བོད་པའི་བུད་མེད་ལ་སྙིང་སྟོབས་ཆེ་བའི་གཟེངས་བསྟོད།

༄༅༎རྒྱལ་སྤྱིའི་བེུད་ཀྱི་གསར་འགོད་ཐེབས་རྩ་ཞེས་པའི་ཚོགས་པ་དེས་བོད་པའི་བེུད་རྩོམ་པ་པོ་གྲངས་ཅན་ཚེ་རིང་འོད་ཟེར་ལགས་སུ་ཕྱི་ལོ་༢༠༡༠ལོའི་སྙིང་སྟོབས་ཆེ་བའི་གསར་འགོད་པ་ཞེས་པའི་གཟེངས་བསྟོད་བྱ་དགའ་ཞིག་འབུལ་བཞེས་མཛད་རྒྱུ་ཡིན་པ་རེད།

རྒྱ་ནག་གི་རྒྱལ་ས་བེ་ཅིང་ནང་གནས་སྡོད་གནང་བཞིན་པའི་དགུང་གྲངས་༤༣ལ་ཕེབས་པའི་རྒྱ་ཡིག་ཐོག་རྩོམ་བྲིས་སྤེལ་མཁན་བོད་རིགས་བེུད་འོད་ཟེར་ལགས་ནི་སྤྱི་ལོ་༡༩༦༦ལོར་བོད་ཀྱི་རྒྱལ་ས་ལྷ་སར་འཁྲུངས་ཡོད་པ་དང་དེ་སྐབས་ཁོང་གི་པ་ལགས་ནི་རྒྱ་མིའི་བཅིངས་བཀྲོལ་དམག་མི་ཞིག་ཡིན་པ་རེད། འོད་ཟེར་ལགས་ཁམས་སྡེ་དགེ་ཁུལ་དུ་འཚར་ལོངས་བྱུང་ནས་རྒྱ་ནག་ཏུ་སློབ་སྦྱོང་གནང་རྗེས་ད་ཕན་འོད་ཟེར་ལགས་ཀྱིས་བོད་མི་མང་གི་དཀའ་ངལ་དེ་ཚོ་རྒྱ་ཡིག་ཐོག་རྩོམ་འབྲི་བྱས་ཡོད་པ་དེ་ཚོ་རྒྱ་ཡིག་དང་འབྱིན་ཡིག། བོད་ཡིག་སོགས་ཀྱི་ཐོབ་ཕབ་བསྒྱུར་གྱིས་འགྲེམས་སྤེལ་མང་པོ་བྱས་ཡོད་པ་དེ་ཚོར་རྒྱ་རིགས་དང་བོད་རིགས་དེ་བཞིན་ཕྱིའི་རྒྱ་མི་རིགས་སོགས་ཀྱིས་ཉམས་སྣང་ཆེན་པོ་བྱེད་ཀྱི་ཡོད་པ་རེད།

རྒྱ་ནག་གཞུང་གིས་འོད་ཟེར་ལགས་སུ་གནོན་ཤུགས་དང་དམ་བསྒྲགས་བྱེད་དགོས་དོན་གཙོ་བོ་ཞིག་ནི་རྣམ་ཀུན་ནས་འོད་ཟེར་ལགས་ཀྱིས་བོད་མིའི་དབུ་ཁྲིད་བླ་ན་མེད་པ་༸གོང་ས་༸སྐྱབས་མགོན་ཆེན་པོ་མཆོག་ལ་དད་གུས་ཆེན་པོ་ཞུ་བ་དེ་རྒྱ་ནག་གིས་༸གོང་ས་མཆོག་ནི་ཁ་བྲལ་རིང་ལུགས་པ་ཞེས་བརྗོད་ཡོད་པ་དང་ དེ་བཞིན་རྒྱ་ནག་གཞུང་གིས་བོད་མིའི་ཐོབ་ཐང་ལ་བརྩི་མེད་རྡོག་རོལ་བཏང་བའི་གནས་ཚུལ་རྒྱལ་སྤྱིའི་ནང་འདོན་སྤེལ་བྱས་པར་རྒྱ་ནག་གཞུང་གིས་འོད་ཟེར་ལགས་སུ་མི་དགའ་བའི་རྒྱུ་མཚན་གཙོ་བོ་ཞིག་ཡིན་པ་རེད༎