བཞུགས་སྒར་དུ་མཁས་པའི་བགྲོ་གླེང་།

༄༅།  །ཁ་སང་ཚེས་༡༢ཉིན་བཞུགས་སྒར་ཉེ་འཁྲིས་ས་རཱ་མཐོ་རིམ་སློབ་གཉེར་ཁང་གི་ནང་། བོད་ཀྱི་སྲིད་བྱུས་ཉམས་ཞིབ་ཁང་གི་གོ་སྒྲིག་འོག        བོད་དང་ཐེ་ཝན་མདུན་ལམ་དང་འགྲེན་རྩོད་ཅེས་པའི་བརྗོད་གཞིའི་མཁས་པའི་བགྲོ་གླེང་ཞིག་གོ་སྒྲིག་གནང་ཡོད་པ་དང་། ཚོགས་འདུའི་ཐོག་བཙན་བྱོལ་བོད་མིའི་སྒྲིག་འཛུགས་ཀྱི་ཕྱི་དྲིལ་བཀའ་བློན་དང་། དྲུང་ཆེ། དེ་བཞིན་བོད་ཀྱི་སྲིད་བྱུས་ཉམས་ཞིབ་ཁང་གི་འགན་འཛིན། ཕྱི་དྲིལ་ཁོར་ཡུག་ཚན་པའི་འགན་འཛིན། གཞུང་ཞབས་འདེམས་བསྐོ་ལྷན་ཁང་གི་འགན་འཛིན་བཅས་འབྲེལ་ཡོད་ཁག་ཅིག་དང་། ཡང་ཐེ་ཝན་ཕྱོགས་ནས་ཅུང་ཧ྄་གཙུག་ལག་སློབ་གཉེར་ཁང་གི་སློབ་དཔོན་ཚན་ཆེན་ཡོན་དང་། རྒྱལ་ཡོངས་སློབ་གཉེར་ཁང་གི་ཉམས་ཞིབ་པ་ཆུ་ཆེང་ཆི་སོགས་འབྲེལ་ཡོད་ཁག་ཅིག་ནས་མཉམ་ཞུགས་གནང་ཡོད་པ་རེད།

སྐབས་དེར་བོད་དང་། ཐེ་ཝན་གཉིས་ཀྱི་དཀའ་རྙོག་འདྲ་པོ་ཡོད་པའི་ཕྱོགས་ཀྱི་གནད་དོན་ཐོག་ཕན་ཚུན་གོ་བསྡུར་སྦྱང་བཤད་དང་། བསམ་ཚུལ་བརྗེ་ལེན་བྱེད་རྒྱུ། དེ་བཞིན་ཐུན་མོང་གི་ཐོག་ནས་ཉམས་ཞིབ་ཀྱི་ལས་དོན་ཡར་རྒྱས་གཏོང་ཐབས། ལྷག་པར་དུ་ཕྱི་ཟླ་བཅུ་གཉིས་པའི་མཇུག་ཏུ་འབྲེལ་མཐུད་བཟང་དུ་གཏོང་ཐབས་སུ་དམིགས་ནས་ཚོགས་འདུ་ཞིག་གོ་སྒྲིག་ཞུ་རྒྱུའི་འཆར་བཀོད་གནང་བ་སོགས་ཀྱི་གྲོས་མོལ་གནང་ཡོད་པ་རེད། །