ཨོསི་ཊརེ་ལི་ཡའི་སྐུ་ཚབ་དོན་གཅོད་མཆོག་དང་ཐེ་ཝན་གཞུང་ཚབ་གཉིས་མཇལ་འཕྲད་གནང་འདུག
ཨོསི་ཊརེ་ལི་ཡའི་སྐུ་ཚབ་དོན་གཅོད་མཆོག་དང་ཐེ་ཝན་གཞུང་ཚབ་གཉིས་མཇལ་འཕྲད་སྐབས། ༠༨།༡༢།༢༠༢༣
CTA
དེ་ཡང་འདི་ཚེས་༡༢་ཉིན། ཨོསི་ཊརེ་ལི་ཡའི་ནང་ཚོགས་པའི་ཐེ་ཝན་གྱི་གློག་བརྙན་དུས་སྟོན་ཐེངས་༦པའི་སྟེང་། ཨོསི་ཊརེ་ལི་ཡའི་བོད་ཀྱི་སྐུ་ཚབ་དོན་གཅོད་ཀརྨ་སེང་གེ་ལགས་མགྲོན་འབོད་གནང་བ་ལྟར་མཛད་སྒོ་དེར་ཕེབས་ནས། ཡུལ་དེའི་ཐེ་ཝན་གྱི་གཞུང་ཚབ་གསར་བ་དང་དུས་ཐུང་གི་མཇལ་འཕྲད་གནང་ཡོད་པ་དང་། ཨོསི་ཊརེ་ལི་ཡའི་བོད་ཀྱི་སྐུ་ཚབ་དོན་གཅོད་ཀརྨ་སེང་གེ་ལགས་ཀྱིས་ཨེ་ཤེ་ཡ་རང་དབང་རླུང་འཕྲིན་ཁང་ལ་གསུངས་ན། ད་རེས་ཐེ་ཝན་གྱི་གློག་བརྙན་དུས་སྟོན་དེའི་མཛད་སྒོའི་སྐུ་མགྲོན་དུ་བོད་ཀྱི་སྐུ་ཚབ་དོན་གཅོད་མགྲོན་འབོད་གནང་བ་ལྟར་བཅར་བ་དང་། སྐབས་དེར་མཛད་སྒོའི་ཐོག་ཨོསི་ཊརེ་ལི་ཡའི་ནང་བཅའ་སྡོད་ཐེ་ཝན་གྱི་གཞུང་ཚབ་གསར་པ་(Douglas Hsu)་ལགས་ཕེབས་འདུག་པས། ཁོང་དང་ལྷན་དུས་ཐུང་གི་མཇལ་འཕྲད་དང་མཉམ་ཁོང་ཉིད་ཨོསི་ཊརེ་ལི་ཡར་ཐེ་ཝན་གྱི་དཔལ་འབྱོར་དང་རིག་གཞུང་ལས་ཁུངས་ཀྱི་གཞུང་ཚབ་ཏུ་བསྐོ་བཞག་གནང་བར་འཚམས་འདྲི་ཞུས་པ་དང་ཆབས་ཅིག ཁོང་མོའི་འབྱུང་འགྱུར་ལས་དོན་རྣམས་ལམ་ལྷོངས་ཡོང་བའི་སྨོན་འདུན་ཞུས་བ་ཡིན། དོན་གཅོད་ཁང་གི་ངོས་ནས་ཨོསི་ཊརེ་ལི་ཡའི་ནང་ཡོད་པའི་རྒྱལ་ཁབ་ཁག་གི་གཞུང་ཚབ་ཁག་དང་འབྲེལ་ལམ་དམ་ཟབ་བཟུང་ནས་བོད་དོན་ངོ་སྤྲོད་དང་གོ་རྟོགས་སྤེལ་རྒྱུ་གལ་ཆེན་ལ་ངོས་འཛིན་གནང་བཞིན་པ་འགྲེལ་བརྗོད་གནང་བྱུང་།
གློག་བརྙན་དུས་སྟོན་གྱི་མཛད་སྒོར་དེར་སྐུ་ཚབ་དོན་གཅོད་དང་ལྷན་དུ་དོན་གཅོད་ཁང་གི་རྒྱ་རིགས་འབྲེལ་མཐུད་པ་ཟླ་བ་བཟང་མོ་ལགས་ལྷན་བཅར་ཞུས་ཡོད་འདུག
གསར་འགོད་པ། ཡེ་ཤེས་ཟླ་བ། ཀླུ་འབུམ།
རྩོམ་སྒྲིག་པ། རིག་ལྡན་སྒྲོལ་མ།
དྲྭ་ཐོག་རྩོམ་སྒྲིག་པ། སྐལ་ལྡན་བློ་གྲོས།
