པེ་ཅིང་གནམ་བདེ་སྒོ་མོ་ཆེའི་ལས་འགུལ་ནང་ཞུགས་མཁན་སྐོར།

༄༅༎ལོ་ངོ་ཉི་ཤུའི་གོང་པེ་ཅིང་གནམ་བདེ་སྒོ་མོ་ཆེའི་ཐང་ཆེན་ཐོག་སློབ་ཕྲུག་གི་དམངས་གཙོའི་ལས་འགུལ་དེའི་སྐབས་བཙོན་འཇུག་བྱས་པའི་སློབ་ཕྲུག་དང་དམངས་གཙོ་དོན་གཉེར་བ་མང་པོ་ཞིག་དེང་སྐབས་བཙོན་ཁང་ནས་གློད་བཀྲོལ་བྱུང་ཡོད་ན་ཡང་ཁོང་ཚོར་དེོན་དངོས་ཀྱི་རང་དབང་མེད་པ་མ་ཟད། སྤྱི་ཚོགས་ནང་སླེབས་པའི་རྗེས་ལས་ཀ་མི་རག་པ་དང་ལྟ་རྟོག་བྱད་མཁན་མེད་པའི་དཀའ་ངལ་ཆེན་པོ་འཕྲད་བཞིན་ཡོད་པ་རེད། པེ་ཅིོང་གི་གྲོང་མི་ཀྲང་ཡན་ཧྲང་ལོ་ངོ་ཉི་ཤུའི་གོང་གི་དམངས་གཙོའི་ལས་འགུལ་དེའི་སྐབས་འཛིན་བཟུང་བྱས་ནས་ལོ་ངོ་བཅུ་བཞི་བཙོན་འཇུག་བྱས་ཡོད་པ་དང་། བཙོན་བཀྲོལ་ཐོབ་པའི་རྗེས་ཁོང་གིས་རྒྱ་ནག་ནང་སྨྲ་བརྗོད་དང་འགུལ་ཞུད་ལ་རང་དབང་དགོས་པའི་སྐོར་གསར་འགོད་པའི་དྲི་བར་ལན་འདེབས་བྱས་པའི་རྐྱེན་གྱིས་སླར་ཡང་བཙོན་འཇུག་ལོ་ལྔ་བྱས་ནས་ད་ཆ་ཁོང་བཙོན་ཁང་ནས་གློད་བཀྲོལ་ཐོབ་ཡོད་ཀྱང་འཚོ་རྟེན་ཆེད་ལས་ཀ་འཚོལ་རྒྱུར་དཀའ་ངལ་ཆེན་པོ་འཕྲད་ནས་སྐྱེས་མ་མཉམ་དུ་ཁང་ཆུང་ཞིག་ནང་མི་སྡོད་ཀ་མེད་ཀྱི་གནས་སུ་གྱར་ཡོད་ཅིང་། ཁོང་གིས་ང་དང་འདྲ་བའི་དུས་རབས་ཉི་ཤུའི་ནང་བཙོན་འཇུག་བྱས་པ་མང་ཆེ་བ་དེང་སྐབས་བཙོན་འཇུག་དུས་བཀག་ཟིན་ནས་བཙོན་བཀྲོལ་ཐོབ་ཡོད་ན་ཡང་སྤྱི་ཚོགས་ནང་སླེབས་པའི་རྗེས་ང་ཚོར་ལྟ་རྟོག་བྱེད་མཁན་ཧ་ལམ་མེད་པ་རེད་ཅེས་གསུངས་བཞག ཚེ་སྲོང་ཤོང་བའི་སློབ་ཕྲུག་གི་ཕ་མ་ཚོས་གནམ་བདེ་སྒོ་མོའི་ཐང་ཆེན་གྱི་སྐྱེས་མའི་ཚོགས་པ་ཞེས་པ་ཞིག་བཙུགས་ནས་འདས་པའི་ལོ་ངོ་ཉི་ཤུའི་རིང་རྒྱ་ནག་གཞུང་གིས་སྐབས་དེའི་སློབ་ཕྲུག་གི་དམངས་གཙོའི་ལས་འགུལ་ལ་དྲག་གནོན་བྱས་པར་དག་སེལ་དགོས་པའི་འབོད་སྐུ་ཞུ་བའི་ལས་འགུལ་སྤེལ་མུས་ཡིན་པ་རེད༎