རྒྱ་ནག་གིས་རྒྱ་གར་ས་མཚམས་ཀྱི་དཀའ་རྙོག་ནི་ལོ་རྒྱུས་ནས་ལྷག་པ་ཞིག་ཡིན་ཚུལ་བརྗོད་འདུག
བོད་དང་ས་འབྲེལ་སྣ་སྟོད་ལ་(Nathula)་ས་མཚམས་སུ། ༢༠༠༦
AP
དེ་ཡང་ཕྱི་ཟླ་དང་པོའི་ཚེས་༢༥རེས་གཟའ་ཕུར་བུའི་ཉིན། རྒྱ་ནག་གི་རྒྱལ་སྲུང་ལས་ཁུངས་ཀྱི་མགྲིན་ཚབ་པ་(Wu Qian)་གྱིས་ཟླ་རེའི་འཆར་ཅན་གྱི་གསར་འགོད་ལྷན་ཚོགས་ཐོག རྒྱ་གར་དང་རྒྱ་ནག་བར་གྱི་ས་མཚམས་ཀྱི་དཀའ་རྙོག་རྣམས་ལོ་རྒྱུས་ནས་ཆད་པའི་གནད་དོན་ཞིག་ལས་རྒྱ་གར་དང་རྒྱ་ནག་གྱི་ཕྱོགས་ཡོངས་ཀྱི་འབྲེལ་ལམ་ནས་བྱུང་བ་ཞིག་མིན་པའི་སྐོར་བཤད་ཡོད་པ་དང་། རྒྱ་གར་ཕྱོགས་ནས་ས་མཚམས་ཀྱི་དཀའ་རྙོག་དེ་ནི་རྒྱ་ནག་དང་རྒྱ་གར་རྒྱལ་ཁབ་གཉིས་པོའི་འབྲེལ་ལམ་དང་མཉམ་བསྲེས་བྱེད་པ་ནི་བསམ་ཞིབ་མེད་པ་དང་འོས་འཚམས་ཤིག་མ་རེད་ཟེར་བཤད་ཡོད་འདུག
ཟླ་བ་འདིའི་འགོ་སྟོད་དུ་རྒྱ་གར་གྱི་མཐོ་རིམ་དཔོན་རིགས་ཤིག་གིས་རོའུ་ཊར་གསར་འགྱུར་ལས་ཁང་ལ། གལ་ཏེ་རྒྱལ་ཁབ་གཉིས་པོའི་ས་མཚམས་མུ་མཐུད་དུ་ཞི་འཇམ་དུ་གནས་པ་ཡིན་ཚེ་རྒྱ་གར་ཕྱོགས་ནས་རྒྱ་ནག་གི་དཔལ་འབྱོར་མ་རྩ་འཛུགས་མཁན་གྱི་དཀའ་ངལ་སེལ་ཐབས་གནང་གི་རེད་ལ་རྟགས་མཚན་དང་པོ་ནི་ལོ་བཞི་ཕྱིན་པའི་དམ་དྲག་དེ་ཕྱིར་འཐེན་བྱ་སྲིད་པའི་སྐོར་གསུངས་ཡོད་འདུག
བོད་མི་དང་བོད་དོན་རྒྱབ་སྐྱོར་བ་ཚོས་ཡང་ནས་བསྐྱར་དུ་རྒྱ་དཀར་ནག་བར་ས་མཚམས་ཟེར་བ་ཞིག་མེད་པ་དང་། བོད་ཀྱི་གནད་དོན་མ་སེལ་བར་དུ་ས་མཚམས་ཀྱི་དཀའ་རྙོག་སེལ་ཐབས་མེད་པའི་ལས་འགུལ་རིམ་པ་སྤེལ་ཡོད་པ་རེད།
