བལ་ཡུལ་སྲིད་བློན་གསར་པ་པེ་ཅིང་ནས་ཕྱིར་ལོག་གནང་སྐོར།

༄༅༎བལ་ཡུལ་གྱི་སྲིད་བློན་གསར་པ་ པར་ཅན་རྡ་ པེ་ཅིང་ཨོ་ལིམ་པིག་གི་ལུས་རྩལ་འགྲན་ཚོགས་ཀྱི་མཐའ་མའི་མཛད་སྒོར་མཉམ་ཞུགས་གནང་ནས་ད་ཆ་བལ་ཡུལ་ནང་ཕྱིར་ལོག་གནང་ཡོད་པ་རེད་

བལ་ཡུལ་གྱི་སྲིད་བློན་གསར་པ་ པར་ཅན་རྡ་ ཟླ་བ་འདིའི་ཟླ་སྟོད་ཙམ་དུ་བལ་ཡུལ་སྲིད་བློན་གྱི་ལས་གནས་བཞེས་ནས་ཐོག་མར་པེ་ཅིང་ཨོ་ལིམ་པིག་གི་ལུས་རྩལ་འགྲན་ཚོགས་ཀྱི་མཐའ་མའི་མཛད་སྒོར་མཉམ་ཞུགས་གནང་ནས་ཕྱིར་ལོག་གནས་བའི་རྗེས་གསར་འགོད་པར་གསལ་སྟོན་གནང་ཡས་ལ་གཞིགས་ན་ ཁོང་ཉིད་ད་རེས་པེ་ཅིང་ཕེབས་པའི་གནད་དོན་ཐོག་རྒྱ་གར་གྱི་དབུ་ཁྲིད་རྣམས་པས་ཐུགས་འཚབ་གནང་དགོས་ཡས་ཡོག་མ་རེད་ དེ་ནི་ཆབ་སྲིད་དང་འབྲེལ་བའི་ལས་དོན་གང་ཡང་མ་རེད་ཅེས་དང་ ཆབ་སྲིད་ཀྱི་འབྲེལ་བའི་ཐོག་ནས་ཐོག་མའི་ཕྱི་རྒྱལ་རྒྱལ་ཁབ་ཀྱི་གཟིགས་སྐོར་དེ་མགྱོགས་མྱུར་རྒྱ་གར་ནང་དུ་ཕེབས་གནང་རྒྱུ་ཡིན་པ་དེ་རིང་རེས་གཟའ་ལྷག་པའི་ཉིན་གསར་འགོད་པར་གསལ་སྟོན་གནང་བ་ལས་དེ་མིན་དུས་ཚིགས་ག་དུས་ཡིན་མིན་སྐོར་དམིགས་བསལ་གསལ་སྟོན་གང་ཡང་གནང་མེད་པ་རེད་ བལ་ཡུལ་གྱི་སྲིད་བློན་གསར་པ་ པར་ཅན་རྡ་ ད་རེས་པེ་ཅིང་ཨོ་ལིམ་པིག་གི་ལུས་རྩལ་འགྲན་ཚོགས་ཀྱི་མཐའ་མའི་མཛད་སྒོའི་ཐོག་མཉམ་ཞུགས་གནང་བ་དང་སྦྲགས་ ཉིན་གསུམ་རིང་གི་རྒྱ་ནག་ཏུ་འཚམས་འདྲིའི་གཟིགས་སྐོར་དེའི་བརྒྱུད་རིམ་ནང་རྒྱ་ནག་སྲིད་འཛིན་ཧུའུ་ཅིང་ཐའོ་དང་སྲིད་བློན་ལྦོན་བཅའ་སྦའོ་སོགས་དང་མཇལ་འཕྲད་ཡང་གནང་ཡོད་པ་རེད་།