ཕྱུག་མཚོ་ལཌ་ཀྱིས་རང་ལུས་མེར་བསྲེཌ།

༄༅༎དེ་རིང་ཚེས་༡༦ཉིན་བོད་ནང་གི་དུས་ཚོད་ ༣ ཡས་མས་སུ་འཛམ་ཐང་ཇོ་ནང་དགོན་ཆེན་གྱི་ཉེ་འགྲམ་ནས་རང་ལོ་༢༠ཡིན་པའི་བོད་རིགས་བུད་མེད་ཕྱུག་མཚོ་ཞུ་བ་ཞིག་གིས་རང་ལུས་མེར་བསྲེགས་ཀྱིས་རྒྱ་གཞུང་གི་དྲག་གནོན་དབང་སྒྱུར་སྲིད་བྱུས་ལ་ངོ་རྒོལ་གནང་ནས་སྐུ་གྲོངས་ཡོད་པའི་ཛ་དྲག་གི་གནས་ཚུལ་ཐོན་འདུག
ས་གནས་ནས་འགྲེལ་བརྗོད་གནང་དོན་ལྟར་ན།ཁོང་མོས་རང་ལུས་མེར་སྲེག་གནང་མ་ཐག་ས་གནས་དེ་ག་རང་ལ་སྐུ་གྲོངས་ཡོད་པ་དང་། སྐབས་དེར་ས་གནས་མི་མང་གིས་ཁོང་གི་སྐུ་ཕུང་འཛམ་ཐང་ཇོ་ནང་དགོན་ཆེན་དུ་གདན་འདྲེན་ཞུས་ཏེ་རྒྱུན་སྡོད་བླ་གྲྭ་རྣམས་ཀྱིས་ཕོ་ལུང་དང་། བསྔོ་སྨོན་གསུངས་ཡོད་འདུག་ལ།དེ་ནས་སྐུ་ཕུང་རང་ཁྱིམ་དུ་གདན་འདྲེན་ཞུས་ཡོད་འདུག
དེའི་རྗེས་སུ་གནས་ཚུལ་འབྱོར་གསལ་ལྟར་ན། ས་གནས་རྫོང་སྲིད་གཞུང་དང་ས་གནས་ཉེན་རྟོག་ཁང་སོགས་ཀྱིས་བཙན་བཀའ་བཏང་ནས་ཁོང་མོའི་སྐུ་ཕུང་དེ་རིང་གི་མཚན་མོར་ཞུགས་འབུལ་བྱེད་དགོས་བ་བཤད་པ་ལྟར། ད་ལྟ་ཁོང་མོའི་སྐུ་ཕུང་ཞུགས་འབུལ་བྱེད་པར་མི་འདོད་བཞིན་དུ་གྲ་སྒྲིག་བྱེད་བཞིན་ཡོད་པ་དང་། ད་སྐབས་ཁོང་མོའི་ནང་དང་། དགོན་པར་གྲྭ་བ་དང་མི་སྐྱ་ཕོ་མོ་སྟོང་ཕྲག་མང་པོ་འདུ་འཛོམས་གྱིས་གདུང་སེམས་མཉམ་བསྐྱེད་བྱེད་བཞིན་འདུག་ཅེས་ས་གནས་ནས་ངོ་སྤྲོད་བྱས། ཕྱུག་མཚོ་ལགས་ཀྱི་ཕ་ཡུལ་ནི། མདོ་སྨད་འཛམ་ཐང་བར་མ་ཡུལ་ཚོ་ནས་ཡིན་འདུག་ལ། ཁོང་མོའི་ཕའི་མིང་ལ་བསྟན་ཁོ་དང་། མའི་མིང་ལ་སྒྲོན་སྐྱིད་ཟེར་ཞིང་། ཁོང་མོ་གཉེན་སྒྲིག་བྱས་ཏེ་ལོ་ངོ་ ༣ ཅན་གྱི་བྱིས་པ་ཞིག་ཀྱང་ཡོད་འདུག།