རྒྱ་ནག་གཞུང་གིས་ཉེ་བའི་ལོ་ཤས་ནས་རྒྱ་གར་བྱང་ཕྱོགས་ལ་དྭགས་དང་འབྲས་ལྗོངས། རྒྱ་གར་བྱང་ཤར་ཨ་རུ་ན་ཅལ་བཅས་ཀྱི་ས་མཚམས་འཁེལ་སའི་བོད་ཀྱི་ས་ཁུལ་དུ་གྲོང་ཚོ་གསར་རྒྱག་བྱེད་བཞིན་པ་མ་ཟད། དམག་སྒར་དང་ཟམ་ཆེན་སོགས་འཛུགས་སྐྲུན་ལས་གཞི་རྒྱ་ཆེ་སྤེལ་བའི་ཁྲོད། རྒྱ་ནག་གི་དམག་མིས་རྒྱ་གར་གྱི་ས་ཁོངས་ནང་སིམ་འཛུལ་བྱས་བ་སོགས་ཀྱིས་ཕྱོགས་གཉིས་བར་རྩོད་རྙོག་བྱུང་བ་དང་། དམིགས་བསལ་ཕྱི་ལོ་༢༠༢༠ལོར་ལ་དྭགས་གྷལ་ཝན་ལུང་གཤོངས་སུ་རྒྱ་དཀར་ནག་གཉིས་ཀྱི་མཐའ་མཚམས་དམག་མིའི་བར་གདོང་ཐུག་ཤུགས་ཆེ་བྱུང་བའི་རྐྱེན་གྱིས་ཕྱོགས་གཉིས་པོའི་དམག་མི་རྐྱེན་འདས་སུ་ཕྱིན་པའི་གནས་ཚུལ་བྱུང་སྟེ་ཨེ་ཤེ་ཡའི་སྟོབས་ཆེན་རྒྱལ་ཁབ་གཉིས་ཀྱི་བར་ལ་རྩོད་གཞི་ཆེན་པོར་གྱུར་ཡོད་པ་རེད།
ད་དུང་རྒྱ་གར་གཞུང་གིས་ཉེ་ཆར་ཕྱི་ཟླ་དྲུག་པའི་ནང་རྒྱ་ནག་དང་འབྲེལ་བ་ཡོད་པའི་མཉེན་ཆས་༢༣༢བཀག་སྡོམ་བྱས་ཡོད་པ་དང་། སྐབས་དེར་རྒྱ་གར་གྱི་འཕྲུལ་ལས་དང་བརྡ་འཕྲིན་ལས་ཁུངས་ཀྱིས་མཉེན་ཆས་དེ་དག་གི་དངོས་རྫས་རྣམས་རྒྱལ་ཁབ་ཀྱི་ས་ཁོངས་བདག་དབང་ལ་གནོད་གཞི་གྱུར་བར་བརྟེན་ནས་བཀག་སྡོམ་གནང་བ་ཞིག་ཡིན་ལུགས་གསུངས་ཡོད་པ་རེད།
གང་ལྟར་རྒྱ་དཀར་ནག་གཉིས་ཀྱི་ས་མཚམས་ཀྱི་དཀའ་རྙོག་ཟེར་བ་སེལ་ཐབས་ཐད་ལ་ད་བར་རྒྱ་དཀར་ནག་གི་དམག་དཔོན་ཚོས་གྲོས་མོལ་ཐེངས་བཅུ་གྲངས་ལྷག་བྱས་ཡོད་ཀྱང་དོན་འབྲས་ཆེན་པོ་སོན་པ་གང་ཡང་བྱུང་མེད་པར་གནད་དོན་དབྱེ་ཞིབ་པ་ཚོས་ངོས་འཛིན་བྱེད་ཀྱི་ཡོད་པ་རེད།
གསར་འགོད་པ། གཡུ་སྒྲོན།
རྩོམ་སྒྲིག་པ། བཀྲ་ཤིས་དབང་ཕྱུག
དྲྭ་ཐོག་རྩོམ་སྒྲིག་པ། དཔལ་ལྡན་རྒྱལ།
དྲྭ་ཐོག་སྤེལ་མཁན། ཀླུ་འབུམ།
བལྟ་བཤེར་མང་ཤོས་བྱས་པའི་གནས་ཚུལ།
RFA
