རྒྱ་གཞུང་གིས་ཆབ་མདོའི་ཁུལ་གྱི་བོད་མི་ཐོ་འགོད་བྱེད་བཞིན་པ།

༄༅༎བོད་ཆབ་མདོ་ཁུལ་གྱི་ས་གནས་གྲོང་གསེབ་དང་དགོན་སྡེ་སོགས་ཀྱི་ནང་རྒྱ་ནག་གཞུང་གི་ལས་དོན་རུ་ཁག་སླེབས་ནས་ས་གནས་བོད་མི་ལོ་ན་༡༦་ནས་༦༠་བར་ཚང་མས་རང་གི་དཔར་རེ་དང་རྒྱ་མིའི་སྒོར་མོ་བརྒྱ་རེ་ལེན་ནས་རང་མིང་དེབ་འཁྱེར་བྱེད་པའི་ལས་འགུལ་ཞིག་སྤེལ་བཞིན་ཡོད་པ་རེད།
བོད་རིགས་གནས་སྡོད་བྱེད་སའི་ས་ཁུལ་དེ་ཚོའི་ནང་རྒྱ་མི་ལས་བྱེད་ལས་དོན་རུ་ཁག་གར་སར་གནས་སྡོད་བྱས་ཏེ་བོད་མི་ཚོར་མི་འདོད་བཞིན་དུ་ལས་འགུལ་དེའི་ནང་བཞུགས་དགོས་པའི་སྐོར་དང་གལ་ཏེ་བཀའ་སྲུང་ཅི་སྒྲུབ་མ་བྱས་ཚེ་ཉེས་ཆད་ཕོག་སྲིད་པའི་བཙན་བཀའ་བཏང་ནས་བོད་མི་ཚོ་གནས་བཟོད་མི་བདེ་བ་ཞིག་བཟོ་བཞིན་ཡོད་པའི་སྐོར་ས་གནས་ནས་འབྲེལ་ཡོད་བོད་མི་ཞིག་གིས། འདི་ག་ཨེ་ཤེ་ཡའི་རང་དབང་རླུང་འཕྲིན་ཁང་གི་གསར་འགོད་པ་བཟོད་པ་རྒྱ་མཚོ་ལགས་སུ་ངོ་སྤྲོད་གནང་འདུག།