ད་ཐེངས་ཀྱི་བོད་རྒྱའི་འབྲེལ་མོལ་དེ་གལ་ཆེ་ཆགས་ཀྱི་ཡོད་པ།

༄༅༎བཙན་བྱོལ་བོད་གཞུང་གིས་རྒྱ་ནག་གཞུང་དང་འབྲེལ་མོལ་དེ་གལ་གནད་ཆེན་པོ་དང་

རྒྱ་གཞུང་གིས་འབྲེལ་མོལ་མུ་མཐུད་གནང་རྒྱུའི་ཁས་ལེན་བྱས་པ་དེར་ཐུགས་མཉེས་པོ་བྱུང་

སྐོར་གསུང་འདུག བཙན་བྱོལ་བོད་གཞུང་གིས་མགྲིན་ཚབ་པ་ཐུབ་བསྟན་བསམ་འཕེལ་ལགས་

ཀྱིས་ད་ཐེངས་རྒྱ་གཞུང་དང་འབྲེལ་མོལ་བྱུང་བ་དེས་བོད་ཀྱི་གནད་དོན་སེལ་རྒྱུར་གལ་གནད་

ཆེན་པོ་ཆགས་ཀྱི་ཡོད་པ་དེ་དངོས་འབྲེལ་རེད་ཅེས་གསུང་འདུག རྒྱ་གཞུང་གིས་༧གོང་ས་

མཆོག་གི་སྐུ་ཚབ་རྣམ་གཉིས་དང་མ་འོངས་པར་མཇལ་མོལ་གནང་རྒྱུའི་ཁས་ལེན་བྱས་པ་དེ་ནི་

གནས་ཚུལ་ཡག་པོ་ཞིག་ཀྱང་རེད་ཅེས་ཐུབ་བསྟན་བསམ་འཕེལ་ལགས་ཀྱིས་གསུང་འདུག

ལོ་ངོ་གཅིག་ཙམ་རྗེས་ཉིན་གཅིག་རིང་གི་ཕྱོགས་ཕན་ཚུན་གྱི་སྐུ་ཚབ་རྣམ་པའི་མཇལ་མོལ་

དེ་རེས་གཟའ་ཉི་མ་ཉིན་མཇུག་བསྒྲིིལ་ཟིན་པ་དང་མཇལ་མོལ་དེར་གནས་ཚུལ་ཇི་བྱུང་

ཁ་གསལ་གང་ཡང་མེད་པ་རེད་ མིང་འདོན་གནང་འདོད་མེད་པའི་བོད་གཞུང་གི་

ཆེས་མཐོའི་ལས་བྱེད་པ་ཞིག་གིས་ད་ཐེངས་ཀྱི་སྐུ་ཚབ་རྣམ་པའི་མཇལ་མོལ་དེར་གྲུབ་འབྲས་

རྡོག་རྡོག་གང་ཡང་བཏོན་རྒྱུ་མེད་པ་དེར་བློ་གྱོད་ཡོད་སྐོར་གསུང་འདུག དེ་ཡང་གོང་ཞུས་

བོད་གཞུང་གི་ལས་བྱེད་པ་དེས་ང་ཚོའི་རེ་བར་རྒྱ་གཞུང་གིས་བོད་མིའི་ཐོག་དྲག་གནོན་བྱེད་རྒྱུ་

དེ་མཚམས་འཇོག་བྱེད་རྒྱུའི་ཁས་ལེན་ཞིག་ཉུང་མཐར་བྱེད་དགོས་ཆགས་ཡོད་ སྐུ་ཚབ་རྣམ་གཉིས་

ཕྱིར་ཕེབས་གནང་རྗེས་བཀའ་མོལ་ཇི་བྱུང་ཉན་རྒྱུར་ངང་སྒུག་བྱེད་བཞིན་ཡོད་ཅེས་གསུང་འདུག བཙན་བྱོལ་བོད་གཞུང་གི་སྐུ་རྣམ་གཉིས་རེས་གཟའ་མིག་དམར་དང་ཡང་ན་རེས་གཟའ་ལྷག་པ་

ཉིན་རྒྱ་གར་དུ་ཕྱིར་འཁོར་གནང་རྒྱུ་དང་སྐབས་དེར་༧གོང་ས་མཆོག་ལ་རྒྱ་གཞུང་གི་དཔོན་རིགས་

བར་བཀའ་མོལ་ཇི་བྱུང་སྙན་སེང་སྒྲོན་གནང་རྒྱུ་ཡིན་པ་རེད་