གིས་བོད་མིའི་ཞི་བའི་ངོ་རྒོལ་ཐོག་དྲག་གནོན་བྱས་པའི་རྐྱེན་གྱིས་རྩབ་རལ་དུ་ཕྱིན་པའི་རྒྱ་ནག་གི་ཆེ་མཐོང་གོང་འཕེལ་ལ་ཕན་ཐོགས་ཡོང་རྒྱུ་ཡིན་པ་དང་མི་མང་བརྒྱ་ཆ་ ༩༦ ཡིས་ཕྱི་ཟླ་༨པའི་ཚེས་༨ ནས་༢༤ བར་རྒྱལ་ས་པེ་ཅིང་ནང་འཚོགས་རྒྱུའི་ཨོ་ལིམ་པིག་རྩེད་འགྲན་དེ་ལམ་ལྷོང་ཆ་ཚང་བ་ཡོང་རྒྱུ་ཡིན་པ་དང་ པེ་ཅིང་ཨོ་ལིམ་པིག་རྩེད་འགྲན་ལམ་འགྲོ་ཡོང་རྒྱུའི་སྐོར་རེ་བ་བཟང་པོ་བཅངས་མཁན་ནི་ལོ་མཐོ་དམན་དང་ ཡོངས་བབས་ དེ་བཞིན་ཕོ་མོ་དབྱེ་མེད་ལ་བསམ་ཚུལ་གཅིག་མཚུངས་ཡོད་པའི་སྙན་ཐོ་འདོན་སྤེལ་བྱས་འདུག།