རྒྱ་ནག་ལ་ཇོ་མོ་གླང་མའི་རི་རྩེར་དཔལ་འབར་འཁྱེར་རྒྱུ་གལ་ཆེ།

༄༅༎རྒྱ་ནག་གི་ཨོ་ལིམ་ཕིག་གི་དཔལ་འབར་དེ་རི་བོ་ཇོ་མོ་གླང་མའི་རི་རྩེར་འཁྱེར་རྒྱུ་དེ་རྒྱ་ནག་གི་གལ་

གནད་ཆེ་བའི་ལས་དོན་ཞིག་ཡིན་པའི་ཐོག་ཉེ་ཆར་བོད་ནང་བོད་མི་ཚོའི་ཞི་བའི་ངོ་རྒོལ་གྱི་ལས་འགུལ་

དེས་དེ་བས་གལ་གནད་ཆེ་བ་ཞིག་ཏུ་གྱུར་ཡོད་པ་རེད་ཅེས་གནས་ཚུལ་འཁོད་འདུག

ཨོ་ལིམ་ཕིག་གི་དཔལ་འབར་དེ་རི་བོ་ཇོ་མོ་གླང་མའི་རི་སྟེང་དུ་འཁྱེར་རྒྱུའི་རྒྱ་ནག་གི་འཆར་གཞི་དེ་ལོ་

བདུན་སྔོན་ནས་བསྒྲིགས་པའི་འཆར་གཞི་ཞིག་ཡིན་པ་རེད་

དེའི་དམིགས་ཡུལ་ནི་རྒྱ་ནག་ནང་གཅིག་སྒྲིལ་དང་གྲངས་ཉུང་མི་རིགས་བར་མཉམ་མཐུན་རྒྱལ་ཁབ་ཀྱི་

མཚན་སྙན་སོགས་ལ་ཕན་ཐོགས་བྱེད་རྒྱུའི་འཐབ་བྱུས་ཤིག་ཡིན་པ་རེད་ ད་རེས་རི་བོ་ཇོ་མོ་གླང་མའི་

སྟེང་དཔལ་འབར་འཁྱེར་མཁན་ནང་བོད་མི་དང་ རྒྱ་ནག་གི་ཧན་མི་རིགས་གཉིས་ཀར་བཅུག་སྟེ་མི་རིགས་དེ་གཉིས་དབར་མཐུན་སྒྲིལ་ཡོད་པའི་རྣམ་པ་

མཚོན་ཐབས་བྱས་པ་དང་བོད་ཐོག་རྒྱ་ནག་གི་བདག་དབང་ཡོད་ལུགས་དང་ སྤྱི་ཚོགས་མཉམ་མཐུན་

ཡོད་ཚུལ་སོགས་ཕྱི་ཕྱོགས་སུ་སྟོན་རྒྱུའི་ཆེད་དུ་ཡིན་ལུགས་དང་ དེ་བཞིན་ཡང་བོད་དེ་རྒྱ་ནག་གི་དབང་འཛིན་འོག་གནས་ཡོད་པ་དང་བོད་དེ་རྒྱ་ནག་གི་ཆ་ཤས་ཤིག་

ཡིན་པ་སོགས་གནད་དོན་དེ་གཉིས་རྒྱལ་སྤྱིའི་ཐོག་གསལ་པོ་མཚོན་ཐུབ་རྒྱུའི་ཆེད་དུ་ཡིན་ལུགས་

ཧོང་ཀོང་གྲོང་ཁྱེར་གྱི་སློབ་གྲྭ་ཆེན་མོའི་ཆབ་སྲིད་ཚན་རིག་སློབ་དཔོན་སྐུ་ཞབས་ ཇཱོ་སེཕཱ་ཀྲེང་ ཡིས་དཔྱད་ཞིབ་གནང་བའི་དགོངས་ཚུལ་གསུངས་ཡོད་པ་རེད་།