དྲྭ་ཐོག་སྤེལ་མཁན། ཀླུ་འབུམ།
བལྟ་བཤེར་མང་ཤོས་བྱས་པའི་གནས་ཚུལ།
RFA
- རྒྱ་གར་གྱིས་པ་ཀིསྟན་ནང་གི་དྲག་སྤྱོད་པའི་ས་ཚིགས་ལ་རྒོལ་རྡུང་བཏང་བར་རྒྱ་ནག་གིས་བློ་འགྱོད་ཡོད་སྐོར་བརྗོད་འདུག
- ༸གོང་ས་༸སྐྱབས་མགོན་ཆེན་པོ་མཆོག་གིས་དཀའ་ཁག་ཆེ་བའི་དུས་སྐབས་འདིར་༸རྒྱལ་དབང་རིན་པོ་ཆེ་ཡོད་བསམ་ནས་བློ་བདེ་པོ་བྱོས་ཞེས་མཇལ་བཅར་བ་ཚོར་བཀའ་སྩལ་མཛད་འདུག
- ༸རྒྱལ་བའི་ཡང་སྲིད་དང་། རྒྱ་ནག་དམར་ཤོག་གཞུང་གི་ངན་བྱུས།
- ཨེ་ཤེ་ཡ་རང་དབང་རླུང་འཕྲིན་ཁང་གི་བོད་སྐད་སྡེ་ཚན་དང་། ཡུ་གུར། འབར་མའི་སྐད་ཡིག་སྡེ་ཚན་གྱི་ལས་དོན་མཚམས་འཇོག་བྱེད་རྒྱུའི་གསལ་བསྒྲགས།
- ༸གོང་ས་༸སྐྱབས་མགོན་ཆེན་པོ་མཆོག་གིས་ཇོ་ནང་རྒྱལ་ཚབ་རིན་པོ་ཆེ་དང་། ཤར་སྤྲུལ་རིན་པོ་ཆེ། དགེ་བཤེས་ལྷུན་གྲུབ་བཟོད་པ་རིན་པོ་ཆེའི་ཡང་སྲིད་གཙོས་པའི་ཕྱི་ནང་གི་དད་ལྡན་པར་མཇལ་ཁ་སྩལ་བ།
བལྟ་བཤེར་མང་ཤོས་བྱས་པའི་གནས་ཚུལ།
གསར་འགྱུར།
- ཡུ་རོབ་གྲོས་ཚོགས་ཀྱིས་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་སྐུའི་ཡང་སྲིད་ངོས་འཛིན་གནང་སྒོར་རྒྱ་ནག་གཞུང་གིས་ཐེ་གཏོགས་བྱེད་པར་སྐྱོན་བརྗོད་ཀྱི་གྲོས་ཆོད་ཚད་མཐོའི་མང་མོས་ཐོག་གཏན་འབེབས་གནང་འདུག
- ༸གོང་ས་༸སྐྱབས་མགོན་ཆེན་པོ་མཆོག་གིས་བསྟན་འགྲོ་སྤྱིའི་དོན་དུ་མཛད་འཕྲིན་མུ་མཐུད་བསྐྱང་རྒྱུའི་བཀའ་བཞེས་ཕེབས་སོང་།
- རྒྱ་ནག་གཞུང་གིས་ལོ་དགུའི་རིང་ཆུ་དང་གློག་གི་མཐུན་རྐྱེན་བཅད་པར་ཞུ་གཏུགས་བྱེད་མཁན་སྐལ་བཟང་ལགས་བཙོན་འཇུག་བྱས་འདུག
- ༸གོང་ས་༸སྐྱབས་མགོན་ཆེན་པོ་མཆོག་གིས་ཡེ་ཤུའི་བླ་ཆེན་པོབ་ལེའུ་བཅུ་བཞི་པ་མཆོག་ལ་འཚམས་འདྲི་མཛད་འདུག
- ཧོང་ཀོང་དུ་སངས་རྒྱས་ཀྱི་རིང་བསྲེལ་རིན་བསྡུར་ཚོང་སྒྱུར་བྱེད་འཆར་ལ་རྒྱ་གར་གཞུང་གིས་སྐྱོན་བརྗོད་དང་སྦྲགས། རིང་བསྲེལ་རང་གནས་སུ་ཕྱིར་སློག་དགོས་པ་བསྒྲགས་འདུག