དམིཌ་བསལ་ཚོཌ་ཆེན་གཟའ་སྐར་འཕྲོས་སྦྱོར་ལ་གཟིགས་འདུག

༄༅༎བོད་མི་རྣམས་བཙན་བྱོལ་དུ་འབྱོར་ནས་ལོ་ངོ་ལྔ་བཅུ་སླེབས་ལ་ཉེ་བའི་དུས་ཡུན་དེའི་རིང་བོད་ཀྱི་གནད་དོན་ཐོག་མི་མང་གི་སྐུ་ཚབ་དམིགས་བསལ་ཚོགས་འདུ་བསྐོངས་ཚོགས་གནང་བ་ད་རེས་ཐོག་མ་དེ་ཆགས་ཀྱི་ཡོད་པའི་ཆ་ནས་བོད་ལུགས་སྐར་རྩིས་ཀྱི་ལམ་ལུགས་དང་བསྟུན་ནས་གཏན་འབེབས་གནང་ཡོད་པའི་སྐོར་བཀའ་བློན་ཁྲི་པ་མཆོག་གིས་ཁ་སའི་ཚོགས་ཆེན་ཐོག་འགྲེལ་བརྗོད་གནང་འདུག ལྷག་པར་དུ་བཀའ་བློན་ཁྲི་པ་མཆོག་གིས་བོད་མི་ཁག་ཅིག་གིས་ཚོགས་ཆེན་གྱི་ཉིན་དང་པོ་དེ་ཉིན་ནག་འཁེལ་གྱི་ཡོད་པའི་ཆ་ནས་དུས་ཚིག་བཟང་པོ་ཞིག་མིན་ལུགས་དགོངས་ཚུལ་གསུངས་མཁན་ཡོད་ཀྱང་དེ་དག་ལ་དམིགས་བསལ་གསལ་བཤད་སྐྱོན་གནང་འདུག

བཀའ་བློན་ཁྲི་པ་མཆོག་གིས་རྩ་བའི་དབུ་འབྱེད་ཉིན་མོ་དེ་བཞིན་ཉིན་ནག་འཁེལ་ཡོད་ཀྱང་གལ་ཆེ་ཤོས་འཕྲོས་སྦྱོར་ལ་གཟིགས་ཡོད་པ་མ་ཟད་ཚེས་ཆ་བཟློག་ཐབས་སུ་དམིགས་བསལ་ཞབས་རིམ་ཞུ་སྒོ་ཁག་འབྲེལ་ཡོད་ཚོགས་དྲུང་ཡིག་ཚང་ནས་འཐུས་ཚང་གྲུབ་གནང་ཡོད་པའི་སྐོར་གསལ་བཤད་གནང་ཡོད་པ་རེད། ཚོགས་ཆེན་ཟླ་འདིའི་ཚེས་ཉི་ཤུ་གཉིས་རེས་གཟའ་སྤེན་པའི་ཉིན་མཇུག་སྒྲིལ་གནང་གི་ཡོད་པ་རེད༎