- ཨེ་ཤེ་ཡ་རང་དབང་རླུང་འཕྲིན་ཁང་གི་སྐད་ཡིག་སྡེ་ཚན་ཕལ་ཆེ་བ་སྒོ་བརྒྱབ་རྒྱུའི་གསལ་བསྒྲགས།
- རྒྱ་གར་གྱིས་པ་ཀིསྟན་ནང་གི་དྲག་སྤྱོད་པའི་ས་ཚིགས་ལ་རྒོལ་རྡུང་བཏང་བར་རྒྱ་ནག་གིས་བློ་འགྱོད་ཡོད་སྐོར་བརྗོད་འདུག
- ༸གོང་ས་༸སྐྱབས་མགོན་ཆེན་པོ་མཆོག་གིས་ཇོ་ནང་རྒྱལ་ཚབ་རིན་པོ་ཆེ་དང་། ཤར་སྤྲུལ་རིན་པོ་ཆེ། དགེ་བཤེས་ལྷུན་གྲུབ་བཟོད་པ་རིན་པོ་ཆེའི་ཡང་སྲིད་གཙོས་པའི་ཕྱི་ནང་གི་དད་ལྡན་པར་མཇལ་ཁ་སྩལ་བ།
- བཀའ་ཟུར་བཀྲ་ཤིས་དབང་འདུས་ལགས་འདས་གྲོངས་སུ་གྱུར་འདུག
- ༸གོང་ས་༸སྐྱབས་མགོན་ཆེན་པོ་མཆོག་གིས་དཀའ་ཁག་ཆེ་བའི་དུས་སྐབས་འདིར་༸རྒྱལ་དབང་རིན་པོ་ཆེ་ཡོད་བསམ་ནས་བློ་བདེ་པོ་བྱོས་ཞེས་མཇལ་བཅར་བ་ཚོར་བཀའ་སྩལ་མཛད་འདུག
བལྟ་བཤེར་མང་ཤོས་བྱས་པའི་གནས་ཚུལ།
གསར་འགྱུར།
- ཨ་རྒྱ་གཉིས་ཀྱི་ཚོང་དམག་ཁྲོད་བཟོ་གྲྭ་མང་པོ་སྒོ་བརྒྱབ་པའི་རྐྱེན་གྱིས་རྒྱ་ནག་གི་ས་ཁུལ་གང་སར་ལས་མིས་ངོ་རྒོལ་བྱེད་བཞིན་འདུག
- ༸རྒྱལ་བའི་ཡང་སྲིད་དང་། རྒྱ་ནག་དམར་ཤོག་གཞུང་གི་ངན་བྱུས།
- ༸གོང་ས་༸སྐྱབས་མགོན་ཆེན་པོ་མཆོག་གིས་ཚང་མ་མཐུན་སྒྲིལ་ཐོག་མཉམ་གནས་ཐུབ་རྒྱུ་དེ་མགོན་པོ་མཆོག་གི་ཐུགས་རེ་གཙོ་བོ་ཡིན་ཞེས་རྒྱ་རིགས་ཚན་རིག་པ་ཚོར་བཀའ་སྩལ་མཛད་འདུག
- ༸གོང་ས་༸སྐྱབས་མགོན་ཆེན་པོ་མཆོག་གིས་བསྟན་འགྲོ་སྤྱིའི་དོན་དུ་མཛད་འཕྲིན་མུ་མཐུད་བསྐྱང་རྒྱུའི་བཀའ་བཞེས་ཕེབས་སོང་།
- ཨ་རིའི་ཕྱི་སྲིད་ལས་ཁུངས་ཀྱི་འཛིན་སྐྱོང་སྒྲོམ་གཞི་བསྐྱར་སྒྲིག་ཁྲོད། སྲིད་སྐྱོང་སྤེན་པ་ཚེ་རིང་ལགས་ཀྱིས་བོད་དོན་དམིགས་བསལ་འབྲེལ་མཐུད་པ་ཕྱི་སྲིད་དྲུང་ཆེའི་ཐད་ཀར་འོག་ལས་གནས་བསྐོ་བཞག་ཡོང་བའི་འབོད་སྐུལ་གནང་འདུག